મહુડી જૈન મંદિર

મહુડી જૈન તીર્થ
મહુડી
Mahudi Jain Tirth
ધર્મ
જોડાણ	જૈન ધર્મ
દેવી-દેવતા	પદ્મપ્રભુ, ઘંટાકર્ણ મહાવીર
તહેવારો	કાળી ચૌદશ
સંચાલન સમિતિ	મહુડી (મધુપુરી) જૈન મૂર્તિપૂજક ટ્રસ્ટ
સ્થાન
ગુજરાતમાં સ્થાન
અક્ષાંશ-રેખાંશ	23°29′36″N 72°47′00″E
સ્થાપત્ય
નિર્માણકાર	બુદ્ધિસાગર સૂરી
સ્થાપના તારીખ	1917
લાક્ષણિકતાઓ
મંદિરો	3
સ્મારકો	6

મહુડી જૈન મંદિર, કે મહુડી જૈન તીર્થ અથવા મહુડી દેરાસર, ગુજરાતના ગાંધીનગર જિલ્લાના માણસા તાલુકામાં મહુડી શહેરમાં આવેલું એક મંદિર છે. તે જૈનો અને અન્ય સમુદાયોનું તીર્થસ્થાન છે; જેઓ જૈન દેવતા ઘંટકર્ણ મહાવીર અને પદ્મપ્રભુ જૈન મંદિરમાં દર્શન કરે છે . તે ઐતિહાસિક રીતે મધુપુરી તરીકે જાણીતું હતું.

ઇતિહાસ

મહુડી જૈન મંદિરની સ્થાપના જૈન સાધુ બુદ્ધિસાગરસૂરી દ્વારા ઇસવીસન ૧૯૧૭ (માગશર સુદ ૬, વિક્રમ સંવત ૧૯૭૪)માં કરવામાં આવી હતી. ત્યાં બ્રાહ્મી લિપિમાં એક શિલાલેખ છે. ઇસવીસન ૧૯૧૬માં વાડીલાલ કાલિદાસ વોરા દ્વારા દાન કરવામાં આવેલી જમીન પર પાયો નંખાયો હતો. વોરાની સાથે પૂનમચંદ લલ્લુભાઇ શાહ, કંકકુચંદ નરસીદાસ મહેતા અને હિંમતલાલ હકમચંદ મહેતા મંદિરના સંચાલન માટે સ્થાપિત ટ્રસ્ટના ટ્રસ્ટી બન્યા. આ મંદિરના મૂળનાયક પદ્મપ્રભની ૨૨ ઇંચની આરસની મૂર્તિ છે. રક્ષક દેવતા, ઘંટાકર્ણ મહાવીરને સમર્પિત એક અલગ મંદિર છે. ગુરુ મંદિર, કે જે બુદ્ધિસાગરસૂરિને સમર્પિત છે, તે પછીથી સ્થાપિત થયું.

સંસ્કૃતિ

અહીં ભક્તો સુખડી ઘંટાકર્ણ મહાવીરને અપર્ણ કરે છે. અર્પણ કર્યા પછી, તે મંદિરના સંકુલમાં ભક્તો દ્વારા ખાવામાં આવે છે. પરંપરા સંકુલની બહાર સુખડી બહાર લઈ જવા માટે મનાઇ ફરમાવે છે.

દર વર્ષે કાળી ચૌદશ પર (આસો મહિનાના અંધારાના ચૌદશના દિવસે) હજારો ભક્તો હવનના ધાર્મિક સમારોહમાં ભાગ લેવા મંદિરની મુલાકાત લે છે.

ફોટો-ગેલેરી

• 
  જૈન મંદિરમાં પદ્મપ્રભ સ્વામીની છબી
• 
  ઘંટાકર્ણ મહાવીર
• 
  વાડીલાલ કાલિદાસ વોરા જેમણે મંદિર માટે જમીન દાન કરી હતી
• 
  સુખડી - ઘંટકર્ણ મહાવીરને અર્પિત મીઠાઈ