કોસાડ

કોસાડ ભારત દેશના પશ્ચિમ ભાગમાં આવેલા ગુજરાત રાજ્યના સુરત જિલ્લાના ચોર્યાસી તાલુકામાં આવેલું ગામ છે. કોસાડનો સમાવેશ ૨૦૦૬માં સુરત મહાનગરપાલિકામાં થયો હોઇ, હવે તે સુરત શહેરનો એક ભાગ છે. આ ગામના વ્યવસાયમાં મુખ્યત્વે ખેતી, ખેતમજુરી અને પશુપાલન છે. આ ગામમાં ડાંગર, તેમ જ શાકભાજી જેવાં ખેત-ઉત્પાદનોના પાક લેવામાં આવે છે. ગામમાં પ્રાથમિક શાળા, પંચાયતઘર, આંગણવાડી તેમ જ દુધની ડેરીની સવલતો પ્રાપ્ય છે. સુરત મહાનગરપાલિકા દ્વારા કોસાડમાં શહેરી ગરીબો માટે આવાસ બાંધવામાં આવ્યાં છે. કોસાડ ગામમાં રેલ્વે સ્ટેશન પણ છે, જે અમદાવાદ-મુંબઈ લાઈન પર આવેલું છે.