બ્રેન્ડન ફ્રેઝર
બ્રેન્ડન ફ્રેઝર | |
|---|---|
 Fraser in October 2024 | |
Brendan Fraser  | |
| જન્મ | ૩ ડિસેમ્બર ૧૯૬૮ ઇન્ડિયાનાપોલિસ |
| અભ્યાસ સંસ્થા |
|
| વ્યવસાય | ફિલ્મ અભિનેતા, voice actor, અભિનેતા, ચલચિત્ર નિર્માતા |
| જીવન સાથી | Afton Smith |
| પુરસ્કારો |
|
| વેબસાઇટ | http://www.brendanfraser.com |
| સહી | |
 | |
બ્રેન્ડન જેમ્સ ફ્રેઝર (જન્મ ૩ ડિસેમ્બર, ૧૯૬૮) એ એક અમેરિકન અને કેનેડિયન અભિનેતા છે. ચાર દાયકાથી વધુ લાંબી કારકિર્દી ધરાવતા ફ્રેઝર ૧૯૯૦ના દાયકાની કોમેડી-ડ્રામા ફિલ્મ જ્યોર્જ ઓફ ધ જંગલ, પ્રખ્યાત હોરર-એક્શન એડવેન્ચર ધ મમી સીરિઝમાં 'રિક ઓ'કોનેલ' અને જર્ની ટુ ધ સેન્ટર ઓફ ધ અર્થ જેવી ફિલ્મોમાં ભજવેલી તેમની યાદગાર ભૂમિકાઓ માટે જાણીતા છે. [૧]
પ્રારંભિક જીવન
[ફેરફાર કરો]બ્રેન્ડન ફ્રેઝરનો જન્મ ૩ ડિસેમ્બર, ૧૯૬૮ના રોજ અમેરિકાના ઇન્ડિયાનાપોલિસ ખાતે કેનેડિયન માતા-પિતા કેરોલ મેરી અને પીટર ફ્રેઝરને ત્યાં થયો હતો. તેઓ ચાર ભાઈઓમાં સૌથી નાના છે. તેમના પિતા કેનેડિયન ફોરેન સર્વિસ ઓફિસર તરીકે કાર્યરત હતા, જ્યારે તેમના મામા જ્યોર્જ જેનરેક્સે ૧૯૫૨ની ઓલિમ્પિકમાં કેનેડા માટે ગોલ્ડ મેડલ જીત્યો હતો. ફ્રેઝર આઇરિશ, સ્કોટિશ, જર્મન, ચેક અને ફ્રેન્ચ-કેનેડિયન મૂળના છે અને તેઓ અમેરિકા તથા કેનેડા બંને દેશોનું બેવડું નાગરિકત્વ ધરાવે છે.
નાનપણમાં તેમનો પરિવાર વારંવાર સ્થળાંતર કરતો હોવાથી તેઓ યુરેકા, સિએટલ, ઓટાવા, નેધરલેન્ડ્સ અને સ્વિટ્ઝર્લેન્ડ જેવા વિવિધ સ્થળોએ ઉછર્યા હતા. તેમણે પ્રારંભિક શિક્ષણ ડેટ્રોઇટ અને બેલેવ્યુની શાળાઓમાં મેળવ્યા બાદ ટોરોન્ટોની અપર કેનેડા કોલેજમાં અભ્યાસ કર્યો હતો.
૧૯૭૦ના દાયકામાં લંડનમાં વેકેશન દરમિયાન વેસ્ટ એન્ડ ખાતે તેમણે પોતાનો પ્રથમ પ્રોફેશનલ થિયેટર શો 'ઓલિવર!' જોયો, જેણે તેમનામાં અભિનય પ્રત્યેનો રસ જગાડ્યો હતો. ત્યારબાદ તેમણે 'ઓકલાહોમા!' નામના હાઇ-સ્કૂલ મ્યુઝિકલ પ્રોડક્શનના કોરસમાં પણ ભાગ લીધો હતો.
ફ્રેઝરે ૧૯૯૦માં સિએટલની 'કોર્નિશ કોલેજ ઓફ ધ આર્ટ્સ'માંથી ગ્રેજ્યુએશન પૂર્ણ કર્યું હતું. ત્યારપછી તેમણે ન્યૂયોર્ક સિટીની એક નાની એક્ટિંગ કોલેજમાં અભિનયની શરૂઆત કરી. તેઓ સધર્ન મેથોડિસ્ટ યુનિવર્સિટીમાંથી 'માસ્ટર ઓફ ફાઇન આર્ટ્સ ઇન એક્ટિંગ'નો અભ્યાસ કરવાનું વિચારી રહ્યા હતા, પરંતુ હોલીવુડની મુલાકાત લીધા બાદ તેમણે અભ્યાસના બદલે ફિલ્મોમાં નસીબ અજમાવવા ત્યાં જ સ્થાયી થવાનો નિર્ણય કર્યો.
અંગત જીવન
[ફેરફાર કરો]૪ જુલાઈ, ૧૯૯૩ના રોજ લોસ એન્જલસ આગમન પછી ટૂંક સમયમાં જ બ્રેન્ડન ફ્રેઝર અભિનેત્રી એફ્ટોન સ્મિથને વિનોના રાઇડરના ઘરે એક કાર્યક્રમ દરમિયાન મળ્યા હતા.[૨] સ્મિથે ફ્રેઝરની ફિલ્મ જ્યોર્જ ઓફ ધ જંગલ માં નાની ભૂમિકા પણ ભજવી હતી. તેમણે ૨૭ સપ્ટેમ્બર, ૧૯૯૮ના રોજ લગ્ન કર્યા અને તેમને ત્રણ પુત્રો છે, [૩]જેમાંથી બે પુત્રો મોડલિંગ ક્ષેત્રે સક્રિય છે.
ડિસેમ્બર ૨૦૦૭માં ફ્રેઝર અને એફ્ટોન સ્મિથે છૂટાછેડા લેવાનો નિર્ણય કર્યો હતો. કોર્ટ દ્વારા ફ્રેઝરને આગામી ૧૦ વર્ષ માટે દર મહિને ૫૦,૦૦૦ ડોલર ભરણપોષણ અને ૨૫,૦૦૦ ડોલર બાળ ઉછેર માટે ચૂકવવાનો આદેશ આપવામાં આવ્યો હતો. ૨૦૧૧માં ફ્રેઝરે આ રકમ ઘટાડવા માટે કોર્ટમાં અપીલ કરી હતી, જ્યારે સ્મિથે તેમના પર કેટલીક આર્થિક સંપત્તિ છુપાવવાનો આક્ષેપ કર્યો હતો. ૨૦૧૪માં કોર્ટે આ બંને અરજીઓ ફગાવી દીધી હતી. જો કે, છૂટાછેડા પછી પણ પોતાના પુત્રોના ઉછેરમાં સક્રિય ભૂમિકા ભજવવા બદલ આ બંને પૂર્વ જીવનસાથીઓની પ્રશંસા કરવામાં આવી હતી.
_(cropped).jpg)
સ્મિથે ત્યારપછી અભિનય છોડીને પુસ્તક લેખન અને રિયલ એસ્ટેટ ક્ષેત્રે કારકિર્દી બનાવી છે. સપ્ટેમ્બર ૨૦૨૨થી ફ્રેઝર મેકઅપ આર્ટિસ્ટ જીનની મૂર સાથે સંબંધમાં છે. આ કપલે ૨૦૨૨ના વેનિસ ફિલ્મ ફેસ્ટિવલમાં પ્રથમ વખત સાથે હાજરી આપી હતી, અને ફ્રેઝરે ૯૫મા એકેડેમી એવોર્ડ્સમાં શ્રેષ્ઠ અભિનેતાનો ઓસ્કાર એવોર્ડ સ્વીકારતી વખતે મૂર પ્રત્યે પોતાનો આભાર વ્યક્ત કર્યો હતો.
ફ્રેઝર ફ્રેન્ચ ભાષા પણ બોલી શકે છે અને તેઓ ફિલ્મએઇડ ઇન્ટરનેશનલના બોર્ડ ઓફ ડિરેક્ટર્સમાં સેવા આપે છે. તેઓ એક કુશળ કલાપ્રેમી ફોટોગ્રાફર છે અને તેમણે પોતાની ફિલ્મો તથા ટેલિવિઝન શોમાં પણ આ ક્ષમતા પ્રદર્શિત કરી છે. આ ઉપરાંત, તેઓ એક કુશળ કલાપ્રેમી તીરંદાજ પણ છે.
સ્વાસ્થ્ય અને શારીરિક સંઘર્ષ
[ફેરફાર કરો]વર્ષ ૨૦૧૮માં ફ્રેઝરે જાહેરમાં ખુલાસો કર્યો હતો કે 'ધ મમી' સીરિઝ અને અન્ય એક્શન-એડવેન્ચર ફિલ્મોમાં સતત જાતે જોખમી સ્ટન્ટ્સ કરવાને કારણે તેમના શરીર પર ભારે નકારાત્મક અસર પડી હતી. આ ફિલ્મોના શૂટિંગ દરમિયાન લાગેલી ગંભીર ઈજાઓના પરિણામે તેમણે લગભગ સાત વર્ષના લાંબા સમયગાળા સુધી હોસ્પિટલમાં વારંવાર દાખલ થવું પડ્યું હતું. આ દરમિયાન તેમણે કરોડરજ્જુની સર્જરી, ઘૂંટણની આંશિક બદલી અને અવાજના તંતુઓની ગંભીર સર્જરીઓ સહિત અનેક ઓપરેશન કરાવવા પડ્યા હતા, જેના કારણે તેઓ લાંબા સમય સુધી ફિલ્મી પડદાથી દૂર રહ્યા હતા.
ફિલિપ બર્ક સામે ઉત્પીડનનો આક્ષેપ અને ગોલ્ડન ગ્લોબ વિવાદ
[ફેરફાર કરો]વર્ષ ૨૦૧૮માં ફ્રેઝરે જાહેરમાં ખુલાસો કર્યો હતો કે વર્ષ ૨૦૦૩માં એક કાર્યક્રમ દરમિયાન હોલીવુડ ફોરેન પ્રેસ એસોસિએશનના તત્કાલીન પ્રમુખ ફિલિપ બર્કે તેમનું શારીરિક ઉત્પીડન કર્યું હતું. ફ્રેઝરના જણાવ્યા અનુસાર, આ ઘટનાને કારણે તેઓ ભારે માનસિક આઘાતમાં સરી પડ્યા હતા અને પોતાની કારકિર્દી પર અસર પડવાના ડરથી તેઓ લાંબો સમય સુધી મૌન રહ્યા હતા. ફિલિપ બર્કે શરૂઆતમાં આ વાતને સંપૂર્ણપણે ખોટી ગણાવી હતી, પરંતુ બાદમાં તેમણે સ્વીકાર્યું હતું કે તેમણે મજાકમાં આવું કર્યું હતું. છૂટાછેડા, સ્વાસ્થ્યની સમસ્યાઓ, માતાનું અવસાન અને આ ગંભીર ઘટનાના આઘાતને કારણે ફ્રેઝર ભારે ડિપ્રેશનનો ભોગ બન્યા હતા, જેના લીધે તેમની કારકિર્દીમાં મોટો વિરામ આવ્યો હતો. આ ઘટના બાદ એવું પણ માનવામાં આવતું હતું કે આ આક્ષેપોને કારણે તેમને હોલીવુડમાં બ્લેકલિસ્ટ કરવામાં આવ્યા હતા અને તેમને કામ મળવાનું બંધ થઈ ગયું હતું.
ત્યારબાદ વર્ષ ૨૦૨૧માં ફિલિપ બર્ક દ્વારા મોકલવામાં આવેલો એક ભડકાવ અને વિવાદાસ્પદ ઈમેલ જાહેરમાં લીક થઈ ગયો હતો. આ ઈમેલ લીક થતાં જ ગોલ્ડન ગ્લોબ એવોર્ડ્સનું આયોજન કરતી સંસ્થા પર ચોમેરથી ભારે ફિટકાર વરસ્યો હતો અને મોટો વિવાદ સર્જાયો હતો. આ દબાણ હેઠળ આવીને સંસ્થાએ તાત્કાલિક ધોરણે ફિલિપ બર્કને સભ્યપદમાંથી હંમેશા માટે હાંકી કાઢ્યા હતા. આ ઘટના પછી સંસ્થાએ હોલીવુડમાં પોતાની ખરાબ થયેલી છબી સુધારવા માટે અને વિવાદ શાંત કરવા માટે બ્રેન્ડન ફ્રેઝરનો સંપર્ક કરીને તેમને ફરીથી એવોર્ડ સમારોહમાં બોલાવવાનો પ્રયાસ કર્યો હતો.
ખાસ કરીને વર્ષ ૨૦૨૩માં જ્યારે ફ્રેઝરને 'ધ વ્હેલ' ફિલ્મ માટે ઓસ્કાર એવોર્ડ મળ્યો અને તેમણે હોલીવુડમાં પાછી પોતાની પ્રતિષ્ઠા મેળવી, ત્યારે ગોલ્ડન ગ્લોબ્સ સંસ્થાએ પોતાના એવોર્ડ શોની ગરિમા અને વિશ્વસનીયતા પાછી મેળવવા માટે ફ્રેઝરને આગામી સમારોહમાં મુખ્ય અતિથિ તરીકે જોડાવા માટે ફરીથી સત્તાવાર આમંત્રણ મોકલ્યું હતું. જો કે, ફ્રેઝરે આ આમંત્રણનો સ્વીકાર કરવાની સ્પષ્ટ મનાઈ કરી દીધી હતી. તેમણે જડબાતોડ જવાબ આપતાં જણાવ્યું હતું કે, તેમની માતાએ તેમને દંભી બનતા નથી શીખવ્યું કે જે સંસ્થાએ ભૂતકાળમાં તેમની સાથે ખોટું કર્યું હોય ત્યાં તેઓ માત્ર પુરસ્કાર લેવા કે શો વધારવા માટે જાય. પોતાના આ જ આત્મસન્માનને કારણે તેમણે ઓસ્કાર વિજય પછી પણ ગોલ્ડન ગ્લોબ્સ સંસ્થાના તમામ સમારોહથી અંતર જાળવી રાખ્યું હતું.
કારકિર્દી
[ફેરફાર કરો]૧૯૯૧–૧૯૯૭: કારકિર્દીની શરૂઆત
[ફેરફાર કરો]વર્ષ ૧૯૯૧માં બ્રેન્ડન ફ્રેઝરે વિયેતનામ યુદ્ધ પર આધારિત ફિલ્મ 'ડોગફાઇટ' માં એક નાવિકની નાની ભૂમિકા ભજવીને હોલીવુડમાં ડેબ્યુ કર્યું હતું. ત્યારબાદ વર્ષ ૧૯૯૨માં આવેલી કોમેડી ફિલ્મ 'એન્સિનો મેન' માં તેમને મુખ્ય અભિનેતા તરીકે પ્રથમ મોટો બ્રેક મળ્યો. આ ફિલ્મમાં તેમણે વર્તમાન સમયમાં જીવતા થઈ ગયેલા એક પ્રાગૈતિહાસિક ગુફામાનવનું પાત્ર ભજવ્યું હતું, જે બોક્સ ઓફિસ પર એક સામાન્ય હિટ ફિલ્મ સાબિત થઈ હતી પણ આજે તે લોકોમાં લોકપ્રિય છે.[૪] તે જ વર્ષે તેમણે ડ્રામા ફિલ્મ 'સ્કૂલ ટાઈઝ' માં કામ કર્યું, જેમાં તેમણે ખાનગી શાળામાં સામાજિક ભેદભાવનો સામનો કરતા એક યહૂદી ક્વાર્ટરબેક ખેલાડીની ગંભીર ભૂમિકા ભજવી હતી અને આ ફિલ્મને બોક્સ ઓફિસ પર સાધારણ સફળતા મળી હતી.
વર્ષ ૧૯૯૪ થી ૧૯૯૭ વચ્ચે તેમણે પોતાની કારકિર્દીને આગળ વધારતા ઘણી ફિલ્મોમાં કામ કર્યું. આ દરમિયાન આવેલી ફિલ્મ 'વિથ ઓનર્સ' અને 'એરહેડ્સ' બોક્સ ઓફિસ પર સાધારણ સફળ રહી હતી, પરંતુ તેનાથી ફ્રેઝરના અભિનયની ભારે પ્રશંસા થઈ હતી. ત્યારબાદ તેમણે 'ધ પેશન ઓફ ડાર્કલી નૂન', 'મિસિસ વિન્ટરબોર્ન' અને 'ધ ટ્વીલાઇટ ઓફ ધ ગોલ્ડ્સ' જેવી ફિલ્મોમાં પણ વિવિધ પાત્રો ભજવ્યા હતા. આ ઉપરાંત તેમણે વર્ષ ૧૯૯૫ની હિટ ફિલ્મ 'નાઉ એન્ડ ધેન' માં એક નાની ભૂમિકા ભજવી હતી અને પોતાની જૂની પ્રખ્યાત ફિલ્મ 'એન્સિનો મેન' ના પાત્રને યાદ કરતા 'સન ઇન લો' અને 'ઇન ધ આર્મી નાઉ' જેવી ફિલ્મોમાં મેહમાન ભૂમિકા (કેમિયો) પણ કરી હતી.
ફિલ્મો ઉપરાંત તેમણે વર્ષ ૧૯૯૫માં ગેફન પ્લેહાઉસ ખાતે યોજાયેલા એક નાટકમાં વિક્ટરનું પાત્ર ભજવીને થિયેટર જગતમાં પણ પોતાના અભિનયની શરૂઆત કરી હતી.
૧૯૯૭–૨૦૦૧: વૈશ્વિક સફળતા
[ફેરફાર કરો]વર્ષ ૧૯૯૭માં આવેલી કોમેડી ફિલ્મ 'જ્યોર્જ ઓફ ધ જંગલ' થી ફ્રેઝરને તેમની કારકિર્દીની પ્રથમ મોટી વ્યાવસાયિક સફળતા મળી. એનિમેટેડ શ્રેણી પર આધારિત આ ફિલ્મે બોક્સ ઓફિસ પર ધમાકેદાર કમાણી કરી અને એક મોટી સુપરહિટ ફિલ્મ સાબિત થઈ. ત્યારબાદ વર્ષ ૧૯૯૮માં આવેલી ડ્રામા ફિલ્મ 'ગોડ્સ એન્ડ મોન્સ્ટર્સ' બોક્સ ઓફિસ પર ફ્લોપ સાબિત થઈ હોવા છતાં, ફ્રેઝરે આ ફિલ્મમાં પોતાના ઉત્કૃષ્ટ પરફોર્મન્સથી સાબિત કર્યું કે તેઓ માત્ર કોમેડી જ નહીં પરંતુ ગંભીર અને જટિલ પાત્રો પણ ખૂબ જ પ્રભાવશાળી રીતે ભજવી શકે છે. આ ફિલ્મમાં એક માળી તરીકેના તેમના અભિનય માટે સમીક્ષકો દ્વારા તેમની ભારે પ્રશંસા કરવામાં આવી હતી.
ફ્રેઝરે પોતાની કારકિર્દીની સૌથી મોટી વ્યાવસાયિક સફળતા ત્યારે મેળવી જ્યારે તેમણે વર્ષ ૧૯૯૯માં આવેલી પ્રખ્યાત હોરર-એક્શન એડવેન્ચર ફિલ્મ 'ધ મમી' માં મુખ્ય સાહસિક પાત્ર 'રિક ઓ'કોનેલ' ની ભૂમિકા ભજવી. આ ફિલ્મ વૈશ્વિક બોક્સ ઓફિસ પર એક જબરદસ્ત મોટી બ્લોકબસ્ટર સાબિત થઈ હતી, જેનાથી હોલીવુડની સૌથી સફળ 'ધ મમી' ફ્રેન્ચાઈઝીની ભવ્ય શરૂઆત થઈ હતી.
આ મોટી સફળતાએ ફ્રેઝરને ૧૯૯૦ના દાયકાના હોલીવુડના સૌથી મોટા અને લોકપ્રિય સુપરસ્ટાર તરીકે સ્થાપિત કરી દીધા.[૫]
આ મોટી સફળતાઓની વચ્ચે, તેમણે 'ડડલી ડુ-રાઇટ' અને 'મંકીબોન' જેવી ફિલ્મોમાં પણ કામ કર્યું હતું, પરંતુ આ ફિલ્મો બોક્સ ઓફિસ પર અસફળ રહી હતી. જો કે, આ સમયગાળા દરમિયાન આવેલી તેમની રોમેન્ટિક કોમેડી ફિલ્મ 'બ્લાસ્ટ ફ્રોમ ધ પાસ્ટ' બોક્સ ઓફિસ પર હિટ રહી હતી અને વર્ષ ૨૦૦૦માં આવેલી કાલ્પનિક કોમેડી ફિલ્મ 'બેડેઝલ્ડ' ને પણ બોક્સ ઓફિસ પર સારી સફળતા મળી હતી. આ સિવાય તેમણે હોલીવુડના મહાન કલાકાર માર્લોન બ્રાન્ડો સાથે એક એનિમેટેડ ફિલ્મ 'બિગ બગ મેન' માટે પોતાનો અવાજ પણ આપ્યો હતો.
૨૦૦૧–૨૦૦૮: વ્યાવસાયિક સફળતા અને વૈવિધ્યપૂર્ણ ભૂમિકાઓ
[ફેરફાર કરો]વર્ષ ૨૦૦૧માં બ્રેન્ડન ફ્રેઝર 'ધ મમી' ફ્રેન્ચાઈઝીના બીજા ભાગ 'ધ મમી રિટર્ન્સ' માં ફરી એકવાર 'રિક ઓ'કોનેલ' તરીકે પાછા ફર્યા હતા. આ ફિલ્મે તેના પહેલા ભાગ કરતાં પણ વધુ ધમાકેદાર કમાણી કરીને વિશ્વભરમાં એક મોટી બ્લોકબસ્ટર ફિલ્મ તરીકે સફળતા મેળવી હતી. આ ફિલ્મ માત્ર વૈશ્વિક સ્તરે જ નહીં, પરંતુ ભારતમાં પણ ખૂબ જ લોકપ્રિય અને મોટી હિટ સાબિત થઈ હતી.
તે જ વર્ષના અંતમાં તેમણે નાટક 'કેટ ઓન અ હોટ ટીન રૂફ' માં કામ કરીને સ્ટેજ પર પોતાના અભિનય માટે ઉત્કૃષ્ટ સમીક્ષાઓ મેળવી હતી. ત્યારબાદ વર્ષ ૨૦૦૨માં તેમણે રાજકીય ડ્રામા ફિલ્મ 'ધ ક્વાઇટ અમેરિકન' માં કામ કર્યું, આ ફિલ્મ બોક્સ ઓફિસ પર ફલોપ્ સાબિત થઈ હતી પણ તેને સમીક્ષકો દ્વારા ખૂબ જ પસંદ કરવામાં આવી હતી. વર્ષ ૨૦૦૩માં તેમણે એનિમેટેડ કોમેડી ફિલ્મ 'લૂની ટ્યુન્સ: બેક ઇન એક્શન' માં મુખ્ય માનવ પાત્ર ભજવવાની સાથે અન્ય પાત્રો માટે પોતાનો અવાજ પણ આપ્યો હતો. વર્ષ ૨૦૦૪માં તેઓ અસંખ્ય કલાકારોથી સજ્જ અને શ્રેષ્ઠ ફિલ્મનો ઓસ્કાર એવોર્ડ જીતનારી ફિલ્મ 'ક્રેશ' માં જોવા મળ્યા હતા, જેમાં તેમણે લોસ એન્જલસના ડિસ્ટ્રિક્ટ એટર્નીની મહત્વની ભૂમિકા ભજવી હતી.
તેમણે ટેલિવિઝન શો 'સ્ક્રબ્સ', 'કિંગ ઓફ ધ હિલ' અને 'ધ સિમ્પસન્સ' માં પણ અતિથિ ભૂમિકાઓ ભજવી હતી. માર્ચ ૨૦૦૬માં તેમને કેનેડાના 'વોક ઓફ ફેમ' માં સામેલ કરવામાં આવ્યા હતા, અને આ સન્માન મેળવનારા તેઓ અમેરિકામાં જન્મેલા પ્રથમ અભિનેતા બન્યા હતા.
આ ફ્રેન્ચાઈઝીમાં છ વર્ષના લાંબા વિરામ બાદ, ઓગસ્ટ ૨૦૦૮માં રિલીઝ થયેલી 'ધ મમી' સીરિઝના ત્રીજા ભાગ 'ધ મમી: ટોમ્બ ઓફ ધ ડ્રેગન એમ્પરર' માં ફ્રેઝર ફરી એકવાર પોતાના મુખ્ય પાત્રમાં પાછા ફર્યા હતા. આ ફિલ્મનું શૂટિંગ મોન્ટ્રીયલ ખાતે થયું હતું અને તેમાં તેમની સાથે મુખ્ય વિલન તરીકે પ્રખ્યાત અભિનેતા જેટ લી પણ જોવા મળ્યા હતા. આ ત્રીજો ભાગ બોક્સ ઓફિસ પર હિટ સાબિત થયો હતો અને તેણે વિશ્વભરમાં સારી કમાણી કરી હતી, પરંતુ તે આ સીરિઝના અગાઉના બંને ભાગો જેટલી મોટી અને ઐતિહાસિક સફળતા મેળવી શક્યો ન હતો.
તે જ વર્ષે તેમણે સાયન્સ-ફિક્શન ફિલ્મ 'જર્ની ટુ ધ સેન્ટર ઓફ ધ અર્થ' માં કામ કર્યું જે બોક્સ ઓફિસ પર એક મોટી હિટ ફિલ્મ સાબિત થઈ હતી. આ સાથે જ તેમણે કાલ્પનિક ફિલ્મ 'ઇંકહાર્ટ' માં પણ મુખ્ય કલાકાર તરીકે અભિનય કર્યો હતો, જે તે સમયે બોક્સ ઓફિસ પર એક મોટી ડિઝાસ્ટર એટલે કે સુપરફ્લોપ સાબિત થઈ હતી, જો કે આજે વર્ષો પછી ઘણા લોકો તેને એક કલ્ટ ફિલ્મ તરીકે ખૂબ પસંદ કરે છે.
૨૦૦૯–૨૦૨૦: કારકિર્દીમાં ઉતાર-ચઢાવ અને ટેલિવિઝન તરફ પ્રયાણ
[ફેરફાર કરો]વર્ષ ૨૦૧૦માં ફ્રેઝરે 'એલિંગ' નામના નાટક દ્વારા બ્રોડવે થિયેટરમાં વાપસી કરી હતી, પરંતુ નબળી સમીક્ષાઓને કારણે આ નાટક માત્ર એક જ અઠવાડિયામાં બંધ થઈ ગયું હતું. તે જ વર્ષે તેમની કોમેડી ફિલ્મ 'ફરી વેન્જન્સ' રિલીઝ થઈ હતી, જે સમીક્ષકો દ્વારા ભારે નકારવામાં આવી હતી અને બોક્સ ઓફિસ પર પણ ફ્લોપ સાબિત થઈ હતી. આ આર્થિક અસફળતા બાદ તેમણે પોતાની મેનેજમેન્ટ એજન્સી પણ બદલી નાખી હતી.
વર્ષ ૨૦૧૦માં તેમણે 'હોલ લોટા સોલ' નામની ફિલ્મમાં કામ કર્યું હતું. ત્યારબાદ વર્ષ ૨૦૧૧માં તેઓ 'ધ લેજન્ડ ઓફ વિલિયમ ટેલ: 3D' ફિલ્મમાં મુખ્ય ભૂમિકા ભજવવાના હતા, પરંતુ તેનું શૂટિંગ વારંવાર પાછળ ઠેલાતું ગયું હતું. આ દરમિયાન ફ્રેઝરે તેમના કરાર મુજબના બાકી વેતન માટે ફિલ્મના પ્રોડ્યુસર સામે કોર્ટમાં કેસ કર્યો હતો, જેના જવાબમાં પ્રોડ્યુસરે પણ તેમના પર વળતો કેસ કર્યો હતો, જેને ફ્રેઝરે દેવું ચૂકવવામાંથી બચવાનો એક નકામો પ્રયાસ ગણાવ્યો હતો. વર્ષ ૨૦૧૩માં તેઓ અસંખ્ય કલાકારોથી સજ્જ ડાર્ક કોમેડી ફિલ્મ 'પોન શોપ ક્રોનિકલ્સ' માં એલ્વિસ પ્રેસ્લીના નકલ કરનાર પાત્ર તરીકે જોવા મળ્યા હતા, પરંતુ આ સમયગાળામાં તેમની મોટાભાગની ફિલ્મો બોક્સ ઓફિસ પર કોઈ ખાસ કમાણી કરી શકી ન હતી.
વર્ષ ૨૦૧૯માં ફ્રેઝરે ભારતીય સિનેમામાં પણ ઝંપલાવ્યું હતું. તેમણે બોલિવૂડની ક્રાઇમ થ્રિલર ફિલ્મ 'લાઇન ઓફ ડિસેન્ટ' માં એક અત્યંત મહત્વપૂર્ણ હથિયારોના ગેરકાયદેસર વેપારી અને છૂપા પોલીસ એજન્ટ 'ચાર્લી' ની મુખ્ય ભૂમિકા ભજવી હતી.[૬] આ ફિલ્મમાં તેમની સાથે બોલિવૂડના દિગ્ગજ વિલન અભિનેતા પ્રેમ ચોપરા, રોનિત રોય અને અભય દેઓલ જેવા જાણીતા કલાકારોએ મુખ્ય ભૂમિકાઓ ભજવી હતી. વાસ્તવમાં, આ પાત્ર માટે શરૂઆતમાં હોલીવુડના પ્રખ્યાત સ્વર્ગસ્થ અભિનેતા રે લિઓટાને પસંદ કરવામાં આવ્યા હતા, પરંતુ તેમના સ્થાને પછીથી બ્રેન્ડન ફ્રેઝરને આ ફિલ્મમાં સામેલ કરવામાં આવ્યા હતા.[૭] આ ફિલ્મમાં પોતાના પાત્રના સંવાદો એકદમ સચોટ રીતે બોલવા માટે ફ્રેઝરે ખાસ કરીને હિન્દી ભાષા બોલવાની ભારે તાલીમ પણ લીધી હતી.
ફ્રેઝરે ત્યારપછી ટેલિવિઝન ડ્રામા શ્રેણી 'ધ અફેર' ની ત્રીજી સીઝનમાં એક જેલ ગાર્ડ ગુન્થરની નકારાત્મક ભૂમિકા ભજવી હતી. વર્ષ ૨૦૧૮માં શરૂ થયેલી શ્રેણી 'ટ્રસ્ટ' માં તેમણે જેમ્સ ફ્લેચર ચેસનું મહત્વનું પાત્ર ભજવ્યું હતું. આ ઉપરાંત તેમણે 'ટાઇટન્સ' શ્રેણીમાં રોબોટમેન તરીકે ઓળખાતા ક્લિફોર્ડ સ્ટીલના પાત્ર માટે પોતાનો અવાજ આપ્યો હતો અને તેની સ્પિન-ઓફ શ્રેણી 'ડૂમ પેટ્રોલ' માં પણ તેમણે આ જ પાત્ર માટે અવાજ આપવાની સાથે-સાથે ભૂતકાળના દ્રશ્યોમાં અભિનય પણ કર્યો હતો.
ફ્રેઝરે ત્યારપછી ટેલિવિઝન ડ્રામા શ્રેણી 'ધ અફેર' ની ત્રીજી સીઝનમાં એક જેલ ગાર્ડ ગુન્થરની નકારાત્મક ભૂમિકા ભજવી હતી. વર્ષ ૨૦૧૮માં શરૂ થયેલી શ્રેણી 'ટ્રસ્ટ' માં તેમણે જેમ્સ ફ્લેચર ચેસનું મહત્વનું પાત્ર ભજવ્યું હતું. આ ઉપરાંત તેમણે 'ટાઇટન્સ' શ્રેણીમાં રોબોટમેન તરીકે ઓળખાતા ક્લિફોર્ડ સ્ટીલના પાત્ર માટે પોતાનો અવાજ આપ્યો હતો અને તેની સાથે જોડાયેલી પેટા-શ્રેણી 'ડૂમ પેટ્રોલ' માં પણ આ જ પાત્ર માટે અવાજ આપવાની સાથે જૂના દ્રશ્યોમાં અભિનય પણ કર્યો હતો.[૮]
કારકિર્દીના લાંબા વિરામ અને સંઘર્ષ પછી હોલીવુડમાં તેમની આ શાનદાર વાપસીને દુનિયાભરના ચાહકો દ્વારા પ્રેમથી 'બ્રેનેસાંસ' નામ આપવામાં આવ્યું હતું. એક પ્રખ્યાત ટેલિવિઝન કાર્યક્રમ દરમિયાન ફ્રેઝરે પોતે ચાહકો દ્વારા આપવામાં આવેલા આ ખાસ નામનો સ્વીકાર કર્યો હતો અને તેમના પ્રત્યે આભાર પણ વ્યક્ત કર્યો હતો.
૨૦૨૦–વર્તમાન: ઐતિહાસિક વાપસી અને ઓસ્કાર વિજય
[ફેરફાર કરો]સપ્ટેમ્બર ૨૦૨૦માં ફ્રેઝરને સ્ટીવન સોડરબર્ગની ક્રાઇમ ફિલ્મ 'નો સડન મૂવ' માં ગેંગસ્ટર ડગ જોન્સની ભૂમિકા માટે પસંદ કરવામાં આવ્યા હતા, અને આ રોલ તેમણે વર્ષ ૨૦૨૧માં ખૂબ જ અદ્ભુત રીતે ભજવ્યો હતો. આ ફિલ્મ કોરોના મહામારીના સમયગાળા દરમિયાન થિયેટરોને બદલે સીધી જ ડિજિટલ પ્લેટફોર્મ પર રિલીઝ કરવામાં આવી હતી, જ્યાં તેને દર્શકો તરફથી ખૂબ જ સારો પ્રતિસાદ મળ્યો હતો અને સમીક્ષકો દ્વારા પણ આ ફિલ્મને ભારે પ્રશંસા સાથે સફળ જાહેર કરવામાં આવી હતી. વર્ષ ૨૦૨૨માં આવેલી ડેરેન એરોનોફસ્કીની સાયકોલોજિકલ ડ્રામા ફિલ્મ 'ધ વ્હેલ' માં તેમણે ચાર્લી નામના ખૂબ જ વધારે વજન ધરાવતા અંગ્રેજી શિક્ષકની હૃદયસ્પર્શી ભૂમિકા ભજવી હતી.
દિગ્દર્શક એરોનોફસ્કીએ જણાવ્યું હતું કે તેઓ આ ફિલ્મની મુખ્ય ભૂમિકા માટે એક દાયકાથી યોગ્ય કલાકારની શોધ કરી રહ્યા હતા. તેમણે ફ્રેઝરને એક નાના બજેટની બ્રાઝિલિયન ફિલ્મના ટ્રેલરમાં જોયા પછી જ આ રોલ માટે પસંદ કરવાનો નિર્ણય કર્યો હતો. દિગ્દર્શકના જણાવ્યા અનુસાર, ફ્રેઝરના ચહેરાના હાવભાવ જોઈને તેમને તરત જ અહેસાસ થઈ ગયો હતો કે આ મુશ્કેલ પાત્ર માત્ર બ્રેન્ડન ફ્રેઝર જ અદ્ભુત રીતે ભજવી શકે છે.
સપ્ટેમ્બર ૨૦૨૨માં વેનિસ આંતરરાષ્ટ્રીય ફિલ્મ મહોત્સવમાં આ ફિલ્મનું પ્રથમ પ્રદર્શન કરવામાં આવ્યું હતું. ફ્રેઝરે આ રોલની તૈયારી માટે જાહેરમાં જણાવ્યું હતું કે તેમણે સ્થૂળતા સામે કામ કરતી એક સંસ્થાની મદદ લીધી હતી અને આ બીમારીથી પીડાતા લગભગ ૮ થી ૧૦ લોકો સાથે ઇન્ટરનેટ પર વિડીયો કોલ દ્વારા લાંબી વાતચીત કરીને તેમના વાસ્તવિક દર્દ અને વાર્તાઓને સમજવાનો પ્રયાસ કર્યો હતો. ફિલ્મ મહોત્સવમાં ફ્રેઝરના આ અદ્ભુત અભિનયને જોઈને ત્યાં હાજર તમામ લોકો ભાવુક થઈ ગયા હતા અને ફિલ્મના અંતે સભાખંડમાં હાજર લોકોએ સતત ૬ મિનિટ સુધી ઉભા થઈને તાળીઓ વગાડીને તેમને ભવ્ય સન્માન આપ્યું હતું.[૯]
આ ફિલ્મ માત્ર ૩ મિલિયન ડોલરના અત્યંત મર્યાદિત બજેટમાં બનાવવામાં આવી હતી. પરંતુ, ફિલ્મ રિલીઝ થતાં જ ફ્રેઝરના ઉત્કૃષ્ટ અભિનયે સમગ્ર વિશ્વના સિનેમા પ્રેમીઓને રડાવી દીધા હતા. સાવ નાના બજેટમાં બનેલી આ ફિલ્મે વિશ્વભરમાં ૫૭ મિલિયન ડોલરથી વધુની ધમાકેદાર કમાણી કરીને બોક્સ ઓફિસ પર એક મોટી બ્લોકબસ્ટર ફિલ્મ તરીકે અસાધારણ સફળતા મેળવી. આ અદ્ભુત અભિનય માટે વર્ષ ૨૦૨૩માં ફ્રેઝરને વિશ્વનો સૌથી પ્રતિષ્ઠિત પુરસ્કાર એટલે કે 'શ્રેષ્ઠ અભિનેતાનો ઓસ્કાર એવોર્ડ' એનાયત કરવામાં આવ્યો[૧૦], જેને હોલીવુડના ઇતિહાસનું સૌથી મોટું અને ભાવુક પુનરાગમન માનવામાં આવે છે, ફ્રેઝર ઓસ્કર જીત મેળવનાર પ્રથમ કેનેડિયન બન્યા હતા.
ત્યારબાદ ફ્રેઝરે મહાન દિગ્દર્શક માર્ટિન સ્કોર્સેસીની પ્રખ્યાત ફિલ્મ 'કિલર્સ ઓફ ધ ફ્લાવર મૂન' માં વકીલ હેમિલ્ટનની એક નાની પરંતુ પ્રભાવશાળી ભૂમિકા ભજવી હતી. આ ફિલ્મ બોક્સ ઓફિસ પર ફ્લોપ સાબિત થઈ હોવા છતાં, તેમાં ફ્રેઝરે ભજવેલા વકીલના રોલ અને તેમના જોરદાર અભિનયના ઘણા વખાણ થયા હતા. આ સાથે જ તેમણે એમેઝોન પ્રાઇમ વિડિયો પર સીધી રિલીઝ થયેલી એક્શન-કોમેડી ફિલ્મ 'બ્રધર્સ' માં પણ કામ કર્યું હતું, જેમાં તેમણે એક ભ્રષ્ટ પોલીસ ઓફિસર તરીકે કોમેડી વિલનની અદ્ભુત ભૂમિકા ભજવી હતી.
ઓક્ટોબર ૨૦૨૧માં સુપરહીરો ફિલ્મ 'બેટગર્લ' માં તેમને મુખ્ય વિલન ફાયરફ્લાયની ભૂમિકા માટે પસંદ કરવામાં આવ્યા હતા, પરંતુ પ્રોડક્શન હાઉસની આંતરિક નીતિઓ બદલાવાને કારણે વર્ષ ૨૦૨૨માં આ આખી ફિલ્મ રિલીઝ કરવાનું રદ કરવામાં આવ્યું હતું. વર્ષ ૨૦૨૩ના અંતમાં તેમણે એક પ્રખ્યાત ઓડિયો ડ્રામા પુસ્તક માટે પોતાનો અવાજ આપ્યો હતો અને ડિઝની વર્લ્ડના એક ખાસ કાર્યક્રમમાં મુખ્ય વક્તા તરીકે પણ હાજરી આપી હતી.
વર્ષ ૨૦૨૫માં ફ્રેઝરે જાપાનીઝ ડાયરેક્ટર હિકારીની કોમેડી ડ્રામા ફિલ્મ રેન્ટલ ફેમિલીમાં સંઘર્ષ કરી રહેલા અભિનેતા ફિલિપ વેન્ડરપ્લોઇગ નો રોલ કર્યો હતો. આ ફિલ્મ બોક્સ ઓફિસ પર સારી ન ચાલી પણ ફ્રેઝરના ઘણા વખાણ કરવામા આવ્યા હતા. ફિલ્મમાં ફિલિપ તરીકે તેમનો અભિનય ખૂબ જ સારો અને નોંધનીય હતો.[૧૧]
વર્ષ ૨૦૨૬માં તેમની કારકિર્દીનો વધુ એક મોટો વળાંક આવ્યો, જ્યારે મે ૨૦૨૬માં બીજા વિશ્વયુદ્ધ પર આધારિત તેમની ઐતિહાસિક થ્રિલર ફિલ્મ પ્રેશર રિલીઝ થઈ. આ ફિલ્મમાં તેમણે અમેરિકન જનરલ ડ્વાઇટ ડી. આઇઝનહાવરનું મુખ્ય પાત્ર ખૂબ જ અદ્ભુત રીતે ભજવ્યું છે.
વર્ષ ૨૦૨૬માં તેમની કારકિર્દીનો વધુ એક મોટો વળાંક આવ્યો, જ્યારે મે ૨૦૨૬માં બીજા વિશ્વયુદ્ધ પર આધારિત તેમની ઐતિહાસિક થ્રિલર ફિલ્મ 'પ્રેશર' રિલીઝ થઈ. આ ફિલ્મમાં તેમણે અમેરિકન જનરલ ડ્વાઇટ ડી. આઇઝનહાવરનું મુખ્ય પાત્ર ખૂબ જ અદ્ભુત રીતે ભજવ્યું છે. [૧૨]
તેમજ વર્ષ ૨૦૨૬ના અંતમાં અથવા ૨૦૨૭ની શરૂઆતમાં ફ્રેઝર ઓસ્કાર વિજેતા દિગ્દર્શક બેરી લેવિન્સનની આગામી મિસ્ટ્રી થ્રિલર ફિલ્મ 'એસેસિનેશન' માં પણ જોવા મળશે. અમેરિકન પ્રમુખ જ્હોન એફ. કેનેડીની હત્યાના કાવતરા પર આધારિત આ ફિલ્મમાં ફ્રેઝરની સાથે હોલીવુડના મહાન અભિનેતા અલ પચિનો, જેસિકા ચેસ્ટેન, બ્રાયન ક્રેન્સ્ટન અને જેરેડ લેટો પણ મહત્વના પાત્રો ભજવતા જોવા મળશે[૧૩]
આ ઉપરાંત, ૨૦૨૫ માં સત્તાવાર જાહેરાત મુજબ ફ્રેઝર ફરી એકવાર 'ધ મમી' સીરિઝની ચોથી ફિલ્મમાં પોતાના સૌથી પ્રખ્યાત પાત્ર 'રિક ઓ'કોનેલ' તરીકે ધમાકેદાર વાપસી કરવા જઈ રહ્યા છે. આ ફિલ્મ ૧૫ ઓક્ટોબર, ૨૦૨૭ના રોજ સિનેમાઘરોમાં રિલીઝ થવાની છે, જેમાં તેમની સાથે 'ધ મમી' અને 'ધ મમી રીટર્ન્સ' ની મુખ્ય અભિનેત્રી રચેલ વેઇઝ પણ ફરી એકવાર ઇવેલિનના રોલમાં જોવા મળશે અને આ જોડી વર્ષો પછી ફરીથી સ્ક્રીન શેર કરશે.[૧૪]
ફિલ્મોગ્રાફી
[ફેરફાર કરો]બ્રેન્ડન ફ્રેઝરની ફિલ્મોગ્રાફી પણ જુઓ.
| વર્ષ | ફિલ્મ | યોગદાન | ભૂમિકા | નોંધ | |||
|---|---|---|---|---|---|---|---|
| નિર્દેશક | નિર્માતા | લેખક | અભિનેતા | ||||
| ૧૯૯૧ | ડોગફાઇટ | હા | નાવિક નં. ૧ | પ્રથમ ફિલ્મ | |||
| ૧૯૯૨ | એન્સિનો મેન | હા | લિંક | મુખ્ય ભૂમિકા | |||
| સ્કૂલ ટાઇઝ | હા | ડેવિડ ગ્રીન | મુખ્ય ભૂમિકા | ||||
| ૧૯૯૩ | ટ્વેન્ટી બક્સ | હા | સેમ માસ્ટ્રેવ્સ્કી | સહાયક ભૂમિકા | |||
| સન ઇન લૉ | હા | લિંક | અણઘડ મહેમાન ભૂમિકા | ||||
| યંગર એન્ડ યંગર | હા | વિન્સ્ટન યંગર | મુખ્ય ભૂમિકા | ||||
| ૧૯૯૪ | વિથ ઓનર્સ | હા | મોન્ટી કેસલર | મુખ્ય ભૂમિકા | |||
| એરહેડ્સ | હા | ચેસ્ટર "ચેઝ" ડાર્બી ઓગિલ્વી | મુખ્ય ભૂમિકા | ||||
| ઇન ધ આર્મી નાઉ | હા | લિંક | અણઘડ મહેમાન ભૂમિકા | ||||
| ધ સ્કાઉટ | હા | સ્ટીવ નેબ્રાસ્કા | મુખ્ય ભૂમિકા | ||||
| ૧૯૯૫ | ધ પેશન ઓફ ડાર્કલી નૂન | હા | ડાર્કલી નૂન | મુખ્ય ભૂમિકા | |||
| નાઉ એન્ડ ધેન | હા | વિયેતનામ વેટરન | અણઘડ મહેમાન ભૂમિકા | ||||
| ૧૯૯૬ | કિડ્સ ઇન ધ હોલ: બ્રેઇન કેન્ડી | હા | પ્લેસેબો પેશન્ટ | સહાયક ભૂમિકા | |||
| મિસિસ વિન્ટરબોર્ન | હા | બિલ વિન્ટરબોર્ન / હ્યુ વિન્ટરબોર્ન | મુખ્ય ભૂમિકા | ||||
| ગ્લોરી ડેઝ | હા | ડગ | મહેમાન ભૂમિકા | ||||
| ૧૯૯૭ | ધ ટ્વાઇલાઇટ ઓફ ધ ગોલ્ડ્સ | હા | ડેવિડ ગોલ્ડ | મુખ્ય ભૂમિકા | |||
| જ્યોર્જ ઓફ ધ જંગલ | હા | જ્યોર્જ | મુખ્ય ભૂમિકા | ||||
| ૧૯૯૮ | સ્ટિલ બ્રેથિંગ | હા | ફ્લેચર મેકબ્રેકન | મુખ્ય ભૂમિકા | |||
| ગોડ્સ એન્ડ મોનસ્ટર્સ | હા | ક્લેટન બૂન | મુખ્ય ભૂમિકા | ||||
| ૧૯૯૯ | બ્લાસ્ટ ફ્રોમ ધ પાસ્ટ | હા | એડમ વેબર | મુખ્ય ભૂમિકા | |||
| ધ મમી | હા | રિક ઓ'કોનેલ | મુખ્ય ભૂમિકા | ||||
| ડડલી ડુ-રાઇટ | હા | ડડલી ડુ-રાઇટ | મુખ્ય ભૂમિકા | ||||
| ૨૦૦૦ | બેડાઝલ્ડ | હા | એલિયટ રિચાર્ડ્સ | મુખ્ય ભૂમિકા | |||
| ૨૦૦૧ | મંકીબોન | હા | સ્ટુઅર્ટ "સ્ટુ" માઇલી / સ્ટેનલી | મુખ્ય ભૂમિકા | |||
| ધ મમી રિટર્ન્સ | હા | રિક ઓ'કોનેલ | મુખ્ય ભૂમિકા | ||||
| ૨૦૦૨ | ધ ક્વાયેટ અમેરિકન | હા | એલ્ડન પાઇલ | મુખ્ય ભૂમિકા | |||
| ૨૦૦૩ | ડિકી રોબર્ટ્સ: ફોર્મર ચાઇલ્ડ સ્ટાર | હા | પોતે | મહેમાન ભૂમિકા | |||
| લૂની ટ્યુન્સ: બેક ઇન એક્શન | હા | ડી.જે. ડ્રેક / પોતે | મુખ્ય ભૂમિકા અને અવાજની ભૂમિકા | ||||
| ૨૦૦૪ | ક્રેશ | હા | રિક કેબોટ | મુખ્ય ભૂમિકા | |||
| ૨૦૦૬ | જર્ની ટુ ધ એન્ડ ઓફ ધ નાઇટ | હા | પોલ | મુખ્ય ભૂમિકા | |||
| ધ લાસ્ટ ટાઇમ | હા | હા | જેમી બશન્ટ | મુખ્ય ભૂમિકા | |||
| ૨૦૦૭ | ધ એર આઇ બ્રેથ | હા | પ્લેઝર | મુખ્ય ભૂમિકા | |||
| ૨૦૦૮ | જર્ની ટુ ધ સેન્ટર ઓફ ધ અર્થ | હા | હા | પ્રોફેસર ટ્રેવર એન્ડરસન | મુખ્ય ભૂમિકા | ||
| ધ મમી: ટોમ્બ ઓફ ધ ડ્રેગન એમ્પરર | હા | રિક ઓ'કોનેલ | મુખ્ય ભૂમિકા | ||||
| ઇન્કહાર્ટ | હા | મોર્ટિમર ફોલચાર્ટ | મુખ્ય ભૂમિકા | ||||
| ૨૦૦૯ | જી.આઈ. જો: ધ રાઇઝ ઓફ કોબ્રા | હા | સાર્જન્ટ જ્યોફ્રી સ્ટોન IV | અણઘડ મહેમાન ભૂમિકા | |||
| ૨૦૧૦ | એક્સ્ટ્રાઓર્ડિનરી મેઝર્સ | હા | જ્હોન ક્રોલી | મુખ્ય ભૂમિકા | |||
| ફ્યુરી વેન્જન્સ | હા | હા | ડેન સેન્ડર્સ | મુખ્ય ભૂમિકા | |||
| ૨૦૧૨ | હોલ લોટા સોલ | હા | જો મેગ્વાયર | મુખ્ય ભૂમિકા | |||
| ૨૦૧૩ | એસ્કેપ ફ્રોમ પ્લેનેટ અર્થ | હા | સ્કોર્ચ સુપરનોવા | અવાજની ભૂમિકા | |||
| અ કેસ ઑફ યુ | હા | ટોની | સહાયક ભૂમિકા | ||||
| હેર બ્રેઇન્ડ | હા | લિયો સર્લી | સહાયક ભૂમિકા | ||||
| પોન શોપ ક્રોનિકલ્સ | હા | રિકી બાલ્ડોસ્કી | મુખ્ય ભૂમિકા | ||||
| બ્રેકઆઉટ | હા | હા | જેક ડેમસન | મુખ્ય ભૂમિકા | |||
| ગિમ્મી શેલ્ટર | હા | ટોમ ફિટ્ઝપેટ્રિક | સહાયક ભૂમિકા | ||||
| ૨૦૧૪ | ધ નટ જોબ | હા | ગ્રેસન | અવાજની ભૂમિકા | |||
| ૨૦૧૯ | ધ પોઇઝન રોઝ | હા | માઇલ્સ મિચેલ | સહાયક ભૂમિકા | |||
| લાઇન ઓફ ડીસેન્ટ | હા | ચાર્લી "ચારુ" જોલપિન | મુખ્ય ભૂમિકા | ||||
| ૨૦૨૦ | ધ સિક્રેટ ઓફ કર્મા | હા | એનિમસ / રોનાય | મુખ્ય ભૂમિકા | |||
| ૨૦૨૧ | નો સડન મૂવ | હા | ડગ જોન્સ | સહાયક ભૂમિકા | |||
| ૨૦૨૨ | ડાયમેન્શન્સ | હા | એનિમસ / રોનાય | વૈકલ્પિક સંસ્કરણ | |||
| બેટગર્લ | હા | ટેડ કાર્સન / ફાયરફ્લાય | રિલીઝ ન થયેલી ફિલ્મ | ||||
| ધ વ્હેલ | હા | ચાર્લી | મુખ્ય અભિનેતા માટે ઓસ્કાર વિજય | ||||
| ૨૦૨૩ | કિલર્સ ઓફ ધ ફ્લાવર મૂન | હા | ડબ્લ્યુ. એસ. હેમિલ્ટન | સહાયક ભૂમિકા | |||
| ૨૦૨૪ | બ્રધર્સ | હા | જિમી ફારફુલ | સહાયક ભૂમિકા | |||
| ૨૦૨૫ | સી લાયન્સ ઓફ ધ ગાલાપાગોસ | હા | વર્ણનકર્તા | ડોક્યુમેન્ટરી ફિલ્મ | |||
| રેન્ટલ ફેમિલી | હા | ફિલિપ વેન્ડરપ્લોઇગ | |||||
| ૨૦૨૬ | પ્રેશર | હા | ડ્વાઇટ ડી. આઇઝનહોવર | ||||
| ડાયમન્ડ | હા | 'ડેની બોય' મેકવિકાર | |||||
પુરસ્કારો
[ફેરફાર કરો]એકેડમી (ઓસ્કર) એવોર્ડ્સ
[ફેરફાર કરો]| વર્ષ | કેટેગરી | નામાંકિત કૃતિ | પરિણામ | સંદર્ભ |
|---|---|---|---|---|
| ૨૦૨૨ | બેસ્ટ એક્ટર | ધ વ્હેલ | વિજેતા | |
બાફ્ટા એવોર્ડ્સ
[ફેરફાર કરો]| વર્ષ | કેટેગરી | નામાંકિત કૃતિ | પરિણામ | સંદર્ભ |
|---|---|---|---|---|
| ૨૦૨૨ | બેસ્ટ એક્ટર ઇન અ લીડિંગ રોલ | ધ વ્હેલ | નામાંકિત | |
ક્રિટિક્સ ચોઇસ એવોર્ડ્સ
[ફેરફાર કરો]| વર્ષ | કેટેગરી | નામાંકિત કૃતિ | પરિણામ | સંદર્ભ |
|---|---|---|---|---|
| ક્રિટિક્સ ચોઇસ મૂવી એવોર્ડ્સ | ||||
| ૨૦૦૫ | બેસ્ટ કાસ્ટ | ક્રેશ | વિજેતા | |
| ૨૦૨૨ | બેસ્ટ એક્ટર | ધ વ્હેલ | વિજેતા | |
| ક્રિટિક્સ ચોઇસ સુપર એવોર્ડ્સ | ||||
| ૨૦૨૨ | બેસ્ટ એક્ટર ઇન અ સુપરહીરો સિરીઝ | ડૂમ પેટ્રોલ | નામાંકિત | |
| ૨૦૨૩ | બેસ્ટ એક્ટર ઇન અ સુપરહીરો સિરીઝ | ડૂમ પેટ્રોલ | નામાંકિત | |
ગોલ્ડન ગ્લોબ એવોર્ડ્સ
[ફેરફાર કરો]| વર્ષ | કેટેગરી | નામાંકિત કૃતિ | પરિણામ | સંદર્ભ |
|---|---|---|---|---|
| ૨૦૨૨ | બેસ્ટ એક્ટર – મોશન પિક્ચર – ડ્રામા | ધ વ્હેલ | નામાંકિત | |
સ્ક્રીન એક્ટર્સ ગિલ્ડ એવોર્ડ્સ
[ફેરફાર કરો]| વર્ષ | કેટેગરી | નામાંકિત કૃતિ | પરિણામ | સંદર્ભ |
|---|---|---|---|---|
| ૨૦૦૫ | આઉટસ્ટેન્ડિંગ કાસ્ટ ઇન અ મોશન પિક્ચર | ક્રેશ | વિજેતા | |
| ૨૦૨૨ | આઉટસ્ટેન્ડિંગ એક્ટર ઇન અ લીડિંગ રોલ | ધ વ્હેલ | વિજેતા | |
| ૨૦૨૪ | આઉટસ્ટેન્ડિંગ કાસ્ટ ઇન અ મોશન પિક્ચર | કિલર્સ ઓફ ધ ફ્લાવર મૂન | નામાંકિત | |
અન્ય એવોર્ડ્સ
[ફેરફાર કરો]| વર્ષ | એસોશિએશન | કેટેગરી | કૃતિ | પરિણામ | સંદર્ભ |
|---|---|---|---|---|---|
| ૧૯૯૩ | શિકાગો ફિલ્મ ક્રિટિક્સ એસોસિએશન | મોસ્ટ પ્રોમિસિંગ એક્ટર | એન્સિનો મેન | વિજેતા | [૧૫] |
| ૧૯૯૭ | સિએટલ ઇન્ટરનેશનલ ફિલ્મ ફેસ્ટિવલ | બેસ્ટ એક્ટર | સ્ટિલ બ્રિધિંગ | વિજેતા | |
| ૧૯૯૮ | બ્લોકબસ્ટર એન્ટરટેઇનમેન્ટ એવોર્ડ્સ | ફેવરિટ એક્ટર/એક્ટ્રેસ – ફેમિલી | જ્યોર્જ ઓફ ધ જંગલ | નામાંકિત | |
| ૧૯૯૯ | ક્લોટ્રુડિસ સોસાયટી ફોર ઇન્ડિપેન્ડન્ટ ફિલ્મ | બેસ્ટ સપોર્ટિંગ એક્ટર | ગોડ્સ એન્ડ મોન્સ્ટર્સ | નામાંકિત | |
| ૨૦૦૦ | સેટર્ન એવોર્ડ | બેસ્ટ એક્ટર | ધ મમી | નામાંકિત | |
| બ્લોકબસ્ટર એન્ટરટેઇનમેન્ટ એવોર્ડ | ફેવરિટ એક્ટર – એક્શન | નામાંકિત | |||
| ૨૦૦૧ | ટીન ચોઇસ એવોર્ડ્સ | ફિલ્મ – ચોઇસ એક્ટર | ધ મમી રિટર્ન્સ | નામાંકિત | |
| ૨૦૦૨ | કિડ્સ ચોઇસ એવોર્ડ્સ | ફેવરિટ મૂવી એક્ટર | નામાંકિત | ||
| ઓનલાઇન ફિલ્મ એન્ડ ટેલિવિઝન એસોસિએશન | બેસ્ટ ગેસ્ટ એક્ટર ઇન અ કોમેડી સિરીઝ | સ્ક્રબ્સ | નામાંકિત | ||
| ૨૦૦૪ | ઓનલાઇન ફિલ્મ એન્ડ ટેલિવિઝન એસોસિએશન | બેસ્ટ ગેસ્ટ એક્ટર ઇન અ કોમેડી સિરીઝ | સ્ક્રબ્સ | વિજેતા | |
| ૨૦૦૫ | ગોથમ ઇન્ડિપેન્ડન્ટ ફિલ્મ એવોર્ડ્સ | બેસ્ટ એન્સેમ્બલ કાસ્ટ | ક્રેશ | નામાંકિત | |
| હોલીવુડ ફિલ્મ ફેસ્ટિવલ એવોર્ડ | એન્સેમ્બલ ઓફ ધ યર | વિજેતા | |||
| ૨૦૦૮ | નેશનલ મૂવી એવોર્ડ્સ | બેસ્ટ મેલ પર્ફોર્મન્સ | ધ મમી: ટોમ્બ ઓફ ધ ડ્રેગન એમ્પરર | નામાંકિત | |
| શોશ્ટ એવોર્ડ | ફિલ્મમાં ડિસિંગ્વિશ્ડ ડિકેડ ઓફ અચીવમેન્ટ એવોર્ડ | — | વિજેતા | ||
| ૨૦૦૯ | આઈજીએન સમર મૂવી એવોર્ડ્સ | ફેવરિટ કેમિયો | જી.આઈ. જો: ધ રાઇઝ ઓફ કોબ્રા | નામાંકિત | |
| ૨૦૨૨ | બ્લેક ફિલ્મ ક્રિટિક્સ સર્કલ એવોર્ડ્સ | બેસ્ટ એક્ટર | ધ વ્હેલ | વિજેતા | [૧૬] |
| કેપ્રિ હોલીવુડ ઇન્ટરનેશનલ ફિલ્મ ફેસ્ટિવલ | વિજેતા | ||||
| લાસ વેગાસ ફિલ્મ ક્રિટિક્સ સોસાયટી | વિજેતા | ||||
| નેવાડા ફિલ્મ ક્રિટિક્સ સોસાયટી | વિજેતા | ||||
| ન્યૂ મેક્સિકો ફિલ્મ ક્રિટિક્સ એવોર્ડ્સ | વિજેતા | ||||
| નોર્થ ટેક્સાસ ફિલ્મ ક્રિટિક્સ એસોસિએશન | વિજેતા | ||||
| ફિલાડેલ્ફિયા ફિલ્મ ક્રિટિક્સ સર્કલ | વિજેતા | ||||
| ફોનિક્સ ક્રિટિક્સ સર્કલ | વિજેતા | ||||
| ફોનિક્સ ફિલ્મ ક્રિટિક્સ સોસાયટી | વિજેતા | ||||
| સેન્ટ લૂઇસ ગેટવે ફિલ્મ ક્રિટિક્સ એસોસિએશન | વિજેતા | ||||
| TIFF ટ્રિબ્યુટ એવોર્ડ્સ | એક્ટર એવોર્ડ | વિજેતા | |||
| વુમન ફિલ્મ ક્રિટિક્સ સર્કલ | બેસ્ટ એક્ટર | વિજેતા | |||
| ડલાસ–ફોર્ટ વર્થ ફિલ્મ ક્રિટિક્સ એસોસિએશન | રનર-અપ | ||||
| ફ્લોરિડા ફિલ્મ ક્રિટિક્સ સર્કલ | બેસ્ટ એક્ટર | રનર-અપ | |||
| સનસેટ સર્કલ એવોર્ડ્સ | બેસ્ટ એક્ટર | નામાંકિત | |||
| શિકાગો ફિલ્મ ક્રિટિક્સ એસોસિએશન | નામાંકિત | ||||
| ગોથમ ઇન્ડિપેન્ડન્ટ ફિલ્મ એવોર્ડ્સ | આઉટસ્ટેન્ડિંગ લીડ પર્ફોર્મન્સ | નામાંકિત | |||
| ગ્રેટર વેસ્ટર્ન ન્યૂ યોર્ક ફિલ્મ ક્રિટિક્સ એસોસિએશન | બેસ્ટ એક્ટર | નામાંકિત | |||
| ઇન્ડિયાના ફિલ્મ જર્નાલિસ્ટ્સ એસોસિએશન | બેસ્ટ લીડ પર્ફોર્મન્સ | નામાંકિત | |||
| નોર્થ કેરોલિના ફિલ્મ ક્રિટિક્સ એસોસિએશન | બેસ્ટ એક્ટર | નામાંકિત | |||
| ઓનલાઇન ફિલ્મ ક્રિટિક્સ સોસાયટી | બેસ્ટ એક્ટર | નામાંકિત | |||
| પોર્ટલેન્ડ ક્રિટિક્સ એસોસિએશન | બેસ્ટ એક્ટર | નામાંકિત | |||
| સાન ડિએગો ફિલ્મ ક્રિટિક્સ સોસાયટી | બેસ્ટ એક્ટર | નામાંકિત | |||
| સાન ફ્રાન્સિસ્કો બે એરિયા ફિલ્મ ક્રિટિક્સ સર્કલ | બેસ્ટ એક્ટર | નામાંકિત | |||
| સિએટલ ફિલ્મ ક્રિટિક્સ સોસાયટી | બેસ્ટ એક્ટર | નામાંકિત | |||
| ૨૦૨૩ | સેટેલાઇટ એવોર્ડ્સ | બેસ્ટ એક્ટર – મોશન પિક્ચર | વિજેતા | [૧૭] | |
| AARP મૂવીઝ ફોર ગ્રોનઅપ્સ એવોર્ડ | બેસ્ટ એક્ટર | વિજેતા | |||
| સેન્ટ્રલ ફ્લોરિડા ક્રિટિક્સ એસોસિએશન | વિજેતા | ||||
| ડિસ્કસિંગફિલ્મ ક્રિટિક એવોર્ડ્સ | વિજેતા | ||||
| હવાઈ ફિલ્મ ક્રિટિક્સ સોસાયટી | વિજેતા | ||||
| હોલીવુડ ક્રિટિક્સ એસોસિએશન | વિજેતા | ||||
| મ્યુઝિક સિટી ફિલ્મ ક્રિટિક્સ એસોસિએશન | વિજેતા | ||||
| નોર્થ ડકોટા ફિલ્મ સોસાયટી | વિજેતા | ||||
| ઓક્લાહોમા ફિલ્મ ક્રિટિક્સ સર્કલ | વિજેતા | ||||
| પામ સ્પ્રિંગ્સ ઇન્ટરનેશનલ ફિલ્મ ફેસ્ટિવલ | સ્પોટલાઇટ એવોર્ડ | વિજેતા | |||
| સાન્ટા બાર્બરા ઇન્ટરનેશનલ ફિલ્મ ફેસ્ટિવલ | અમેરિકન રિવેરા એવોર્ડ | વિજેતા | |||
| કોલંબસ ફિલ્મ ક્રિટિક્સ એસોસિએશન | બેસ્ટ લીડ પર્ફોર્મન્સ | રનર-અપ | |||
| જ્યોર્જિયા ફિલ્મ ક્રિટિક્સ એસોસિએશન | બેસ્ટ એક્ટર | રનર-અપ | |||
| આયોવા ફિલ્મ ક્રિટિક્સ એસોસિએશન | રનર-અપ | ||||
| કેન્સાસ સિટી ફિલ્મ ક્રિટિક્સ સર્કલ | બેસ્ટ લીડ એક્ટર | રનર-અપ | |||
| ટોરોન્ટો ફિલ્મ ક્રિટિક્સ એસોસિએશન | બેસ્ટ એક્ટર | રનર-અપ | |||
| AACTA ઇન્ટરનેશનલ એવોર્ડ્સ | બેસ્ટ એક્ટર – ઇન્ટરનેશનલ | નામાંકિત | |||
| એલાયન્સ ઓફ વિમેન ફિલ્મ જર્નાલિસ્ટ્સ | બેસ્ટ એક્ટર | નામાંકિત | |||
| ઓસ્ટિન ફિલ્મ ક્રિટિક્સ એસોસિએશન | નામાંકિત | ||||
| શિકાગો ઇન્ડી ક્રિટિક્સ | બેસ્ટ એક્ટર | નામાંકિત | |||
| ડેનવર ફિલ્મ ક્રિટિક્સ સોસાયટી | નામાંકિત | ||||
| ડોરિયન એવોર્ડ્સ | લીડ ફિલ્મ પર્ફોર્મન્સ ઓફ ધ યર | નામાંકિત | |||
| હ્યુસ્ટન ફિલ્મ ક્રિટિક્સ સોસાયટી | બેસ્ટ એક્ટર | નામાંકિત | |||
| લેટિનો એન્ટરટેઇનમેન્ટ જર્નાલિસ્ટ્સ એસોસિએશન | નામાંકિત | ||||
| લંડન ફિલ્મ ક્રિટિક્સ સર્કલ | એક્ટર ઓફ ધ યર | નામાંકિત | |||
| મિનેસોટા ફિલ્મ ક્રિટિક્સ એલાયન્સ | બેસ્ટ એક્ટર | નામાંકિત | |||
| નોર્થ કેરોલિના ફિલ્મ ક્રિટિક્સ એસોસિએશન | નામાંકિત | ||||
| ઓનલાઇન ફિલ્મ ક્રિટિક્સ સોસાયટી | નામાંકિત | ||||
| પોર્ટલેન્ડ ક્રિટિક્સ એસોસિએશન | નામાંકિત | ||||
| સાન ડિએગો ફિલ્મ ક્રિટિક્સ સોસાયટી | નામાંકિત | ||||
| સાન ફ્રાન્સિસ્કો બે એરિયા ફિલ્મ ક્રિટિક્સ સર્કલ | નામાંકિત | ||||
| સિએટલ ફિલ્મ ક્રિટિક્સ સોસાયટી | નામાંકિત | ||||
સંદર્ભ
[ફેરફાર કરો]- ↑ Williams, Paul (May 1, 2015). "Brendan Fraser". The Canadian Encyclopedia. મૂળ સંગ્રહિત માંથી July 23, 2021 પર સંગ્રહિત. મેળવેલ August 17, 2026.
{{cite encyclopedia}}: Check date values in:|access-date=,|date=, and|archive-date=(મદદ) - ↑ Vargas, Alani (2023-03-26). "Brendan Fraser Met His Ex-Wife Afton Smith With The Help Of Winona Ryder". Nicki Swift (અમેરિકન અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ) - ↑ Agate, Samantha (2022-04-15). "Brendan Fraser Was Married Once to His 'George of the Jungle' Costar: Meet His Ex-Wife Afton Smith". closerweekly.com (અમેરિકન અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ)[હંમેશ માટે મૃત કડી] - ↑ Press-Enterprise, Vanessa Franko | The (2017-05-23). "Hey bu-ddy! 'Encino Man' turns 25 — but here's where the '90s comedy was really filmed". Orange County Register (અમેરિકન અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ) - ↑ Naahar, Rohan (2024-04-29). "'The Mummy' Re-Release Unwraps Impressive Domestic Box Office Haul". Collider (અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ) - ↑ Bhushan, Nyay (2016-08-03). "First Look: Brendan Fraser in Indian Drama 'The Field'". The Hollywood Reporter (અમેરિકન અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ) - ↑ Bhushan, Nyay (June 15, 2016). "Brendan Fraser Replaces Ray Liotta in Indian Mafia Thriller 'The Field'". The Hollywood Reporter. મૂળ સંગ્રહિત માંથી June 15, 2016 પર સંગ્રહિત. મેળવેલ August 17 2026.
{{cite web}}: Check date values in:|access-date=,|date=, and|archive-date=(મદદ) - ↑ Andreeva, Nellie (2018-08-21). "'Doom Patrol': Brendan Fraser To Star As Robotman In DC Universe TV Series". Deadline (અમેરિકન અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ) - ↑ Keslassy, Ramin Setoodeh,Zack Sharf,Elsa (2022-09-04). "Brendan Fraser Breaks Down in Tears as 'The Whale' Gets Huge 6-Minute Standing Ovation in Venice". Variety (અમેરિકન અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ)CS1 maint: multiple names: authors list (link) - ↑ "Brendan Fraser wins best actor Oscar for 'The Whale'". Reuters. March 12, 2023. મૂળ સંગ્રહિત માંથી March 13, 2023 પર સંગ્રહિત. મેળવેલ August 17, 2025.
{{cite news}}: Check date values in:|access-date=,|date=, and|archive-date=(મદદ) - ↑ Hammond, Pete (2025-11-26). "Brendan Fraser On Choosing 'Rental Family', Lessons From Oscar Night & If Reports Are True Of A New 'Mummy' In His Future – The Actor's Side". Deadline (અમેરિકન અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ) - ↑ Wiseman, Andreas (July 22, 2024). "Brendan Fraser To Star As Dwight D. Eisenhower In D-Day Movie 'Pressure' About The Historic Normandy Landings". Deadline Hollywood. મૂળ સંગ્રહિત માંથી December 3, 2024 પર સંગ્રહિત. મેળવેલ August 17 2026.
{{cite web}}: Check date values in:|access-date=,|date=, and|archive-date=(મદદ) - ↑ Service, Express News (2024-11-01). "Jessica Chastain, Brendan Fraser, Bryan Cranston to star alongside Al Pacino in 'Assassination'". The New Indian Express (અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ) - ↑ Rubin, Rebecca (2025-11-04). "Brendan Fraser, Rachel Weisz Reuniting for Fourth 'Mummy' Movie". Variety (અમેરિકન અંગ્રેજીમાં). મેળવેલ 2026-08-17.
{{cite web}}: Check date values in:|access-date=and|date=(મદદ) - ↑ Stanley, Anya (December 8, 2022). "Adam Sandler Fought To Cast Brendan Fraser In The 1994 Comedy Airheads". /Film. મેળવેલ April 10, 2023.
{{cite news}}: Check date values in:|access-date=and|date=(મદદ) - ↑ Neglia, Matt (December 22, 2022). "The 2022 Black Film Critics Circle (BFCC) Winners". NextBestPicture. મેળવેલ December 12, 2022.
{{cite web}}: Check date values in:|access-date=and|date=(મદદ) - ↑ Neglia, Matt (2022-12-08). "The 2022 Satellite Award (IPA) Nominations". Next Best Picture (અમેરિકન અંગ્રેજીમાં). મેળવેલ 2026-08-18.
{{cite web}}: Check date values in:|access-date=and|date=(મદદ)
બાહ્ય કડીઓ
[ફેરફાર કરો]
