બુવે દ્વિપ

બુવે દ્વિપ (/ˈbuːveɪ/ -vaywen/Bouvetøya [bˈvèːœː̃ɑ]) એક નિર્જન સબ-અન્ટાર્કટિક જ્વાળામુખી ટાપુ છે અને નોર્વેનો આશ્રિત પ્રદેશ છે. આ એક સંરક્ષિત પ્રાકૃતિક ક્ષેત્ર છે. મધ્ય-એટલાન્ટિક પર્વતમાળાના દક્ષિણ છેડે દક્ષિણ એટલાન્ટિક મહાસાગરમાં આવેલો આટાપુ વિશ્વનો સૌથી દૂરસ્થ ટાપુ છે. એન્ટાર્કટિક સર્કલની ઉત્તરે સ્થિત, બુવે ટાપુ એન્ટાર્કટિક સંધિ પ્રણાલી દ્વારા આવરી લેવામાં આવેલા દક્ષિણ પ્રદેશનો ભાગ નથી.

આ ટાપુ એન્ટાર્કટિકાના ક્વીન મૌડ લેન્ડના પ્રિન્સેસ એસ્ટ્રિડ કોસ્ટથી ૧,૭૦૦ કિમી ઉત્તરમાં, દક્ષિણ સેન્ડવિચ ટાપુઓથી ૧,૮૭૦ કિમી (૧,૧૬૦ માઇલ) પૂર્વમાં, ગફ ટાપુથી ૧,૮૭૫ કિમી (૧,૧૪૬ માઇલ) દક્ષિણમાં અને દક્ષિણ આફ્રિકાના દરિયાકાંઠાથી ૨,૫૨૦ કિમી (૧,૫૭૦માઇલ) દક્ષિણ-પશ્ચિમમાં આવેલું છે. તેનો વિસ્તાર ૪૯ ચોરસ કિમી છે, જેમાંથી ૯૩ ટકા ભાગ હિમનદીઓથી ઢંકાયેલો છે. ટાપુનું કેન્દ્ર એક નિષ્ક્રિય જ્વાળામુખીનો બરફથી ભરેલો ખાડો છે. તેના કિનારે થોડા સ્કેરી અને એક નાનો ટાપુ, લાર્સોયા, આવેલા છે. ૧૯૫૦ ના દાયકાના અંતમાં ખડક ધસી પડવાથી બનેલ ન્યોરોયાસા આ ટાપુનું એકમાત્ર સુલભ ઉતરાણ સ્થળ છે અને જેમાં હવામાન મથક પણ છે.

૧૯૨૭ માં, પ્રથમ નોર્વેજીયન અભિયાન આ ટાપુ પર ઉતર્યું, અને તેના પર નોર્વેનો દાવો કર્યો હતો. તે સમયે, આ ટાપુને તેનું વર્તમાન નામ, બુવે આઇલેન્ડ (નોર્વેજીયન ભાષામાં બોવેટોયા) આપવામાં આવ્યું હતું. ૧૯૩૦ માં, યુનાઇટેડ કિંગડમ સાથે માલિકી અંગેના વિવાદના ઉકેલ બાદ, તેને નોર્વેનો આશ્રિત પ્રદેશ જાહેર કરવામાં આવ્યો. ૧૯૭૧ માં, તેને પ્રકૃતિ અભયારણ્ય તરીકે જાહેર કરવામાં આવ્યો.

ભૂગોળ

બોવેટોયા એ દક્ષિણ એટલાન્ટિક મહાસાગરમાં દક્ષિણપશ્ચિમ ભારતીય રીજની બાજુમાં ઢાલ જ્વાળામુખીની ટોચ પર બનેલો એક જ્વાળામુખી ટાપુ છે. આ ટાપુ ૯.૫/૭ કિમીનો વિસ્તાર ધરાવે છે અને ૪૯ ચોરસ કિલોમીટર (૧૯ ચોરસ માઇલ) વિસ્તારને આવરી લે છે, જેમાં ઘણા નાના ખડકો અને સ્કેરી અને એક મોટો ટાપુ, લાર્સોયાનો સમાવેશ થાય છે.

બુવે દ્વિપના પશ્ચિમી ક્ષેત્રનું એક દ્રશ્ય

બુવેટ ટાપુનો નકશો

બુવેટ ટાપુના પશ્ચિમ કિનારે ગ્લેશિયર

એડિનબર્ગ પ્રાણી સંગ્રહાલયમાં એક કિંગ પેંગ્વિનનું નામ બુવેટ ટાપુઓના બેરોન -મેજર જનરલ સર નિલ્સ ઓલાવના નામ પરથી રાખવામાં આવ્યું છે.