ઝવેરીલાલ મહેતા

ઝવેરીલાલ દલપતરામ મહેતા
જન્મની વિગત	૧૯૨૭ ગુજરાત
મૃત્યુ	૨૭ નવેમ્બર ૨૦૨૩ (૯૬ વર્ષ) અમદાવાદ
રાષ્ટ્રીયતા	ભારતીય
વ્યવસાય	ફોટોગ્રાફર
પુરસ્કારો	પદ્મશ્રી (૨૦૧૮)

ઝવેરીલાલ દલપતરામ મહેતા એક ભારતીય ફોટોગ્રાફર હતા. સાહિત્ય અને શૈક્ષણિક પત્રકારત્વના ક્ષેત્રમાં તેમના યોગદાન માટે ૨૦૧૮માં ભારત સરકાર દ્વારા તેમને પદ્મશ્રી નાગરિક પુરસ્કારથી સન્માનિત કરવામાં આવ્યા હતા.

કારકિર્દી

ઝવેરીલાલ મહેતા ૧૯૮૦ના દાયકાથી ગુજરાત સમાચાર સાથે જોડાયેલા રહ્યા હતા. તેઓ ગુજરાત રાજ્યના ૧૩ મુખ્યમંત્રીઓના જીવન અને સમયગાળાનું દસ્તાવેજીકરણ કરવા માટે લોકપ્રિય છે. તેમણે ૧૯૯૮નું વાવાઝોડું (કચ્છ ચક્રાવાત) અને ૨૦૦૧ ગુજરાત ધરતીકંપ જેવી ઘટનાઓનું દસ્તાવેજીકરણ કર્યું હતું.

વર્ષ ૨૦૧૮માં ઝવેરીલાલ મહેતાને ભારતના રાષ્ટ્રપતિ રામનાથ કોવિંદે પદ્મશ્રી પુરસ્કારથી સન્માનિત કર્યા હતા.

અવસાન

૨૭ નવેમ્બર ૨૦૨૩ના રોજ ૯૬ વર્ષની વયે તેમનું અવસાન થયું હતું.