કાશ્મીરી ભાષા
વિકિપીડિયા થી
કાશ્મીરી ભાષા (कॉशुर, کٲشُر Koshur) એ મુખ્યત્વે ભારતનાં જ્મ્મુ અને કાશ્મીર રાજ્યની કાશ્મીર ખીણમાં બોલાતી દર્ડિક ભાષા છે. ભારતમાં ૨૦૦૧ની વસ્તી ગણતરી મુજબ આ ભાષા બોલતા લોકોની સંખ્યા અંદાજે ૫૫,૫૪,૪૯૬ છે. આ ભાષા બોલતા અંદાજે ૧,૦૫,૦૦૦ લોકો પાકિસ્તાનમાં છે, જેમાંનાં મોટાભાગનાં કાશ્મીર ખીણનાં હિજરતીઓ છે અને તેમાંનાં થોડા લોકો નિલમ જિલ્લાનાં સરહદી વિસ્તારોમાં વસે છે. આ ભાષા ઇન્ડો-યુરોપિયન ભાષા સમુહનાં પેટા સમુહ તરીકે ઓળખાતા 'દર્ડિક' સમુહની ભાષા છે. જે ભારતની ૨૨ અધિકૃત ભાષાઓમાં સમાવિષ્ટ છે. કાશ્મીરી ઉર્દુ ભાષા સાથે,જમ્મુ અને કાશ્મીર રાજ્યની અધિકૃત ભાષા છે. ઘણાં કાશ્મીરી ભાષીઓ ઉર્દુ અથવા અંગ્રેજીને દ્વિતિય ભાષા તરીકે વાપરે છે.આ ભાષામાં પર્શિયન ભાષાનાં ઘણાં શબ્દોનો ઉપયોગ થાય છે. થોડા દાયકાઓ પહેલાં કાશ્મીરી ભાષાને રાજ્યનાં વિશ્વવિધાલયોમાં એક વિષય તરીકે ભણાવવાનું શરૂ થયેલ, અત્યારે જમ્મુ અને કાશ્મીરની તમામ શાળાઓમાં આ ભાષાનો અભ્યાસ ફરજીયાત કરાયેલ છે.
