ઉર્વીશ કોઠારી

ઉર્વીશ કોઠારી
જન્મ	(૧૯૭૧-૦૨-૦૪) ફેબ્રુઆરી ૪, ૧૯૭૧ મહેમદાવાદ, ખેડા જિલ્લો, ગુજરાત
રાષ્ટ્રીયતા	ભારતીય
નાગરિકતા	ભારતીય
શિક્ષણ	પીએચ.ડી.
સક્રિય વર્ષો	૧૯૯૫ -
જીવનસાથી	સોનલબેન
સંતાનો	આસ્થા
સંબંધીઓ	બીરેન કોઠારી (ભાઈ)
વેબસાઇટ
urvishkothari-gujarati.blogspot.in

ઉર્વીશ કોઠારી ગુજરાતી લેખક, પત્રકાર અને વ્યંગકાર છે. તેમના મોટા ભાઈ બીરેન કોઠારી ચરિત્રકાર-અનુવાદક અને દસ્તાવેજીકરણની કામગીરી સાથે સંકળાયેલા છે.

અભ્યાસ

તેમનો શાળાકીય અભ્યાસ શેઠ જે.એચ. સોનાવાલા હાઈસ્કૂલ, મહેમદાવાદમાંથી પૂર્ણ થયો અને અમદાવાદની એમ.જી. કોલેજ ઓફ સાયન્સમાંથી તેમણે વિજ્ઞાનના સ્નાતકની પદવી મેળવી. ૨૦૧૮માં તેમણે ગૂજરાત વિદ્યાપીઠમાંથી 'પત્રકારત્વમાં ગાંધીજીનાં વિચારપત્ર નવજીવનના લખાણોમાં હિંદુ-મુસલમાન સંબંધોનાં નિરૂપણ' પર ડોક્ટરેટની પદવી મેળવેલ છે.

કારકિર્દી

તેમની પત્રકાર તરીકેની કારકિર્દીની શરૂઆત ૧૯૯૫માં થઈ. ગુજરાતી ભાષાના જુદા જુદા સમાચાર પત્રો અને સામયિકો સાથે તેઓ સંકળાયેલા રહ્યા છે. એપ્રિલ ૨૦૧૩માં તેમણે કાર્તિક શાહ તથા પત્રકાર મિત્રો દીપક સોલિયા અને ધૈવત ત્રિવેદી સાથે મળી ને ‘સાર્થક પ્રકાશન’ની શરૂઆત કરી હતી, જેના અંતર્ગત પ૦થી વધુ પુસ્તકો પ્રકાશિત કર્યાં છે. તે ઉપરાંત તેઓ ઓક્ટોબર ૨૦૧૩થી અર્ધવાર્ષિક સામયિક "સાર્થક જલસો"નું સંપાદન-પ્રકાશન કરે છે. તેમણે ગાંધીજી, સરદાર પટેલ, જવાહરલાલ નહેરુ તેમજ બાબાસાહેબ આંબેડકરને સ્પર્શતા વિષયો પર અને ઐતિહાસિક મહત્વ ધરાવતા પરંતુ પ્રમાણમાં ઓછા પ્રચલિત એવા ગુજરાતી વ્યક્તિત્વો પર શ્રેણી "ગુજરાત જાયન્ટ્સ" હેઠળ લેખો લખેલા છે.

પુસ્તકો

• A Plain Blunt Man : The Essential Sardar Vallabhbhai Patel (2023) Aleph Books
• મારી પત્રકારત્વ-લેખનની સફર (પત્રકારત્વ-લેખનની કારકિર્દીન પહેલા દાયકાની (1995-2005) સફરનું સચિત્ર દસ્તાવેજીકરણ)
• નોખા ચીલે નવસર્જન (નવસર્જન ટ્રસ્ટની ૧૨ વર્ષની કામગીરીનું દસ્તાવેજીકરણ)
• સરદાર : સાચો માણસ સાચી વાત
• બત્રીસ કોઠે હાસ્ય (હાસ્યલેખો)
• જ્યાં જ્યાં હસે એક ગુજરાતી (ગુજરાત અને ગુજરાતીઓ વિશેના હાસ્યવ્યંગ લેખો)
• ભદ્રંભદ્રઃ અનામત આંદોલનમાં (વ્યંગાત્મક લઘુનવલ)
• દિલના દરવાજે દસ્તક (અનુવાદ, ચંદુ મહેરિયા સાથે)
• રજનીકુમાર : આપણા સૌના (સાહિત્યકાર રજનીકુમાર પંડ્યાના ષષ્ટીપૂર્તિ ગ્રંથનું સંપાદન, બીરેન કોઠારી સાથે)
• નગેન્દ્ર વિજય (ચરિત્રાત્મક દીર્ઘ મુલાકાત)
• મહેન્દ્ર મેઘાણી (ચરિત્રાત્મક દીર્ઘ મુલાકાત)
• પ્રકાશ ન. શાહ (ચરિત્રાત્મક દીર્ઘ મુલાકાત)

પારિતોષિક

• કાકાસાહેબ કાલેલકર પારિતોષિક
• જ્યોતીન્દ્ર દવે પારિતોષિક (૨૦૦૮)