નમાજ

નમાજ કે નમાઝ (ઉર્દૂ: نماز ) અથવા સલાહ્ (અરબી: صلوة) , ઇસ્લામમાં સૌથી મહત્વની પ્રાર્થના (ઇબાદત) ગણાય છે, કુર્આનમાં અનેક વાર સ્પષ્ટ શબ્દોમાં નમાજ પઢવાનો આદેશ આપવામાં આવ્યો છે. નમાજ માટે પૂર્વ તૈયારી રૂપે અમૂક ચીજો જરૂરી છે.

(૧) જે સ્થળે નમાજ પઢવામાં આવી રહી છે, તે પાક-સ્વચ્છ હોય, એટલે કે ત્યાં ગંદકી ન હોય.
(૨) માણસનું શરીર ચોખ્‍ખું – સ્‍વચ્‍છ હોય. અહિંયા પાક ચોખ્‍ખા હોવાનો મતલબ એ છે કે શરીઅતના આદેશ પ્રમાણે જો જરૂરત હોય તો નહાઈ લેવામાં આવે. (પત્ની સાથે સંભોગ કર્યા પછી કે સ્વપ્ન દોષ પછી નાહવું શરીઅત પ્રમાણે જરૂરી છે. તે વગર માણસ નાપાક ગણાય છે. )અને નાહવાની જરૂરત નથી તો વુઝૂ કરવામાં આવે. (કોગળો કરવા, હાથ, મોં, પગ ધોવા વગેરેને વુઝૂ કહેવામાં આવે છે).
(૩) કપડાં પાક – સ્‍વચ્‍છ હોય. એટલે કે તેના પર કોઇ નાપાકી, મળ – મુત્ર , લોહી વગેરેની ન હોય.
(૪) કિબ્‍લા તરફ મોઢું કરવું,(કિબ્‍લા એટલે મક્કા શહેરની પવિત્ર મસ્જિદની મધ્યે આવેલું એક વિશેષ સ્થળ), ભારતવાસીઓ માટે એ પશ્ચિમ દિશામાં પડે છે.
(પ) નમાજનો સમય હોવો, શરીઅત તરફથી પાંચેય નમાજોનો સમય નક્કી છે, જે તે નમાજ માટે એનો સમય હોવો જરૂરી છે, એ સિવાય જો માણસ વધારાની (નફલ) નમાજ વધુ ઇબાદત રૂપે પઢવા માંગતો હોય અથવા કોઇ છૂટેલી નમાઝ પઢવા માંગતો હોય તો શરીઅત તરફથી મના કરવામાં આવેલ સમયો ન હોય એની ખાતરી કરી લે.
(૬) નિયત કરવી, એટલે કે નમાજ શરૂ કરતાં પહેલાં એ બાબતનું ધ્યાન ધરવું કે હું અલ્‍લાહના આદેશાનુસાર ફલાણી નમાઝ પઢી રહ્યો છું.

નમાજ઼ોનો સમય

૧. ફ્જર (સવારની નમાજ)
૨. જ઼ોહર (બપોરની નમાજ)
૩. અસર (સાજ ની નમાજ)
૪. મગરીબ (સુર્યાસ્ત પછીની નમાજ)
૫. ઇશા (રાતની નમાજ)