ઈસ્માઈલ વાલેરા

ઈસ્માઈલ વાલેરા
જન્મ	૯ મે ૧૯૩૩
મૃત્યુ	૩૦ ઓગસ્ટ ૧૯૭૧

ઈસ્માઈલ વાલેરા એ એક ગુજરાતી લોકગાયક હતા. એમણે ગાયેલા એચ.એમ.વી.ની લોંગપલે રેકોડો પ્રસિધ્ધ થયેલ,જે રચના ઓ આજે પણ ખુબજ પ્રસિધ્ધ છે. એમણે કંકુ, તેમજ જેસલ તોરલ ‍(૧૯૭૧) જેવાં કેટલાક ચલચિત્રો મા તેમજ આઈ.એન.ટી.ના નાટક "વહુ એ વગોવ્યા મોટા ખોરડા"તેમજ પાતાળ ના પાણી નાટકો મા સંગીતકાર તેમજ ગાયક કલાકાર તરીકે પણ કામ કર્યુ છે.

પ્રારંભિક જીવન

ઈસ્માઈલ વાલેરાનું મુળ વતન રાજકોટ તાલુકા નુ કોઠારીયા ગામ હતું. એમના પિતાજી કરીમભાઈ વાલેરા કોઠારીયા રજવાડા સમયમાં ત્યાં રાજ-ગાયક તરીકે કામ કરતા હતા. ઈસ્માઈલ વાલેરાનો જન્મ રાજકોટ તાલુકા ના કોઠારીયા ગામ માં તારીખ ૯-મે-૧૯૩૩ ને દિવસે થયો હતો.

કારકિર્દી અને કૌટુંબીક જીવન

ઈસ્માઈલ વાલેરાને બહુ નાની ઉમરે અમીરબાઈ કર્ણાટકીને એમનો અવાજ ખૂબ ગમી જવાથી તેમના તરફ થી પપી ઉપનામ મળેલું. તેમજ સુપ્રસિધ્ધ સિંગર મોહંમદરફી સાહેબે પણ તેમના અવાજ તેમજ ગાયકી ની તારીફ કરેલ,જુની પેઢીના અભિનેતા સ્વ.પૃથવીરાજકપુર પણ તેમની ગાયકી તેમજ અવાજ ના દીવાના હતા.વીસ વરસની ઉમરે એ રાજકોટ ગુજરાત સરકાર ના પીડબલ્યુડી વિભાગમાં હેડ મિકેનીક તરીકે નોકરી કરવા લાગ્યા હતા. એ પછી ૨૫ વરસની ઉમરે રાજકોટ આકાશવાણી કેન્દ્રની સ્વર પરીક્ષામાં ઉત્તિર્ણ થવાથી એ આકાશવાણીના સુગમ સંગીતના માન્ય કલાકાર બન્યા. એમણે મોરબીના રાજઘરાના ના વાલેરા-બ્રધર્સ તરીકે જાણીતા ગાયક બંધુઓ પાસે થી પણ ગાયકી વિષેની કેળવણી મેળવી હતી. એમના ત્રણ પુત્રો - દાઉદ, સલીમ અને નિઝામ - પણ સંગીત સાથે સંકળાયેલા છે.

અવસાન

૩૦ ઓગષ્ટ ૧૯૭૧ના દિવસે રાજકોટ પોલીસ હેડક્વાર્ટરમાં ગણેશોત્સવની ઉજવણી માટે ભજનો ગાવા માટે તત્કાલીન ડીએસપી ઘાટગે સાહેબના આમંત્રણથી એ સ્ટેજ પર કાર્યક્રમ પીરસી રહ્યા હતા ત્યારે જ અચાનક છાતીમાં દુખાવો ઉપડ્યો અને પછી એમનું મૃત્યુ થયું.

બાહ્ય કડીઓ

• સારેગામા.કોમ પર ઇસ્માઇલ વાલેરાનું આલ્બમ

ભજન

• એચ એમ વી દ્વારા ધ્વનિમુદ્રિત ભજન "સાધુ તેરો સંગડો ના છોડું મેરે લાલ" યુટ્યુબ પર

ગીતો

• ઇસ્માઇલ વાલેરાના સ્વરમાં "ઓધાજી મારા વાલા ને વઢી ને કે જો રે ..." યુટ્યુબ પર
• ઇસ્માઇલ વાલેરાના સ્વરમાં "કાળજા કેરો કટકો મારો ગાંઠથી છુટી ગ્યો" યુટ્યુબ પર
• ઇસ્માઇલ વાલેરાના સ્વરમાં "હાલાજી તારા હાથ વખાણું કે પગી તારા પગલા વખાણું" યુટ્યુબ પર
• ઇસ્માઇલ વાલેરાના સ્વરમાં ગુજરાતી ચલચિત્ર કંકુ ની રચના "આ મસ્ત ઘટાઓ શ્રાવણી" યુટ્યુબ પર
• ઇસ્માઇલ વાલેરા તેમજ દિવાલીબેન ભીલ ના સ્વરમાં જેસલ-તોરલ ચલચિત્રનું પાપ તારૂ પ્રકાશ જાડેજા યુટ્યુબ પર
• ઇસ્માઇલ વાલેરાના સ્વરમાં જેસલ-તોરલ ચલચિત્રનું "રોઇ રોઇ ને કોને રે સંભળાવું " યુટ્યુબ પર
• ઇસ્માઇલ વાલેરાના સ્વરમાં ૧૯૭૦-૭૧ ના સમયના "કંકુ" ચલચિત્રનું "લુચ્ચા રે લોચનિયા" યુટ્યુબ પર