દાળ ઢોકળી

દાળ ઢોકળી, મરાઠી રીત થી.

દાળ ઢોકળી, ગુજરાતી રીત થી. કોથમીર અને ઘી સાથે.

દાળ ઢોકળી (મરાઠી: वरण फळ અથવા चकोल्या) એક ગુજરાતી, રાજસ્થાની અને મહારાષ્ટ્રીયન વાનગી છે. જેમાં ઘઉંના જાડા લોટની ઢોકળી અથવા ફળી ઉકળતી તુવેરની દાળમાં બાફીને બનાવવામાં આવે છે. તે એક સાંસ્કૃતિક વાનગી માનવામાં આવે છે.

એવું માનવામાં આવે છે કે મારવાડીઓએ ગુજરાતમાં સ્થળાંતર કર્યું, ત્યારે આ વાનગી સાથે લાવ્યા હતા. રાજસ્થાનના મારવાડમાં આ વાનગી લોકપ્રિય રહી છે, સાથેસાથે ગુજરાતમાં પણ ગુજરાતીઓએ તેને પોતાની દૈનિક વાનગી સમાન બનાવી દીધી છે.