કૃપેશ ઠક્કર

કૃપેશ ઠક્કર
જન્મની વિગત	કૃપેશ ઠક્કર
રાષ્ટ્રીયતા	ભારતીય
શિક્ષણ	એમબીબીએસ, એમએચએ
વ્યવસાય	ગીતકાર, સંગીતકાર, ગાયક, લેખક
સક્રિય વર્ષો	૨૦૧૫ - હાલ કાર્યરત

કૃપેશ ઠક્કર ભારતીય ગીતકાર, સંગીતકાર, ગાયક અને લેખક છે.

જીવન

કૃપેશ ઠક્કર કચ્છના વાતની છે. તેમણે જામનગરથી એમબીબીએસ નો અભ્યાસ પૂર્ણ કર્યો છે અને અમેરિકાથી માસ્ટર્સ ડિગ્રી મેળવી છે. વ્યવસાયે તેઓ તબીબ છે.

કારકિર્દી

૨૦૧૫માં તેમણે 'ક્યાં છે કાનો?' આલ્બમથી સંગીતજગતમાં પદાર્પણ કર્યું. તેઓએ હિન્દી, ગુજરાતી, અંગ્રેજી તેમજ સંસ્કૃત ભાષામાં ગીતો ગાયા છે. તેઓ તેમના પરિવાર સાથે મળી પર્વ ફ્યૂઝન બેન્ડ બનાવ્યું છે. લેખક તરીકે તેમણે અર્જુન ઉવાચ શ્રેણીના વિવિધ પુસ્તકો લખ્યા છે. જેમાં તેમના હિન્દી પુસ્તક 'અર્જુન ઉવાચ: મા પર્વ' ની વર્ષ ૨૦૨૩ માટે ગુજરાત સાહિત્ય અકાદમી દ્વારા શ્રેષ્ઠ પુસ્તક પારિતોષિક માટે પસંદગી કરવામાં આવી. તેઓને ૨૦૨૪માં અતુલ્ય વારસો આઈડેન્ટીટી એવોર્ડથી સન્માનિત કરવામાં આવ્યા છે. તેમના સંગીતકાર તેમજ સહગાયક તરીકેના આલ્બમને ગીનીઝ વર્લ્ડ રેકૉર્ડ એનાયત થયો છે.

ફિલ્મો

વર્ષ	ગીત	ફિલ્મ	યોગદાન	ભાષા	ગાયક
૨૦૧૭	હે પ્રભુ	કમિટમેન્ટ	ગીતકાર, સંગીતકાર	ગુજરાતી	આર્ચી મિસ્ત્રી
૨૦૧૭	મળી નજર જો નજરોથી	ગુજરાતી વેડિંગ ઇન ગોવા	ગીતકાર		જિગરદાન ગઢવી
૨૦૧૮	પ્રેમ રંગ	ફેમિલી સર્કસ	ગીતકાર		શાન, પાર્થિવ ગોહિલ, જાહ્નવી શ્રીમાંકર

આલ્બમ

વર્ષ	નામ	યોગદાન	ભાષા	નોંધ
૨૦૧૪	ક્યાં છે કાનો?	ગીતકાર, સંગીતકાર, ગાયક	ગુજરાતી	પ્રથમ આલ્બમ
૨૦૧૯	પર્વ - ધ યંગેસ્ટ સિંગર	સંગીતકાર, સહગાયક	સંસ્કૃત	ગીનીઝ વર્લ્ડ રેકૉર્ડ

પુસ્તકો

વર્ષ	નામ	ભાષા	નોંધ
૨૦૨૨	અર્જુન ઉવાચ: ધ સ્પિરિચ્યુલ યાત્રા	ગુજરાતી, હિન્દી
૨૦૨૩	અર્જુન ઉવાચ: મા પર્વ	હિન્દી	શ્રેષ્ઠ પુસ્તક પારિતોષિક ૨૦૨૩ - ગુજરાત સાહિત્ય અકાદમી
૨૦૨૩	અર્જુન ઉવાચ: ચાલો રામ બને	હિન્દી

સન્માન

• ૨૦૨૩ - શ્રેષ્ઠ પુસ્તક પારિતોષિક
• ૨૦૨૪ - અતુલ્ય વારસો આઈડેન્ટીટી એવોર્ડ

બાહ્ય કડીઓ

• કૃપેશ ઠક્કર, ઇન્ટરનેટ મૂવી ડેટાબેઝ પર