લાલભાઈ દલપતભાઈ ઈજનેરી મહાવિદ્યાલય

વિકિપીડિયામાંથી
લાલભાઈ દલપતભાઈ ઈજનેરી મહાવિદ્યાલય
લાલભાઈ દલપતભાઈ ઈજનેરી મહાવિદ્યાલયનું પ્રવેશદ્વાર
પ્રકારસરકારી
સ્થાપના૧૯૪૮
જોડાણગુજરાત ટેક્નોલોજીકલ યુનિવર્સિટી (GTU)
રેક્ટરએ. એમ. મલેક
પ્રિન્સિપાલજી. પી. વડોદરિયા
સ્નાતક વિદ્યાર્થીઓ૪૫૬૦+
અનુસ્નાતક વિદ્યાર્થીઓ૧૪૬૦
સ્થાનઅમદાવાદ, ગુજરાત, ભારત
23°02′06.12″N 72°32′46.99″E / 23.0350333°N 72.5463861°E / 23.0350333; 72.5463861
કેમ્પસ૧૬ એકર
એથ્લેટિક નામLDCE અથવા LD
વેબસાઇટldce.ac.in

લાલભાઈ દલપતભાઈ ઇજનેરી મહાવિદ્યાલય કે એલ.ડી. એન્જીનિયરીંગ કોલેજ ગુજરાત રાજ્યનાં અમદાવાદ શહેરમાં આવેલું ઈજનેરી શાખાનું શિક્ષણ આપતું મહાવિદ્યાલય છે. આ કોલેજ અમદાવાદના ગુજરાત યુનિવર્સિટી વિસ્તારમાં યુનિવર્સિટી સંકુલને અડીને આવેલી છે. આ મહાવિદ્યાલયની સ્થાપના કસ્તુરભાઈ લાલભાઈએ ૧૯૪૮માં કરી હતી અને તેમના પિતાનાં નામ પરથી આ મહાવિદ્યાલયનું નામ રાખ્યું હતું. આ મહાવિદ્યાલય ગુજરાત યુનિવર્સિટીની બાજુમા આવેલી છે તથા અન્ય મહત્વની રાષ્ટ્રીય સંસ્થાઓ જેવી કે આઈઆઈએમ અમદાવાદ, ફિઝીકલ રિસેર્ચ લેબોરેટરી, અટીરાની નજીક આવેલી છે.

ઇતિહાસ[ફેરફાર કરો]

મહાવિદ્યાલયની સ્થાપના ૧૯૪૮માં ટેક્ષ્ટાઇલ ઊધોગપતિ શેઠ શ્રી કસ્તૂરભાઈ લાલભાઈના રૂપિયા ૨૫ લાખ અને ૩૧.૨ હેક્ટર જ્મીનના દાનની મદદથી થઇ હતી, તેથી આ મહાવિદ્યાલયનું નામ લાલભાઈ દલપતભાઈ ઈજનેરી મહાવિદ્યાલય રાખવામાં આવ્યુ હતું. મહાવિદ્યાલયની શરૂઆત સ્નાતક કક્ષાના સિવિલ ઇજનેરી,ઇલેક્ટ્રિકલ ઇજનેરી,યાંત્રિક (મિકેનીકલ) ઇજનેરીના ૭૫ વિધાર્થીઓ સાથે થઇ હતી અને તે સમયે મહાવિદ્યાલય બોમ્બે યુનિવર્સિટી માન્ય હતી. ૧૯૫૦થી તે ગુજરાત યુનિવર્સિટી માન્ય હતી અને ત્યારબાદ ગુજરાત ટેક્નોલોજીકલ યુનિવર્સિટીની સ્થાપના પછી તે તેની માન્ય બની.

જૂન ૧૯૫૫માં પ્રવેશ બેઠકોની સંખ્યા વધારીને ૧૫૦ કરવામાં આવી,જે ફરી ૧૯૫૭માં ૩૦૦ કરવામાં આવી.જૂન ૧૯૬૩થી ડિગ્રી અને ડિપ્લોમા આપતી સંસ્થાઓને વહીવટી રીતે અલગ કરવામાં આવ્યા હતા.ઇલેક્ટ્રિકલ ઇજનેરીમા અનુસ્નાતક કક્ષાનો અભ્યાસક્રમ ૧૯૫૪માં દાખલ કરવામાં આવ્યો.યાંત્રિક(મિકેનીકલ) ઇજનેરીમાં રેફ્રીજરેશન એન્ડ એરકંન્ડીશનીંગ વિષયમાં અનુસ્નાતક કક્ષાનો અભ્યાસક્રમ ૧૯૬૩માં દાખલ કરવામાં આવ્યો.સિવિલ ઇજનેરીમાં સોઇલ એન્જીનિયરિંગ, સ્ટ્ર્કચર એન્જીનિયરિંગ, પબ્લીક હેલ્થ એન્જિનિયરિંગ વિષયમાં અનુસ્નાતક કક્ષાનો અભ્યાસક્રમ ૧૯૭૨માં દાખલ કરવામાં આવ્યો.

કંમ્પ્યુટર એડેડ સ્ટ્ર્કચરલ એનાલીસીસ એન્ડ ડીઝાઇન અને વોટર રીસોર્સીસ મેનેજ્મેન્ટ વિષયમાં અનુસ્નાતક કક્ષાનો અભ્યાસક્રમ ૧૯૮૬ માં દાખલ કરવામાં આવ્યો.

માન્યતા[ફેરફાર કરો]

આ મહાવિધાલય All India Council for Technical Education (AICTE) દ્વારા માન્ય છે.NBA દ્વારા ઇલેક્ટ્રિકલ ઇજનેરી, સિવિલ ઇજનેરી, યાંત્રિક (મિકેનીકલ) ઇજનેરી,કેમિકલ ઇજનેરી, ઇલેક્ટ્રોનિક્સ ઍન્ડ કમ્યુનિકેશન ઇજનેરી, ઇન્સ્ટ્રુમેન્ટેશન ઍન્ડ કન્ટ્રોલ ઇજનેરી, ઇન્ફર્મેશન ટૅકનોલોજી ઇજનેરી, કોમ્પ્યુટર ઇજનેરી, એન્વાયરમેન્ટ ઇજનેરી, ટેક્ષટાઇલ ઇજનેરી, પ્લાસ્ટિક ઇજનેરી, રબર ઇજનેરીને માન્ય રાખવામાં આવી છે.[૧] આ કોલેજ ગુજરાત ટેકનિકલ અભ્યાસક્રમો માટે કેન્દ્રિય પ્રવેશ માટે સંકલન કેન્દ્ર તરીકે કામ કરે છે.

આ સંસ્થા 750 વિદ્યાર્થીઓના આવાસ માટે છ છાત્રાલય બ્લોક્સ ની સુવીધા પૂરી પાડે છે. ત્યાં છાત્રાલય કેમ્પસમાં ચાર ભોજનાલય છે જે વિદ્યાર્થીઓ દ્વારા જ વ્યવસ્થાપિત થાય છે. કેમ્પસમાં ઓફિસો, છાત્રાલયો, આચાર્યશ્રી, રેકટર અને વોર્ડનના રહેઠાણો છે. કોલેજ અને છાત્રાલય ઇમારતોના ક્ષેત્રફળ અનુક્રમે.૪૫.૨૨૦ sq.m. અને 1૧૨.૫૫૬ sq.m. છે.

અભ્યાસક્રમો[ફેરફાર કરો]

આ શૈક્ષણિક સંસ્થામાં ૧૪ સ્નાતક અને ૨૦ અનુસ્નાતક કક્ષા અભ્યાસક્રમો ચાલે છે.

ક્રમ સ્નાતક અનુસ્નાતક પોસ્ટ ડીપ્લોમા ડીગ્રી પ્રોગ્રામ
ઓટોમોબાઇલ ઇજનેરી એપ્લાઇડ ઇન્સ્ટ્રુમેન્ટેશન સિવિલ ઇજનેરી
બાયોમેડિકલ ઇજનેરી ઓટોમેશન એન્ડ કંટ્રોલ પાવર સિસ્ટમ મિકેનીકલ ઇજનેરી
કેમિકલ ઇજનેરી કમ્યુનિકેશન સિસ્ટમ ઇલેક્ટ્રિકલ ઇજનેરી
સિવિલ ઇજનેરી કંમ્પ્યુટર એડેડ ડીઝાઇન એન્ડ મેન્યુફેકચરીંગ ઇલેક્ટ્રોનિક્સ ઍન્ડ કમ્યુનિકેશન ઇજનેરી
કોમ્પ્યુટર ઇજનેરી કંમ્પ્યુટર એડેડ પ્રોસેસ એન્ડ ડીઝાઇન
ઇલેક્ટ્રિકલ ઇજનેરી કોમ્પ્યુટર સાયન્સ એન્ડ ટેક્નોલોજી
ઇલેક્ટ્રોનિક્સ ઍન્ડ કમ્યુનિકેશન ઇજનેરી એન્વાયરમેન્ટલ મેનેજમેન્ટ
એન્વાયરમેન્ટ ઇજનેરી જિઓટેક્નીકલ ઈજનેરી
ઇન્ફર્મેશન ટૅકનોલોજી ઇજનેરી ઇન્ફર્મેશન ટૅકનોલોજી
૧૦ ઇન્સ્ટ્રુમેન્ટેશન ઍન્ડ કન્ટ્રોલ ઇજનેરી ઇન્ટરનલ ક્મ્બસટન એનજીન એન્ડ ઓટોમોબાઇલ
૧૧ મિકેનીકલ ઇજનેરી
૧૨ પ્લાસ્ટિક ઇજનેરી
૧૩ રબર ઇજનેરી
૧૪ ટેક્ષટાઇલ ઇજનેરી

સુવિધાઓ[ફેરફાર કરો]

એક વિભાગ

પ્રયોગશાળાઓ[ફેરફાર કરો]

દરેક વિભાગ સ્નાતક અને અનુસ્નાતક કક્ષાના કાર્યક્રમો માટે આધુનિક, સંપૂર્ણપણે સજ્જ પ્રયોગશાળાઓ ધરાવે છે.આ પ્રયોગશાળાને મોટા ભાગે વિવિધ સંસ્થાઓ દ્વારા થતા પરીક્ષણ અને માનકીકરણ માટે ઓળખવામાં આવે છે. કેન્દ્રીય સહાય દ્વારા સંસ્થાની વિવિધ પ્રયોગશાળાઓનુ નિયમિત સમયગાળે આધુનિકીકરણ થાય છે.સંસ્થાની નવા પ્રયોગશાળાઓની સ્થાપના સતત ઊભરતાં વિસ્તારોમાં કરવામાં આવી રહી છે. વિદ્યાર્થીઓની વિવિધ ક્ષેત્રોમાં પરીક્ષણની ઔદ્યોગિક માંગની અભિરુચિ ને પૂરી કરવા માટે પ્રયોગશાળાઓ પણ પૂરી પાડવામાં આવી રહી છે. કેમ્પસમાં ખૂબ રૂપરેખાંકિત કમ્પ્યુટર સાથે સજ્જ પ્રયોગશાળાઓ બહુમતી સાથે તેના વિદ્યાર્થીઓ અને ફેકલ્ટી માટે મફત ઇન્ટરનેટ સુવિધા આપે છે.

વર્કશોપ[ફેરફાર કરો]

વર્કશોપ

આ વર્કશોપ વિદ્યાર્થીઓ માટે ઉત્પાદન અને ઉત્પાદનની મૂળભૂત કામગીરી બતાવવા સક્ષમ છે.તે CNC મશીન, એક સ્રાવ-ઇલેક્ટ્રો મશીન, અને મશીનની માપણી માટે સક્ષમ છે. આ સંસ્થામાં એક થર્મલ વર્કશોપ છે જેમાં બૉયલર્સ અને અન્ય ઉષ્મીય સાધનો અભ્યાસ કરી શકાય છે. તદઉપરાંત,સંસ્થામાં એક ઓટોમોબાઈલ વર્કશોપ છે.

ઉપરાંત સેન્ટર ઓફ ઍક્સેલેન્સ સીમેન્સ તથા સેન્ટર ઓફ અક્સેલેન્સ વેલ્ડિંગ પણ સ્થાપવામાં આવેલ છે.

પુસ્તકાલય[ફેરફાર કરો]

પુસ્તકાલયમાં 1,03,000 તકનીકી પુસ્તકો, 173 સામાયિકો, સંદર્ભ પુસ્તકો, હેન્ડબુક, જ્ઞાનકોશ અને ભારતીય ધોરણોનો સમાવેશ થાય છે.પુસ્તકાલય પુસ્તક વિદ્યાર્થીઓ માટે બેંક સુવિધા ધરાવે છે. પરીક્ષાની તૈયારી સમય દરમિયાન વહેલી સવારે અને સાંજે એક વધારાના વાંચનની સુવિધા ગોઠવાય છે.લાઇબ્રેરી પોતાના ઝેરોક્સ મશીન છે અને સામાન્ય દરે અને વિદ્યાર્થીઓ સ્ટાફ સભ્યો માટે ઝેરોક્ષ સેવાઓ પૂરી પાડે છે. તદઉપરાંત, પુસ્તકાલયમાં મફત ઇન્ટરનેટ સુવિધા પણ ઉપલબ્ધ છે.

કમ્પ્યુટિંગ સુવિધા[ફેરફાર કરો]

દરેક વિભાગ પાસે સન સોલારિસ અને ડિસે આલ્ફા સાથે પોતાના કોમ્પ્યુટર કેન્દ્ર છે.વ્યક્તિગત કમ્પ્યૂટરો મોટી સંખ્યામાં વપરાશમાં છે.બધા વિભાગોના તમામ કમ્પ્યુટર કેન્દ્રો ઇન્ટરનેટ સાથે જોડાયેલ છે. દરેક વિભાગ Wi-Fi સાથે આધારભૂત છે.

તાલીમ અને પ્લેસમેન્ટ સેલ[ફેરફાર કરો]

આ સંસ્થાના તાલીમ અને પ્લેસમેન્ટ સેલ વિભાગ વિદ્યાર્થીઓની નોકરીની શોધ માટે મદદ કરે છે. કૌશલ્ય વિકાસ તાલીમ પણ વિદ્યાર્થીઓને આપવામાં આવે છે. મુખ્ય ઉદ્યોગો અંતિમ વર્ષ વિદ્યાર્થીઓ માટે કેમ્પસ ઇન્ટરવ્યૂ લેવા માટે આવે છે અને વિદ્યાર્થીઓને નોકરીની તક આપે છે.[૨] સાહસિકતા જાગૃતિ શિબિર સંસ્થા ખાતે યોજવામાં આવે છે.

છાત્રાલય[ફેરફાર કરો]

હોસ્ટેલ બિલ્ડિંગ, એ

આ સંસ્થા 787 વિદ્યાર્થીઓ માટે છાત્રાલયની સુવિધા ધરાવે છે.ત્યાં છાત્રાલય સંકુલમાં ચાર ભોજનાલય છે જે વિદ્યાર્થીઓ દ્વારા જ વ્યવસ્થાપિત થાય છે.આ છાત્રાલયમાં અખબારો અને સામયિકોની સવલત પણ ઉપલબ્ધ છે.ટીવી રૂમ, બેડમિન્ટન ઓરડો, અને વ્યાયામ શાળા, અને આઉટડોર અને ઇન્ડોર રમતો જેવી મનોરંજન સુવિધાઓનો પણ સમાવેશ થાય છે. સંકુલમાં ઓફિસો, છાત્રાલયો, આચાર્યશ્રી, રેકટર અને વોર્ડનના રહેઠાણો છે.

આહારગૃહ[ફેરફાર કરો]

સંકુલમાં આહારગૃહ મધ્યમાં સ્થિત થયેલ છે.આ સુવિધા વાજબી દરે વિદ્યાર્થીઓ અને સ્ટાફ માટે ઉપલબ્ધ છે. ઉપાહારગૃહ માં કન્યાઓ માટે અલગ જગ્યા ફાળવવામાં આવી છે.

નેશનલ કેડેટ કોર્પ્સ (એનસીસી)[ફેરફાર કરો]

નેશનલ કેડેટ કોર્પ્સ (એનસીસી) દેશની એક મુખ્ય યુવા સંસ્થા છે. તે સંરક્ષણ અને શિક્ષણ વચ્ચે કડી છે.એન.સી.સી. ગુજરાતની સંયુક્ત ટેકનિકલ કંપની (1 Guj Compo(T) Coy,NCC) મહાવિદ્યાલયના સંકુલમાં આવેલ એકમ છે. ઈજનેરી વિદ્યાર્થીઓ માટે ટેકનિકલ તાલીમ એન્જીનીયર્સ, ઇએમઇ અને સિગ્નલ પ્લેટૂન માં આપવામાં આવે છે. કૅડેટને એન.સી.સી. તાલીમ બે વર્ષ માટે આપવામાં આવે છે. એક વર્ષની તાલીમ પછી "B" પ્રમાણપત્ર અને સંપૂર્ણ બે વર્ષની તાલીમ પછી "C" પ્રમાણપત્ર એનાયત કરવામાં આવે છે.

ટપાલઘર અને બેંક[ફેરફાર કરો]

ટપાલઘર અને બેંક ગુજરાત યુનિવર્સિટી સંકુલની નજીક સ્થિત છે.

જીમખાના[ફેરફાર કરો]

વિદ્યાર્થી સંસદ રમતો, ઇન્ડોર રમતો, સાંસ્કૃતિક પ્રવૃત્તિઓ, ચર્ચા, સામાજિક સેવાઓ, વ્યસ્ત શેડ્યૂલના સત્રની યોજના તૈયાર કરે છે. સ્વૈચ્છિક રક્તદાન શિબિર પણ નિયમિત સમયગાળે યોજવામાં આવે છે.

સ્ટુડન્ટ સ્ટોર[ફેરફાર કરો]

વિદ્યાર્થીઓને વાજબી દરે સ્ટેશનરી, કેલ્ક્યુલેટર સાધનો મળી રહે તે હેતુથી એક સ્ટુડન્ટ સ્ટોર પણ કેમ્પસમાં ચાલે છે.

ઔદ્યોગિક સંપર્ક[ફેરફાર કરો]

આ સંસ્થા નિષ્ણાતોના અનુભવો,તપાસ, વિદ્યાર્થી તાલીમ,શિક્ષણ કાર્યક્રમો,પરિસંવાદો અને પરીક્ષણ દ્વારા મુખ્ય ઉદ્યોગો સાથે સતત સંપર્ક રાખે છે.

સંદર્ભો[ફેરફાર કરો]

  1. "National Board Of Accreditation". National Board Of Accreditation. મૂળ માંથી 2009-02-26 પર સંગ્રહિત. મેળવેલ 2012-12-09.
  2. "ldce placement". tpo ldce. મૂળ માંથી 2012-12-13 પર સંગ્રહિત. મેળવેલ 2012-12-10.

બાહ્ય કડીઓ[ફેરફાર કરો]