ચૂલાઈ

ચૂલાઈ એ તમિલનાડુના મહાનગર મધ્ય ચેન્નાઈમાં આવેલો એક વિકસિત રહેણાંક વિસ્તાર છે.

સ્થાન

ચૂલાઈ ચેન્નાઈ સેન્ટ્રલ રેલ્વે સ્ટેશનથી ૧ કિમી દૂર આવેલું છે. 

ચૂલાઈ નામ તે વિસ્તારમાં આવેલા ઈંટની ભઠ્ઠીઓના કારણે પડ્યું છે. ચૂલાઈમાં હજું પણ "ઈંટ ભઠ્ઠી રોડ" (સેંગલ ચૂલાઈ રોડ) નામનો એક રસ્તો છે, જે તેના નામનું પ્રમાણ આપે છે. તે પહેલાં "લક્ષ્મી નરસિંહપુરમ" તરીકે ઓળખાતું હતું.

ચૂલાઈમાં ભગવાન નટરાજનું મંદિર લગભગ ૧૫૦ વર્ષ પહેલાં બનાવવામાં આવ્યું હતું અને તે ભગવાન નટરાજ માટે બાંધવામાં આવેલા ખૂબ જ ઓછાં મંદિરોમાંનું એક અને શહેરનું એકમાત્ર મંદિર હોવાનું માનવામાં આવે છે.

ચેન્નાઈના અન્ય સ્થળોની જેમ, ચૂલાઈ પણ સારો વારસો અને ભૂતકાળની કેટલીક સારી યાદો ધરાવે છે. મુથૈયા સરનો "મદ્રાસ મિસેલેની" પુસ્તક માટે આભાર માનવામાં આવે છે, જેના દ્વારા તેઓ આપણને ૧૮મી અને ૧૯મી સદીમાં લઈ જઈ મદ્રાસના ઇતિહાસ અને વારસા વિશે માહિતી આપી. ચૂલાઈ વિશેના તેમના પુસ્તકમાંથી એકત્રિત કરવામાં આવેલી થોડી માહિતી અહીં આપેલ છે.

ચૂલાઈ તેની "મદ્રાસ યુનાઇટેડ સ્પિનિંગ એન્ડ વીવિંગ મિલ્સ (ચૂલાઈ મિલ્સ) " માટે જાણીતું છે. ૧૯મી સદીના અંતમાં અને ૨૦મી સદીની શરૂઆતમાં, મદ્રાસમાં ૨ સંયુક્ત કાપડ મિલો હતી-પેરામ્બુરમાં બી એન્ડ સી, જે બ્રિટિશ કંપનીની માલિકીની હતી અને ચૂલાઈમાં મદ્રાસ યુનાઇટેડ સ્પિનિંગ એન્ડ વીવિંગ મિલ્સ, જે સંપૂર્ણપણે એક ભારતીયની માલિકીની અને સંચાલિત હતી. પરંતુ હડતાળ અને નુકસાનને કારણે આ દિલ્હીના સરદાર ઈન્દરજીત સિંહ એન્ડ સન્સને વેચવામાં આવી હતી અને પછી તેમણે તેને બોમ્બેના એડવર્ડ ટેક્સટાઇલ્સને વેચી દીધી હતી. પરંતુ કરવેરાની બાકી રકમની ચુકવણી ન થવાને કારણે, સરકારે મિલો જપ્ત કરી અને ભારતીય ખાદ્ય નિગમ માટે ઇમારતોને ગોડાઉનમાં રૂપાંતરિત કરી, જે હજુ પણ ચૂલાઈમાં છે.

આસપાસનો વિસ્તાર

ચૂલાઈ ઉત્તર-ચેન્નાઈના બે મુખ્ય વિસ્તારો, એટલે કે વેપેરી અને પેરિયામેટની વચ્ચે આવેલું છે. નેહરુ સ્ટેડિયમ ચૂલાઈના પડોશમાં આવેલું છે.

પરિવહન

ચૂલાઈમાંથી ઘણી બસ પસાર થાય છે, અને સેન્ટ્રલ અને એગ્મોર ચૂલાઈની ખૂબ નજીક છે.