ઔરંગાબાદ જન શતાબ્દી એક્સપ્રેસ

ઔરંગાબાદ જન શતાબ્દી એક્સપ્રેસ દિવસના સમય દરમ્યાનની જન શતાબ્દી શ્રેણીની ટ્રેન છે, જે પ્રસ્થાનના દિવસે જ પોતાના અંતિમ સ્ટેશન પર પાછી આવી જાય છે. આ ટ્રેન ઐતિહાસિક નગર ઔરંગાબાદને મહારાષ્ટ્રનાં પાટનગર મુંબઈ સાથે જોડે છે. જન શતાબ્દી એક્સપ્રેસ ઔરંગાબાદથી મુંબઈ માટે સૌથી વધારે ઝડપી અને સર્વાધિક સુવિધાઓ વાળો વિકલ્પ છે.

વ્યુત્પત્તિશાસ્ત્ર

જન એ સંસ્કૃત ભાષાનો શબ્દ છે, જેનો અર્થ થાય છે 'લોકો'. એટલા માટે જન શતાબ્દીની સેવાઓ ખાસ કરીને લોકોના હિત માટે કરવામાં આવેલી છે. જન શતાબ્દી એક આંતર-શહેર સુપર ફાસ્ટ ટ્રેન છે, જે ટ્રેન મુખ્યત્વે ભારતના બે મહાનગરોને જોડે છે. આ ટ્રેન મારફતે મુસાફરી કરવા માટેનું ભાડું ઓછું અને હકીકતલક્ષી છે. પૂરી પાડવામાં આવતી સગવડો તથા ઓછાં ભાડાને ધ્યાનમાં રાખીને આ ટ્રેનને શતાબ્દી ટ્રેનોનાં એક સૌથી નીચા સ્તરના પ્રકારની ટ્રેન કહી શકાય છે.

ઔરંગાબાદ જન શતાબ્દી (સમય પત્રક)

૧૨૦૭૧ / ૧૨૦૭૨ ઔરંગાબાદ જન શતાબ્દી એક્સપ્રેસ મુંબઈના દાદર રેલ્વે સ્ટેશન તથા ઔરંગાબાદ વચ્ચે ચાલે છે. એક સમયે આ ટ્રેનના પરિપથમાં વધારો કરીને મુંબઈના છત્રપતિ શિવાજી ટર્મિનલ સુધી તેને લંબાવવામાં આવી હતી, પણ જૂલાઈ ૨૦૧૩થી અમલમાં આવેલી સમયસારણી મુજબ આ ટ્રેન પુનઃ દાદર સુધી કરી દેવામાં આવી ગઈ છે તથા હવે આ પોતાની રેક ૧૨૦૫૧ ૫૨ મડગાવ જન શતાબ્દી એક્સપ્રેસની સાથે શેર કરે છે.

ટ્રેન ૧૨૦૭૧

ક્રમાંક	સ્ટેશન (નામ / કોડ)	આગમન	પ્રસ્થાન	થોભવાનો સમય	નિર્ધારિત કરવામાં આવેલું અંતર
૧	દાદર (ડી – આર)	પ્રારંભિક	૧૪:૦૦	૦	૦ કિમી
૨	થાણે (ટી – એન – એ)	૧૪:૨૩	૧૪:૨૫	૨ મિનિટ	૨૫ કિમી.
૩	કલ્યાણ જંક્શન (કે – વાય – એન)	૧૪:૪૪	૧૪:૪૭	૩ મિનિટ	૪૫ કિમી.
૪	નાસિક રોડ (એન – કે)	૧૭:૦૫	૧૭:૧૦	૫ મિનિટ	૧૭૯ કિમી
૫	મનમાડ જંક્શન (એમ – એમ –આર)	૧૮:૧૦	૧૮:૧૫	૫ મિનિટ	૨૫૨ કિમી
૬	ઔરંગાબાદ (એ – ડબલ્યુ – બી)	૨૦:૩૫	સમાપ્ત	૦	૩૬૫ કિમી

ટ્રેન ૧૨૦૭૨

ક્રમાંક	સ્ટેશન (નામ / કોડ)	આગમન	પ્રસ્થાન	થોભવાનો સમય	નિર્ધારિત કરવામાં આવેલું અંતર
૧	ઔરંગાબાદ (એ – ડબલ્યુ – બી)	પ્રારંભ	૦૬:૦૦	૦	૦ કિમી
૨	મનમાડ જંક્શન (એમ – એમ – આર)	૦૭:૫૦	૦૭:૫૫	૫ મિનિટ	૧૧૪ કિમી
૩	નાસિક રોડ (એન – કે )	૦૮:૫૦	૦૮:૫૫	૫ મિનિટ	૧૮૭ કિમી
૪	કલ્યાણ જંક્શન (કે – વાય – એન)	૧૧:૨૫	૧૧:૩૦	૫ મિનિટ	૧૭૯ કિમી
૫	થાણે (ટી – એન – એ )	૧૧:૪૮	૧૧:૫૦	૨ મિનિટ	૩૪૧ કિમી
૬	દાદર (ડી – આર )	૧૨:૩૦	સમાપ્ત	૦	૩૬૫ કિમી

સામાન્ય જાણકારી

જયારે આ ટ્રેન ઔરંગાબાદથી પ્રસ્થાન કરે છે ત્યારે આ ટ્રેનનો ક્રમાંક ૧૨૦૭૨ હોય છે. આ ૦૬:૦૦ વાગ્યે પ્રસ્થાન કરે છે તથા દાદર ૧૨:૩૦ વાગ્યે પહોંચી જાય છે. આ રીતે જોવા જઈએ તો આ ટ્રેન ૬.૫ (સાડા છ) કલાકનો સમય લે છે અને ૩૭૪ કિમી લાંબી મુસાફરી પૂર્ણ કરે છે. મુસાફરી દરમ્યાન આ ટ્રેન મનમાડ, નાસિક, કલ્યાણ, થાણે અને દાદર સ્ટેશને થોભે છે, એનો મતલબ કે આ ટ્રેન માત્ર ૫ આંતરિક સ્ટેશનો પર જ થોભે છે. પરંતુ આ ટ્રેન ઓપરેટિંગ સ્ટોપ્સના રૂપમાં અન્ય બે સ્ટેશન કસારા અને લાગતપુરીમાં પણ ઉભી રહે છે. પાછા ફરતી વખતે આ ટ્રેનનો ક્રમાંક ૧૨૦૭૧ થઇ જાય છે તથા આ ટ્રેન દાદર સ્ટેશનથી ૧૪:૦૦ વાગ્યે નીકળે છે. આ સમયે આ ટ્રેન રાતના ૮:૩૫ વાગ્યે ઔરંગાબાદ સ્ટેશન પર પહોંચે છે.

કોચ

ઔરંગાબાદ જન શતાબ્દી એક્સપ્રેસમાં કુલ ૯ ડબ્બા (કોચ) હોય છે. આમાંથી ૬ ડબ્બા જન શતાબ્દી ક્લાસની ચેર કાર હોય છે, એક વાતાનુકુલીન ચેર કાર હોય છે તથા બે સામાન સહ બ્રેક વેન્સ હોય છે જે આની બનાવટનો એક ભાગ છે.