સફારી
અનુક્રમણિકા |
[ફેરફાર કરો] સફારી
સફારી એ અમદાવાદ, ગુજરાત, ભારતમાંથી ગુજરાતી ભાષામાં પ્રકાશિત થતું એક માસિક સામાયિક છે. આ સામાયિકના તંત્રી નગેન્દ્ર વિજય તેમ જ સમ્પાદક હર્ષલ પુષ્કર્ણા છે. આ સામાયિકનો મુખ્ય હેતુ ગુજરાતની નવી પેઢીમાં જ્ઞાનનો ફેલાવો કરવાનો તેમ જ વિજ્ઞાન વધુ લોકપ્રિય બનાવવાનો છે. [૧] આ મેગેઝિનનો વિષય મુખ્યત્વે સામાન્ય જ્ઞાન છે. તેમાં વિજ્ઞાન, ગણિત, ઇતીહાસ, રાજકારણ અને તાજા બનાવો જેવા વિષયોનો સમાવેશ થાય છે. આ સામાયિકનું વિભાજન બનાવ અને બેકગ્રાઉન્ડ, સંપાદકનો પત્ર, આ પત્ર સફારીને મળે, શોધ અન શોધકો, નવું સંશોધન, એક વખત એવું બન્યું, સુપર સવાલ, ફેક્ટફાઇન્ડર, સુપર ક્વિઝ તેમ જ માઇન્ડ ગેમ્સ જેવા વિભાગોમાં કરવામાં આવ્યું છે. તેની ટેગલાઇન આ મુજબ છેઃ સફારી-બુદ્ધિશાળી વાચકો માટેનું મેગેઝિન. તે વાચકોમાં અત્યંત લોકપ્રિય હોવા છતાં અન્ય સામાયિકોની જેમ 'સફારી'માં ક્યારેય જાહેરખબર (એડ્વર્ટાઈઝ) જોવા મળતી નથી, જે પરથી એમ કહી શકાય કે તે એક નફો મેળવવાની કોઇ પણ અપેક્ષા વિના કામ કરતી સંસ્થા છે. તેનો ફેલાવો ફક્ત ગુજરાત રાજ્ય પુરતો સીમિત ન રહેતાં ભારતના અન્ય ભાગો તેમજ ભારતની બહાર અમેરિકા, ન્યુઝીલેન્ડ તેમજ ઈંગ્લેન્ડમાં પણ જોવા મળે છે.
[ફેરફાર કરો] અન્ય પ્રકાશનો
હર્ષલ પબ્લિકેશન્સ દ્ધારા કેટલાક અન્ય પુસ્તકો પણ પ્રકાશિત કરવામાં આવ્યાં છે, જેમાં યુદ્ધ ૭૧', આઇનસ્ટાઈન અને સાપેક્ષવાદ, વિશ્વવિગ્રહની યાદગાર યુદ્ધકથાઓઃ ભાગ ૧ થી ૩, મેથેમેજિક, સમયસર, સફારી જોક્સ, પ્રકૃતિ અને પ્રાણીજગત, વિસ્મયકારક વિજ્ઞાન, મોસાદના જાસૂસી મિશનો, સુપર ક્વિઝ, કોસ્મોસ અને જિંદગી જિંદગીનો સમાવેશ થાય છે.
[ફેરફાર કરો] નગેન્દ્ર વિજય સાયન્સ ફાઉન્ડેશન
નગેન્દ્ર વિજય સાયન્સ ફાઉન્ડેશનનો હેતુ પણ જ્ઞાન-વિજ્ઞાનનો ફેલાવો કરવાનો છે. તેની સ્થાપના ૧૪મી ડિસેમ્બર, ૨૦૦૪ના રોજ કરવામાં આવી હતી. તેના અંતર્ગત આંખે ન જોઇ શકતા લોકો માટે 'સફારી'ની ઓડિયો આવૃતિનું વિના મૂલ્યે આશરે ૧૦૦ અલગ-અલગ સંસ્થાઓમાં વિતરણ કરવામા આવ્યું હતું. જેથી પ્રજ્ઞાચક્ષુ લોકોમા પણ જ્ઞાન-વિજ્ઞાનનો ફેલાવો થઇ શકે.
