ભારતીય વાયુસેના

ભારતીય વાયુ સેના એ ભારતીય સશસ્ત્ર દળોની હવાઈ શાખા છે. તેનું મુખ્ય મિશન ભારતીય હવાઈ ક્ષેત્રને સુરક્ષિત કરવાનું અને સશસ્ત્ર સંઘર્ષો દરમિયાન હવાઈ યુદ્ધ ખેડવાનું છે. તેની સત્તાવાર સ્થાપના ૮ ઓક્ટોબર ૧૯૩૨ના રોજ બ્રિટિશ ભારતના એક સહાયક વાયુસેના તરીકે કરવામાં આવી હતી, જેણે બીજા વિશ્વયુદ્ધ દરમિયાન ભારતની ઉડ્ડયન સેવાને સન્માન આપ્યું હતું.

૧૯૫૦થી, ભારતીય વાયુ સેના પડોશી દેશ પાકિસ્તાન સાથેના ચાર યુદ્ધોમાં સામેલ રહી છે. ભારતીય વાયુ સેના દ્વારા હાથ ધરવામાં આવેલા અન્ય મોટા ઓપરેશન્સમાં ઓપરેશન વિજય, ઓપરેશન મેઘદૂત, ઓપરેશન કેક્ટસ અને ઓપરેશન પુમલાઈનો સમાવેશ થાય છે. સંયુક્ત રાષ્ટ્ર (UN)ના શાંતિ રક્ષા મિશન્સમાં ભાગ લેવાની સાથે, IAF નું મિશન માત્ર દુશ્મન દળો સામે લડવા પૂરતું મર્યાદિત ન રહેતા તેનાથી પણ આગળ વિસ્તરેલું છે.

ભારતના રાષ્ટ્રપતિ આઈએએફ (IAF - ભારતીય વાયુ સેના) ના સુપ્રીમ કમાન્ડર (સર્વોચ્ચ કમાન્ડર)નો હોદ્દો ધરાવે છે. ૧ જાન્યુઆરી ૨૦૨૫સુધીના આંકડા મુજબ, ૧૩૫,૦૦૦ કર્મચારીઓ ભારતીય વાયુ સેનામાં કાર્યરત છે. વાયુ સેનાના સર્વોચ અધિકારી એર ચીફ માર્શલ હોય છે, તેઓ ફોર-સ્ટાર (ચાર સિતારા) અધિકારી હોય છે અને વાયુ સેનાના મોટાભાગના ઓપરેશનલ કમાન્ડ માટે જવાબદાર હોય છે. આઈએએફ (IAF) માં કોઈપણ એક સમયે એક કરતાં વધુ સેવારત એસીએમ (ACM) ક્યારેય હોતા નથી. માર્શલ ઓફ ધ એર ફોર્સનો રેન્ક (હોદ્દો) ભારતના રાષ્ટ્રપતિ દ્વારા ઇતિહાસમાં માત્ર એક જ વાર અર્જન સિંહને એનાયત કરવામાં આવ્યો છે. ૨૬ જાન્યુઆરી ૨૦૦૨ના રોજ, અર્જન સિંહ આઈએએફના પ્રથમ અને અત્યાર સુધીના એકમાત્ર ફાઇવ-સ્ટાર (પાંચ સિતારા) રેન્કના અધિકારી બન્યા હતા.