નવસારી જિલ્લો

નવસારી જિલ્લો ભારત દેશના પશ્ચિમ ભાગમાં આવેલા ગુજરાત રાજ્યના દક્ષિણ ભાગમાં આવેલો મહત્વનો જિલ્લો છે, અને નવસારી શહેર ખાતે આ જિલ્લાનું મુખ્યમથક છે. નવસારી જિલ્લાની ઉત્તરમાં સુરત જિલ્લો, પૂર્વમાં ડાંગ જિલ્લો અને દક્ષિણમાં વલસાડ જિલ્લો આવેલા છે, જ્યારે પશ્ચિમમાં અરબી સમુદ્ર આવેલો છે . નવસારી પશ્ચિમ રેલ્વેનું મહત્વનું સ્ટેશન છે. આજુબાજુ ઘણાં ગામડાં આવેલાં છે. અહીંની પ્રજાની જાતિઓ મુખ્યત્વે ધોડિઆ, કુકણા, કોળી, હળપતિ, નાયકા, કણબી, આહિર ભરવાડ, માહ્યાવંશી, માછી અને દેસાઇ છે.

નવસારી જિલ્લામાંથી પૂર્ણા નદી, અંબિકા નદી, કાવેરી નદી, ખરેરા નદી, કોસખાડી નદી વગેરે નદીઓ પસાર થાય છે.

આ જિલ્લામાં જલાલપોર, નવસારી, ગણદેવી, ચિખલી અને વાંસદા તાલુકાઓ આવેલા છે.

મુંબઈ પછી નવસારીમાંજ પારસી લોકો વધુ સંખ્યામાં રહે છે. સાથે સાથે મુસ્લિમોની વસ્તી પણ નોંધપાત્ર છે. ઘણાં ઓછા લોકો જાણે છે કે હિન્દી ચલચિત્ર "માયા મેમસાબ" અને "મંગલ પાંડે"ના નિર્દેશક કેતન મેહતા પણ નવસારીના વતની છે. નવસારી શહેરના હુંદરાજના દાણા - ચણા અને સોનાની વ્યાજ્બી ભાવની ખરીદી પણ મશહુર છે.

બાહ્ય કડીઓ

• નવસારી જિલ્લા પંચાયતનું જાળસ્થળ
• નવસારી જિલ્લા વિશે માહિતિ