ઈશ્વર આંચલ
ઈશ્વર આંચલ, મૂળ નામ ઈશ્વર નારાયણદાસ શર્મા, (૨ ઓક્ટોબર ૧૯૨૮ - ૫ જુલાઈ ૧૯૯૮) સિંધી ભાષાના કવિ અને વાર્તાકાર હતા. તેમને તેમના કાવ્યસંગ્રહ ટાંડાણા (અંધારી રાતમાં) માટે ૧૯૯૭નો સાહિત્ય અકાદમી પુરસ્કાર એનાયત કરવામાં આવ્યો હતો.
જીવન
[ફેરફાર કરો]ઈશ્વર આંચલનો જન્મ ૨ ઓક્ટોબર ૧૯૨૮ના રોજ કરાચી (હાલ પાકિસ્તાન) ખાતે થયો હતો. ઔપચારિક શિક્ષણનો અભાવ હોવા છતાં સિંધી, હિંદી, ઉર્દૂ અને અંગ્રેજી એમ ચાર ભાષા જાણતા હતા. 'આંચલ' તેમનું ઉપનામ હતું. ભાગલા બાદ ભારત આવ્યા બાદ તેમનો પરિવાર મુંબઈ નજીક ભારતસનગર ખાતે આવી વસ્યો.તેમણે ભારતીય રેલવેના હિસાબ વિભાગમાં નોકરી કરી અને ત્યાંથી નિવૃત્ત થયા હતા. ૫ જુલાઈ ૧૯૯૮ના રોજ તેમનું અવસાન થયું હતું.[૧][૨]
સાહિત્ય
[ફેરફાર કરો]ઈશ્વર આંચલે કુલ સાત કૃતિઓ પ્રગટ કરી છે. તેમની નોંધપાત્ર કૃતિઓમાં વાર્તાસંગ્રહ પ્યાર આપ્યો પૈસો અને કાવ્યસંગ્રહ ટાંડાણા અને ધિંદ ઇ ઘરેનો સમાવેશ થાય છે. કાવ્યસંગ્રહ ટાંડાણામાં તેમની ચિંતાનું નિરૂપણ થયેલું છે. તેમાં સમકાલીનતા અને શાશ્વતતા વચ્ચે સંતુલન, અને ઉદાર માનવતાવાદની વાત છે.[૧]
સન્માન
[ફેરફાર કરો]તેમને સાહિત્ય અકાદમી પુરસ્કાર ઉપરાંત અખિલ ભારત સિંધી બોલી અને સાહિત્ય, મુંબઈ તેમજ કેન્દ્રીય હિંદી સંસ્થાન, દિલ્હી તરફથી પણ પુરસ્કારો પ્રાપ્ત થયા હતા.[૧]
સંદર્ભ
[ફેરફાર કરો]- 1 2 3 કનીજિયા, બળદેવભાઈ (January 2004). "ઈશ્વર આંચલ". ગુજરાતી વિશ્વકોશ. મેળવેલ 2025-08-12.
{{cite web}}: Check date values in:|access-date=(મદદ)CS1 maint: url-status (link) - ↑ "Ishwar Anchal - The Sindhu World Yogi Kavi". thesindhuworld.com (અંગ્રેજીમાં). 2021-04-27. મેળવેલ 2025-08-12.
{{cite web}}: Check date values in:|access-date=and|date=(મદદ)CS1 maint: url-status (link)