પેચીયું (સ્ક્રૂ ડ્રાઇવર)
વિકિપીડિયા થી
પેચીયું (સ્ક્રૂ ડ્રાઇવર) એ એક જાતનું સાધન (ઓજાર) છે, જેનું મુખ્ય કાર્ય સ્ક્રૂને સજ્જડ બેસાડવાનું તેમ જ ખોલવાનું એટલે કે છુટા પાડવાનું છે. દરેક સ્ક્રૂના માથાના ભાગમાં ચોક્કસ પ્રકારનો ખાંચો હોય છે. પેચીચું એટલે કે સ્ક્રૂ ડ્રાઇવરની અણી પણ આ સ્ક્રૂના માથા પર આવેલા ખાંચામાં બરોબર બેસી જાય તેવું હોય છે, જેથી સ્ક્રૂને સરળતાથી ફેરવી છુટા પાડી કે સજ્જડ કરી શકાય છે.
સ્ક્રૂના માથા પર અલગ અલગ આકારના ખાંચાઓ પ્રમાણે પેચીયું પણ અલગ અલગ પ્રકારની અણીઓવાળું હોય છે, જે પૈકી સપાટ અણીવાળું ( - ) તેમ જ ચોકડી જેવી અણીવાળું ( + ) એમ બે પ્રકારનાં પેચીયાંનો વર્તમાન સમયમાં બહોળો ઉપયોગ કરવામાં આવે છે.
