ઢીમા (તા. ધરણીધર)

ઢીમા
ગામ
ઢીમા ઢીમા
અક્ષાંશ-રેખાંશ: 24.363445°N 71.516012°E / 24.363445; 71.516012
દેશ	ભારત
રાજ્ય	ગુજરાત
તાલુકો	ધરણીધર
સમય વિસ્તાર	UTC+૫:૩૦ (IST)

ઢીમા (તા. ધરણીધર) ભારત દેશના પશ્ચિમ ભાગમાં આવેલા ગુજરાત રાજ્યના ઉત્તર ભાગમાં આવેલા વાવ-થરાદ જિલ્લામાં આવેલા કુલ ૮ (આઠ) તાલુકાઓ પૈકીના એક એવા ધરણીધર તાલુકામાં આવેલું એક ગામ છે. ઢીમા ગામના લોકોનો મુખ્ય વ્યવસાય ખેતી, ખેતમજૂરી તેમ જ પશુપાલન છે. આ ગામમાં મુખ્યત્વે ઘઉં, જીરુ, મગ, ગવાર ,તલ,જુવાર, ઈસબગુલ,રાયડો,વરિયાળી, બાજરી, કપાસ, દિવેલી, રજકો તેમ જ અન્ય શાકભાજીના પાકની ખેતી કરવામાં આવે છે. આ ગામમાં પ્રાથમિક શાળા, પંચાયતઘર, આંગણવાડી તેમ જ દૂધની ડેરી જેવી સવલતો પ્રાપ્ય થયેલી છે.

ઇતિહાસ

ઢીમા ધરણીધર રજવાડામાં ૧૮૭૦માં ભેળવવામાં આવ્યું હતું. તે બોમ્બે પ્રેસિડેન્સીની પાલનપુર એજન્સી હેઠળ હતું, જે ૧૯૨૫માં બનાસકાંઠા એજન્સી બની હતી. ૧૯૪૭માં ભારતની સ્વતંત્રતા પછી તે પહેલા મુંબઈ રાજ્ય અને ૧૯૬૦માં ગુજરાત રાજ્યમાં આવ્યું. ૨૦૨૫માં બનાસકાંઠા જિલ્લામાંથી નવો વાવ-થરાદ જિલ્લો તેમજ ધરણીધર તાલુકો બનતા તે ધરણીધર તાલુકાનું મુખ્યમથક બન્યું હતું.

જોવાલાયક સ્થળો

આ ગામમાં આવેલું ધરણીધર મંદિર હિંદુઓનું બ્રિટિશ સમયથી મુખ્ય મંદિર રહ્યું છે. આ મંદિર ભગવાન શ્રીકૃષ્ણને સમર્પિત છે, જેના પર પૃથ્વી ટકેલી છે એ શેષનાગ અથવા ઢીમણનાગ પણ અહી બિરાજેલ છે, એવું હિંદુ ધર્મમાં એવું મનાય છે. ધરણીધર મંદિરની જાહોજલાલીથી આકર્ષાઈને દિલ્લીના સુલતાન અલાઉદીન ખિલજી એ ઈ.સ. ૧૨૯૭ માં આ મંદિર પર આક્રમણ કરી તોડવા પ્રયત્ન કર્યો હતો, પરંતુ મંદિર તોડવામાં તે અસફળ રહ્યો હતો.

અહીં ગાયત્રી મંદિર, વિશ્વકર્મા મંદિર, પીપાજી મંદિર, ભક્ત સેનજી મંદિર, વિષ્ણુ મંદિર, આશાપુરા માતાજી મંદિર જેવાં મંદિરો આવેલાં છે.

ગ્રંથસૂચિ

• Gazetteer of the Bombay Presidency: Cutch, Palanpur, and Mahi Kantha. Government Central Press. ૧૮૮૦. pp. ૩૪૨.
• ચિશ્લોમ, હ્યુજ, સંપાદક (૧૯૧૧). "Santalpur" . એન્સાયક્લોપિડિયા બ્રિટાનિકા. ખંડ  22 (૧૧મી આવૃત્તિ). કેમ્બ્રિજ યુનિવર્સિટી પ્રેસ.