ભાજપા

ભાજપા અથવા ભાજપ એટલે ભારતીય જનતા પક્ષ. ભાજપ ભારત દેશ તેમ જ ગુજરાત રાજ્યનો મહત્વનો રાજકીય પક્ષ છે. આ રાજકીય પક્ષ ગુજરાત રાજ્યમાં ઘણા સમયથી શાસન કરી રહ્યો છે. ભાજપા તરફથી ગુજરાત રાજ્યના મુખ્યમંત્રી તરીકે શ્રી કેશુભાઇ પટેલ, શ્રી સુરેશભાઇ મહેતા તેમ જ ૭ ઓક્ટોબર ૨૦૦૧થી મુખ્યમંત્રી શ્રી નરેન્દ્ર મોદીએ શાસનની ધૂરા સંભાળેલ છે.

ઈતિહાસ

• ૧૯૫૧ : શ્યામાપ્રસાદ મુખર્જીએ ભારતીય જનસંઘની સ્થાપના કરી.
• ૧૯૭૭ : ભારતીય જનસંઘ જનતા પાર્ટીમાં વિલિન થયું. જનતા પાર્ટીએ સામાન્ય ચૂંટણીમાં કોંગ્રેસને હાર આપી, મોરારજી દેસાઇની આગેવાની હેઠળ સરકાર બનાવી.
• ૧૯૮૦ : જનતા પાટીર્માં શામેલ જનસંઘના સભ્યોએ અટલબિહારી વાજપેયીનાં નેતૃત્વ હેઠળ ભાજપની રચના કરી.
• ૧૯૮૪ : લોકસભાની ચૂંટણીમાં પ્રથમ વખત પક્ષ તરિકે લડેલા ભાજપને બે બેઠક મળી.
• ૧૯૮૯ : ચુંટણીમાં કુલ ૮૮ બેઠક મેળવી પક્ષ રાષ્ટ્રીય ફલક પર ઉભરી આવ્યો, જનતા દળ ગઠબંધન સરકારને સમર્થન આપ્યું.
• ૧૯૯૦ : રામજન્મ ભૂમિ આંદોલનમાં અડવાણીને જેલ, ભાજપે સરકારને સમર્થન પાછું ખેંચી લીધું.
• ૧૯૯૬ : ચુંટણી પરિણામોમાં ભાજપ સૌથી મોટા પક્ષ તરિકે ઉભરી આવ્યો, વાજપેયી વડાપ્રધાન બન્યા પરંતુ કાળક્રમે ૨૭૧ સાંસદોનું સમર્થન ન મળતાં અંતે રાજીનામું આપ્યું.
• ૧૯૯૮ : ફરી એક વખત ભાજપની આગેવાની હેઠળ સાથી પક્ષો સાથે બનાવેલા દળ એનડીએને બહુમતી મળી, ચૂંટણીમાં ૩૦૨ બેઠકો મળી અને લોકસભાના કાર્યકાળ દરમ્યાન ભાજપનું શાસન રહ્યું.
• ૨૦૦૪ : એનડીએને ૧૩૬ જેટલી બેઠકો મળી.
• ૨૦૦૯ : એનડીએનો જુવાળ ઘટ્યો અને ૧૧૮ જ બેઠકો મેળવી શક્યું.