કુઆલા લંપુર
કુઆલા લંપુર (KL), સત્તાવાર રીતે કુઆલાલંપુરનો સંઘીય વિસ્તાર, મલેશિયાની રાજધાની અને સંઘીય વિસ્તાર છે. તે દેશનું સૌથી વધુ વસ્તી ધરાવતું શહેર છે, જે 243 km2 (94 sq mi) ક્ષેત્રફળને આવરી લે છે. તેની વસ્તી ૨૦૨૪ સુધીમાં ૨૦ લાખ હતી.[૧] ગ્રેટર કુઆલાલંપુર, જેને ક્લાંગ ખીણ તરીકે પણ ઓળખવામાં આવે છે, તે ૨૦૨૪ સુધીમાં ૮૦ લાખ લોકોનો શહેરી સમૂહ હતો. તે વસ્તી અને આર્થિક વિકાસ બંનેમાં દક્ષિણપૂર્વ એશિયાના સૌથી ઝડપથી વિકસતા મહાનગરીય પ્રદેશોમાંનો એક છે.
આ શહેર મલેશિયાના સાંસ્કૃતિક, નાણાકીય, પ્રવાસન, રાજકીય અને આર્થિક કેન્દ્ર તરીકે સેવા આપે છે. તેમાં મલેશિયાની સંસદ એટલે કે દીવાન રકાયત અને દીવાન નેગારા આવેલા છે. રાજાનું સત્તાવાર નિવાસસ્થાન ઈસ્તાના નેગારા પણ આ શહેરમાં આવેલું છે.
કુઆલા લંપુરનો સૌપ્રથમ ૧૮૫૭ની આસપાસ આ પ્રદેશની ટીનની ખાણોને સેવા આપતા નગર તરીકે વિકાસ થયો હતો. ૧૯મી સદીના અંતમાં યાપ આહ લોય અને ફ્રેન્ક સ્વેટેનહામ જેવા મહત્વપૂર્ણ વ્યક્તિઓએ શહેરના પ્રારંભિક વિકાસમાં મહત્વની ભૂમિકા ભજવી હતી. તે ૧૮૮૦ થી ૧૯૭૮ સુધી સેલાન્ગોરની રાજધાની તરીકે સેવા આપતું હતું. કુઆલાલંપુર મલાયા સંઘ અને તેના અનુગામી મલેશિયાની સ્થાપક રાજધાની હતી. આ શહેર મલેશિયાની સંઘીય સરકાર વહીવટી અને ન્યાયિક શાખાઓનું કેન્દ્ર રહ્યું, જ્યાં સુધી તેને ૧૯૯૯ની શરૂઆતમાં પુત્રજય સ્થાનાંતરિત કરવામાં ન આવ્યું. જોકે, રાજકીય સંસ્થાઓના કેટલાક વર્ગો હજુ પણ કુઆલાલંપુરમાં જ છે. આ શહેર મલેશિયાના ત્રણ સંઘીય પ્રદેશોમાંનું એક છે, જે દ્વીપકલ્પીય મલેશિયા મધ્ય પશ્ચિમ કિનારે સેલાન્ગોર રાજ્યની અંદર ઘેરાયેલું છે.[૨]
કુઆલા લંપુરને ૨૦૧૯માં માસ્ટરકાર્ડ ડેસ્ટિનેશન સિટીઝ ઈન્ડેક્સ પર વિશ્વમાં છઠ્ઠા સૌથી વધુ મુલાકાત લેવાયેલા શહેર તરીકે સ્થાન આપવામાં આવ્યું હતું. આ શહેરમાં વિશ્વના દસ સૌથી મોટા શોપિંગ મોલ્સમાંથી ત્રણ આવેલા છે. ઇકોનોમિસ્ટ ઇન્ટેલિજન્સ યુનિટ ગ્લોબલ લાઇવેબિલિટી રેન્કિંગ માટે કુઆલા લંપુર વિશ્વમાં ૭૦મા ક્રમે અને અગ્નિ એશિયામાં ૨જા ક્રમે છે. કેપીએમજી લીડિંગ ટેક્નોલોજી ઇનોવેશન હબ ૨૦૨૧માં સિંગાપુર પછી કુઆલા લંપુર દક્ષિણપૂર્વ એશિયાના બીજા ક્રમે છે. કુઆલા લંપુરને યુનેસ્કો દ્વારા વર્લ્ડ બુક કેપિટલ ૨૦૨૦ નામ આપવામાં આવ્યું હતું. ૨૦૨૫માં કુઆલા લંપુર દક્ષિણપૂર્વ એશિયામાં સિંગાપોર પછી બીજા ક્રમે અને ઓક્સફર્ડ ઇકોનોમિક પેપર્સ ગ્લોબલ સિટીઝ ઈન્ડેક્સ દ્વારા વિશ્વમાં ૭૯મા ક્રમે હતું.[૩]
આ પણ જુઓ
[ફેરફાર કરો]સંદર્ભો
[ફેરફાર કરો]- ↑ "Federal Territory of Kuala Lumpur". Department of Statistics, Malaysia. મૂળ સંગ્રહિત માંથી 20 June 2024 પર સંગ્રહિત.
{{cite web}}: Check date values in:|archive-date=(મદદ) - ↑ Gwillim Law (30 June 2015). "Malaysia States". Statoids. મૂળ સંગ્રહિત માંથી 1 January 2019 પર સંગ્રહિત. મેળવેલ 11 December 2007.
{{cite web}}: Check date values in:|access-date=,|date=, and|archive-date=(મદદ) - ↑ "Oxford Economics Global Cities Index". www.oxfordeconomics.com. મેળવેલ 2025-07-05.
{{cite web}}: Check date values in:|access-date=(મદદ)