હળવદ

વિકિપીડિયાથી
આના પર જાવ: ભ્રમણ, શોધો
હળવદ
—  નગર  —
હળવદનુ
ગુજરાત અને ભારતમાં સ્થાન
અક્ષાંશ-રેખાંશ ૨૩°૦૧′N ૭૧°૧૧′E / ૨૩.૦૨°N ૭૧.૧૮°E / 23.02; 71.18
દેશ ભારત
રાજ્ય ગુજરાત
જિલ્લો સુરેન્દ્રનગર
વસ્તી ૨૪,૩૨૩ (૨૦૦૧)
અધિકૃત ભાષા(ઓ) ગુજરાતી,હિંદી[૧]
સમય ક્ષેત્ર આઇએસટી (+૦૫:૩૦)
વિસ્તાર

• ઉંચાઇ


• ૪૬ મીટર (૧૫૧ ફુ)

હળવદ તાલુકો ભારત દેશના પશ્ચિમ ભાગમાં આવેલા ગુજરાત રાજ્યના સૌરાષ્ટ્ર વિસ્તારમાં આવેલા સુરેન્દ્રનગર જિલ્લાનો મહત્વનો તાલુકો છે. હળવદ આ તાલુકાનું મુખ્ય મથક છે. પાંચસો વર્ષ સુધી ઝાલાવાડનું પાટનગર રહી ચૂકેલું હળવદ ફરતો કિલ્લો અને ગઢ આવેલા છે અને આ ગઢને છ છ દરવાજાઓ પણ આવેલા છે. જેવા કે ધ્રાંગધ્રા દરવાજો, મોરબી દરવાજો, કુંભાર દરવાજો, દંતેશ્વર દરવાજો, ગોરી દરવાજો, તળાવ દરવાજો આજે પણ અહીં મોજૂદ છે. હળવદ શહેર મધ્યે આવેલું સાતસો એકરનો ફેલાવો ધરાવતું સામંતસર તળાવ શહેરની શોભામાં અભિવૃદ્ધિ કરી રહ્યું છે. ઇ.સ. ૧૭૦૯માં રાજા જયવંતસિંહે સામતસર તળાવના કિનારે એક ભવ્ય રાજમહેલ બનાવ્યો હતો જે આજે પણ મોજૂદ છે અને આ મહેલ થકી હળવદની ઓળખ થઈ રહી છે

ઈતિહાસ[ફેરફાર કરો]

હળવદ ગામનો પાયો રાજા રાજોધરજીએ ઇ.સ. ૧૪૮૮ના મહા વદી ૧૩ના રોજ નાખ્યો હતો.ઉપરાંત આ ગામનો વસવાટ હળ જેવો હોય તેનું નામ હળવદ પડયું છે. હળવદના વિવિધ રાજવીઓ કુશળ અને બાહોશ હતા જેમાં રાજોધરજી, માનસિંહજી, રાવસિંહજી, ચંદ્રસિંહજી,આશાહારમજી, અમરસિંહજી, મેઘરાજજી, ગજસિંહજી, જશવંતસિંહજી, પ્રતાપસિંહજી, રૃપસિંહજી,રણમલસિંહજી, મયુરધ્વજસિંહજી જેવા પરાક્રમી વીર રાજાઓ થઈ ગયા.

હળવદ તાલુકામાં આવેલાં ગામો[ફેરફાર કરો]

હળવદ તાલુકામાં ખેતી[ફેરફાર કરો]

આ તાલુકામાં ખેતીવાડીમાં ખાસ કરીને કપાસ, મગફળી, તલ, જીરુ, વરિયાળી, ઘઉં, બાજરી, શેરડી, રાઇ, રાઇડો વગેરે જેવા પાકોનું વાવેતર થતું જોવા મળે છે. કપાસ ઉત્પાદન માં હળવદ મોખરા નું સ્થાન છે .

તેમજ હળવદ માં વિશાળ એગ્રીકલ્ચર માર્કેટ યાર્ડ આવેલ છે.

હળવદ ના ઉદ્યોગ[ફેરફાર કરો]

હળવદ માં મુખ્યત્વે મીઠા નો ઉદ્યોગ ખુબ જાણીતો છે . ટીકર રણ ને આજુ બાજુ ના વિસ્તાર માં મીઠા ના અગરો આવેલ છે .એ મીઠા ને રીફાઈન્ડ-આઇયોડાઈઝ કરવા માટે ની ઘણી ફેકટરીઓ આવેલ છે . હળવદ માં કપાસ ,ઘઉ નું પુષ્કળ ઉત્પાદન થાયછે . તેથી અહિયાં કપાસ જીનીંગ -પ્રેસિંગ ના યુનિટ તમેજ ઘઉ ને શોર્ટક્ષ કરી પેકિંગ કરવાની પણ ફેકટરીઓ છે .

બાહ્ય કડીઓ[ફેરફાર કરો]