મગનભાઈ બારોટ
મગનભાઈ બારોટ એક ભારતીય રાજકારણી અને લોકસભાના ભૂતપૂર્વ સભ્ય અને ભારતીય રાષ્ટ્રીય કોંગ્રેસ સરકારમાં નાણામંત્રી હતા.[૧][૨]
જીવન
[ફેરફાર કરો]તેઓ રણછોડદાસ બારોટના પુત્ર હતા; તેમનો જન્મ ૮ ઓગસ્ટ, ૧૯૨૭ના રોજ મહેસાણા જિલ્લાના પાટણ તાલુકાના જંગરાલ ગામમાં થયો હતો. તેમણે બરોડા કોલેજ, વિલ્સન કોલેજ, બોમ્બે અને સરકારી લો કોલેજ, બોમ્બેમાં અભ્યાસ કર્યો હતો. તેમના લગ્ન ૧ જાન્યુઆરી, ૧૯૫૪ના રોજ શ્રીમતી લીલા બારોટ સાથે થયા હતા. તેઓ ૧૯૭૧-૭૨ દરમિયાન ગુજરાત વડી અદાલતમાં ભારત સરકારના સ્ટેન્ડિંગ કાઉન્સેલ હતા; અગાઉ સંયુક્ત સમાજવાદી પક્ષ સાથે સંકળાયેલા હતા; ૧૯૭૩-૭૪ દરમિયાન ગુજરાત સરકારમાં રાજ્ય શિક્ષણ, શ્રમ અને ગૃહનિર્માણ મંત્રી અને ૧૯૭૬-૭૭ દરમિયાન શિક્ષણ, રમતગમત અને સાંસ્કૃતિક પ્રવૃત્તિઓના રાજ્ય મંત્રી તરીકે સેવાઓ આપી હતી. તેમણે ૧૦ વર્ષ સુધી સર એલ. એ. લો કોલેજ, અમદાવાદ ખાતે માનદ્ પ્રાધ્યાપક તરીકે પણ સેવાઓ આપી હતી. ઉપરાંત ૧૯૭૨થી અમદાવાદ ટેક્સટાઇલ મજદૂર યુનિયનના પ્રમુખ; એસ.ટી. વર્કર્સ યુનિયન, ગુજરાતના કાર્યકારી પ્રમુખ તરીકે હોદ્દો સંભાળ્યો હતો. તેઓ ૧૯૭૨-૭૫ અને ૧૯૭૫-૭૯ દરમિયાન ગુજરાત વિધાનસભાના સભ્ય રહ્યા હતા.
સંદર્ભ
[ફેરફાર કરો]- ↑ https://www.business-standard.com/article/economy-policy/uphill-task-for-cong-in-ahmedabad-104040101079_1.html
- ↑ "પૂર્વ કેન્દ્રીય મંત્રી મગનભાઈ બારોટને કોંગી આગેવાનોની શ્રદ્ધાંજલિ". દિવ્યભાસ્કર. 2011-12-28. મૂળ સંગ્રહિત માંથી 10 April 2025 પર સંગ્રહિત. મેળવેલ 2025-04-24.
{{cite news}}: Check date values in:|access-date=,|date=, and|archive-date=(મદદ)