કારાકોરમ પર્વતમાળા

કારાકોરમ પર્વતમાળા (કારાકોરમ)
Range
મધ્ય કારાકોરમ પર્વતમાળામાં બાલતોરો ગ્લેશિયર ૮૦૦૦ મીટરથી વધુ ઊંચા ગેશરબ્રમ-૧ અને ગ્રેશરબ્રમ-૨ શિખરો સહિત
દેશ	ભારત, પાકિસ્તાનના કબજાવાળા કાશ્મીર ક્ષેત્ર, પાકિસ્તાન, ચીન, અફઘાનિસ્તાન અને તાજિકિસ્તાન
વિસ્તાર	લડાખ, બાલ્તિસ્તાન, ગીલગીટ, ક્ષીન્ઝીઆંગ, બાદખ્શાન
સરહદ	પામીર પર્વતમાળા, હિંદુ કુશ પર્વતમાળા, હિમાલય
સર્વૌચ્ચ બિંદુ	કે-૨ શિખર (K-2)
- ઉંચાઇ	૮,૬૧૧ m (૨૮,૨૫૧ ft)
[[Image:| 256px|alt=|]]

કારાકોરમ પર્વતમાળા ભારતીય ઉપખંડમાં આવેલી એક ગ્રેનાઈટ-પટ્ટિતાશ્મ વડે બનેલી વિશાળ પર્વતશ્રેણી છે, જે ભારત, ચીન, પાકિસ્તાનના કબજા હેઠળના કાશ્મીર ક્ષેત્ર અને પાકિસ્તાનના સરહદ વિસ્તારમાં ફેલાયેલી છે. તેનો ઉત્તર-પશ્ચિમ છેડો અફઘાનિસ્તાન અને તાજિકિસ્તાન સુધી લંબાયેલો છે. આ પર્વતશૃંખલા હિમાલયનો એક ભાગ છે, જે ઉત્તર દિશામાં પામીર નદીના સ્ત્રાવક્ષેત્ર અને દક્ષિણ દિશામાં સિંધુ નદી અને સ્યોક નદીની વચ્ચે આવેલી છે.

આ પર્વતમાળાનું સર્વોચ્ચ શિખર ગોડવિન ઓસ્ટિન (કે-૨) છે, જે એવરેસ્ટ પછીનું સર્વોચ્ચ શિખર પણ છે અને તેની ઊંચાઈ સમુદ્ર સપાટીથી ૮૬૧૧ મીટર જેટલી છે. આ પર્વતમાળાનું પુરાતન નામ 'કૃષ્ણગિરિ' હતું. આ પર્વતમાળામાં સિયાચીન, વિયાકો, બાલતોરો, હિસ્પર વગેરે ગ્લેશિયરો આવેલાં છે. હિડેન શિખર, બ્રોડ શિખર, ગ્રેશર બ્રમ વગેરે મુખ્ય શિખરો છે.