રાકેશ શર્મા

વિકિપીડિયાથી
આના પર જાવ: ભ્રમણ, શોધો
રાકેશ શર્મા

રાકેશ શર્મા
ઇન્ટરકોસ્મોસ કોસ્મોનૌટ સંશોધનકાર
રાષ્ટ્રીયતા ભારતીય
હાલની સ્થિતિ નિવૃત
જન્મ ૧૩ જાન્યુઆરી, ૧૯૪૯
પટિયાલા, પંજાબ, ભારત
અન્ય વ્યવસાય ટેસ્ટ પાયલોટ
રેન્ક વિંગ કમાન્ડર, ભારતીય વાયુદળ
અવકાશમાં સમય ૭ દિવસ ૨૧ કલાક ૪૦ મિનિટ
મિશન સોયુઝ ટી-૧૧/સોયુઝ ટી-૧૦
મિશનનું સૂચકચિહ્ન Soyuz T-11 mission patch.gif
પુરસ્કારો Ashoka Chakra ribbon.svg અશોક ચક્ર
Golden Star medal 473.jpg સોવિયેત યુનિયનનો હીરો

ભારત વતીથી પહેલી અવકાશીય મુસાફરી કરનારા પહેલા અવકાશયાત્રી રાકેશ શર્મા હતા. પહેલા ભારતીય અવકાશયાત્રી તરીકેની સિદ્ધિ રાકેશ શર્માના નામે છે.

બાળપણ[ફેરફાર કરો]

રાકેશ શર્માનો જન્મ ૧૩ જાન્યુઆરી, ૧૯૪૯ના રોજ પંજાબમાં પટિયાલા ગામે થયો હતો. વિન્ગ કમાન્ડર રાકેશ શર્મા ઈન્ડિયન એર ફોર્સમાં ટેસ્ટ પાઈલટ હતા. બાળપણથી જ હવામાં વિમાન ઉડાડવાના સપનાં જોતા હતા. દેવેન્દ્રનાથ શર્માના પુત્રએ હૈદરાબાદ ખાતે શાળાકીય અભ્યાસ કર્યો. તેમણે નિઝામ કોલેજમાંથી સ્નાતકની પદવી મેળવી. શર્મા ૧૯૬૬માં એરફોર્સ કેડેટની તાલીમ લેવાની શરુઆત કરી હતી. ત્યાર બાદ તેઓ ભારતીય વાયુ દળમાં જોડાયા.

એરફોર્સમાં કેરિયર[ફેરફાર કરો]

૧૯૭૦માં તેઓ ભારતીય હવાઈદળમાં પાઈલટ ઓફિસર તરીકે જોડાયા હતા. ૧૯૭૧માં જ્યારે પાકિસ્તાન સાથે યુદ્ધ થયું ત્યારે પણ તેમણે મિગ-૨૧ ઉડાવ્યું હતું. ભારતીય અંતરિક્ષ સંશોધન સંસ્થા (ઇસરો) અને સોવિયેત સંઘના સોવિયેત ઇન્ટરકોસ્મોસના સંયુક્ત અવકાશ કાર્યક્રમ હેઠળ ૧૯૮૨માં સ્ક્વોડ્રન લીડર રાકેશ શર્માની પસંદગી કરાઇ હતી. ૩ એપ્રિલ, ૧૯૮૪ના રોજ સોયુઝ ટી - ૧૧ અવકાશયાન દ્વારા રાકેશ શર્માએ અવકાશ તરફ પ્રયાણ કર્યું હતું.તેમણે અવકાશમાં ૭ દિવસ, ૨૧ કલાક અને ૪૦ મિનિટનો સમય ગાળ્યો હતો અને અને આ સિદ્ધિ મેળવતાની સાથે જ તેમનું નામ ઈતિહાસમાં સુવર્ણ અક્ષરોથી અંકિત થઈ ગયું.ઇન્ડિયન એર ફોર્સના અધિકારીએ ૧૯૮૪માં અવકાશમાં પગ મૂકીને ઇતિહાસ સર્જ્યો. ૩૫ વષીર્ય સ્ક્વોડ્રન લીડર રાકેશ શર્મા બીજી એપ્રિલ ૧૯૮૪ના રોજ અંતરિક્ષમાં પહોંચ્યા અને સેલ્યુટ ૭ નામના અવકાશ મથકે ૮ દિવસ ગાળ્યા. સોયુઝ ટી-૧૧માં અવકાશી મુસાફરી દરમિયાન રાકેશ શર્માએ ઉત્તર ભારતના હિમાલય પર્વતમાળામાં સ્થપાયેલા જળવિદ્યુત મથકોની મિલ્ટ સ્પેક્ટ્ર્લ ફોટોગ્રાફી કરી.રાકેશ શર્મા અવકાશમાં પગ મૂકનારા પ્રથમ ભારતીય અને વિશ્વના ૧૩૮મા પ્રવાસી બન્યા. તેઓ ભારતીય વાયુ સેનામાંથી વિંગ કમાન્ડરના પદેથી નિવૃત્ત થયા. તેઓ ટૂંકા સમયમાં ઝડપથી રેન્ક મેળવતા ગયા. તત્કાલીન વડાંપ્રધાન સ્વ. ઇન્દિરા ગાંધીએ તેમને પૂછ્યું હતું ‘અંતરિક્ષમાંથી ભારત દેશ કેવો દેખાય છે?’ જવાબમાં પ્રસિદ્ધ કવિ ઇકબાલની પંક્તિ ટાંકીને શર્માએ કહ્યું હતું, ‘સારે જહાં સે અચ્છા હિંદોસ્તાં હમારા’ આ ઐતિહાસિક ઘટનાને આ વર્ષે ૨૫ વર્ષ પૂરાં થયાં છે.

સન્માન[ફેરફાર કરો]

અવકાશમાંથી પરત ફર્યા બાદ રાકેશ શર્માને ‘સોવિયેત સંઘના હીરો’નું બિરુદ અપાયું. ભારત સરકારે તેમને સર્વોચ્ચ વીરતા પુરસ્કાર ‘અશોક ચક્ર’થી સન્માનિત કર્યા. નવેમ્બર, ૨૦૦૯માં ઇસરોએ યોજેલા ભારતના ટોચના વિજ્ઞાનીઓના સંમેલનમાં રાકેશ શર્માએ ભાગ લીધો હતો.

અંગત જીવન[ફેરફાર કરો]

૧૯૮૨માં રશિયાના પાટનગર મોસ્કો નજીક આવેલા યુરી ગાગારીન સેન્ટરમાં તાલીમ માટે પહોંચ્યા. તાલીમ દરમિયાન તેઓ પોતાના પરિવાર સહિત મોસ્કોમાં રહ્યા. તે અને તેમના પત્ની મધુ રશિયન ભાષા શીખ્યા. આ અવકાશયાત્રીને રમતગમત પ્રત્યે પણ એટલો જ લગાવ છે. ૫૬ વર્ષે તેઓ બેંગલુરુની ઓટોમેટેડ કંપનીના ડિરેક્ટર બન્યા. પછી તેમણે સંગીત શીખવાનું શરૂ કર્યું. તેઓ માને છે કે જિંદગી એટલે જ અનંતકાળ સુધી ચાલતી શીખવાની પ્રક્રિયા. રાકેશ શર્માનો પુત્ર કપિલ મહત્વાકાંક્ષી દિગ્દર્શક અને પુત્રી ક્રિતિકા મિલ્ટમીડિયા આર્ટિસ્ટ છે.