પરશુરામ કુંડ, લોહિત જિલ્લો

પરશુરામ કુંડ
નગર
પરશુરામ કુંડ અરુણાચલ પ્રદેશમાં સ્થાન પરશુરામ કુંડ પરશુરામ કુંડ (India)
અક્ષાંશ-રેખાંશ: 27°52′39″N 96°21′33″E
દેશ	ભારત
રાજ્ય	અરુણાચલ પ્રદેશ
જિલ્લો	લોહિત

પરશુરામ કુંડ જે પ્રભુ કુઠાર (કોઠાર)ના નામથી પણ ઓળખાય છે, ભારત દેશના ઉત્તર-પૂર્વ ભાગમાં આવેલા અરુણાચલ પ્રદેશ રાજ્યના લોહિત જિલ્લાની ઉત્તર-પૂર્વ દિશામાં જિલ્લાના મુખ્ય મથક તેઝુથી ર૪ કિલોમીટરના અંતરે આવેલું છે.

આ કુંડ સાથે ભગવાન પરશુરામની કથા જોડાયેલી છે. એક વાર ઋષિ જમદગ્નિનાં પત્ની રેણુકા ઋષિરાજ માટે નહાવાનું પાણી લાવવા માટે ગયા હતાં. કોઇક કારણસર એમને પાણી લાવવામાં મોડું થઇ ગયું. ત્યારે કોપાયમાન થયેલા ઋષિરાજે પરશુરામજીને પોતાની માતાનો વધ કરવા માટે કહ્યું. પિતાજીની આજ્ઞાનુસાર પરશુરામે પોતાની માતાનો વધ કર્યો હતો. પણ પછી પરશુરામજીએ માતૃવધના પાપમાંથી મુક્તિ મેળવવા માટે આ કુંડમાં સ્નાન કર્યું હતું. ત્યારથી આ કુંડ અહીંના આસપાસના વિસ્તારોમાં આસ્થાનું કેન્દ્ર બની ગયો છે.

સમય આગળ વધતાં સ્થાનિક લોકોની સાથે સાથે દૂર દૂરથી આવતા પર્યટકોમાં પણ આ સ્થળ જાણીતું બન્યું છે. વર્તમાન સમયમાં આ સ્થળ લોહિત જિલ્લાની ઓળખાણ બની ગયું છે. દર વર્ષે હજારોની સંખ્યામાં તીર્થયાત્રીઓ ૧૪ જાન્યુઆરીના દિવસે આવતા મકર સક્રાંતિ અહીં આવેલા કુંડમાં સ્નાન કરવા માટે આવે છે. અરુણાચલ પ્રદેશની રાજ્ય સરકારે પર્યટકોની સુવિધા માટે અનેક સવલતો ઉપલબ્ધ કરાવી છે.

બાહ્ય કડીઓ

• લોહિત જિલ્લાના અધિકૃત વેબસાઇટ પર પરશુરામ કુંડ વિશે સંગ્રહિત ૨૦૦૯-૧૧-૦૧ ના રોજ વેબેક મશિન