ઇ-મેઇલ
વિકિપીડિયા થી
ઇ-મેઇલ (ઇલેક્ટ્રોનિક મેઇલ) જેને ગુજરાતીમાં "વિજાણુ પત્ર" કહી શકાય. આ એક પત્ર વ્યવહારની આધુનિક અને ઝડપી પધ્ધતી છે. જેમાં કોમ્પ્યુટર દ્વારા દુનિયાનાં કોઇ પણ ભાગમાં ક્ષણોમાંજ સંદેશો,ચિત્ર કે અન્ય કોઇ પણ પ્રકારનો દસ્તાવેજ મોકલી શકાય છે. આ પધ્ધતીમાં દરેક વપરાશકારનું આપણાં હાલનાં ટપાલ સરનામાં જેવું એક અનન્ય સરનામું હોય છે જે (abc@xyz.com) એ પ્રકારનું હોય છે. જેમાં પ્રથમ ભાગ (abc) વપરાશકર્તાની અનન્ય ઓળખ આપે છે ત્યાર પછી "@" જે 'એટ' તરીકે ઉચ્ચારીત થાય છે અને ઇ-મેઇલ સરનામામાં ફરજીયાત પણે વપરાય છે. અને ત્યાર બાદનો (xyz.com) ભાગ આ સેવા આપનાર વેબસાઇટનો ઉલ્લેખ કરે છે.
આ સેવા મેળવવા માટે સેવા આપનાર કોઇ સાઇટ પર નોંધણી કરાવી અને પોતાનું ઇ-મેઇલ સરનામું મેળવવાનું રહે છે.
હાલમાં ઘણી બધી સાઇટ આ સેવા ઉપલબ્ધ કરાવે છે. અમુક બહુ જાણીતી સાઇટ્સ જોઇએ તો:
- mail.google.com
- hotmail.com
- mail.yahoo.com વગેરે ગણી શકાય.
