મુથુલક્ષ્મી રેડ્ડી

મુથુલક્ષ્મી રેડ્ડી
૧૯૧૨માં મુથુલક્ષ્મી રેડ્ડી
જન્મની વિગત	(1886-07-30)૩૦ જુલાઈ ૧૮૮૬ પુદુકોટ્ટા, ભારત
મૃત્યુ	૨૨ જુલાઈ ૧૯૬૮(૧૯૬૮-૦૭-૨૨) (ઉંમર 81) મદ્રાસ હાલનું ચેન્નાઇ
પ્રખ્યાત કાર્ય	સામાજિક સુધારા, મહિલા હકો, એક્ટિવિઝમ અને લેખન
જીવનસાથી	સુંદર રેડ્ડી
સંતાનો	સુંદરમ ક્રિષ્નામૂર્તિ એસ. રામમોહન
પુરસ્કારો	પદ્મભૂષણ (૧૯૫૬)

મુથુલક્ષ્મી રેડ્ડી (૩૦ જુલાઈ ૧૮૮૬-૨૨ જુલાઈ ૧૯૬૮) એક ભારતીય તબીબી વ્યવસાયી, સમાજ સુધારક અને પદ્મ ભૂષણ પુરસ્કાર પ્રાપ્તકર્તા હતા.

મુથુલક્ષ્મી રેડ્ડીની ૧૯૨૬માં મદ્રાસ વિધાનસભા પરિષદમાં નિમણૂક કરવામાં આવી હતી. આ નામાંકન "સામાજિક દુર્વ્યવહાર દૂર કરીને અને નૈતિક ધોરણોમાં સમાનતા માટે કામ કરીને મહિલાઓ માટે સંતુલન સુધારવા" માટેના તેમના જીવનભરના પ્રયાસની શરૂઆત હતી. તે એક મહિલા કાર્યકર અને સમાજ સુધારક હતાં.

તેમના નામ પર અનેક પ્રથમ સ્થાન હતું: પુરુષોની કોલેજમાં પ્રવેશ મેળવનાર પ્રથમ મહિલા વિદ્યાર્થીની, સરકારી મેટરનિટી અને ઓપ્થેલ્મિક હોસ્પિટલમાં પ્રથમ મહિલા હાઉસ સર્જન, બ્રિટિશ ભારતમાં પ્રથમ મહિલા ધારાસભ્ય, રાજ્ય સમાજ કલ્યાણ સલાહકાર બોર્ડના પ્રથમ અધ્યક્ષ, વિધાન પરિષદના પ્રથમ મહિલા ઉપપ્રમુખ અને મદ્રાસ કોર્પોરેશનમાં પ્રથમ મહિલા. તેમણે ૧૯૩૧માં અવ્વઈ હોમ બનાવ્યું.

રેડ્ડીનો જન્મ તમિલનાડુ પુડુકોટ્ટાઈ રજવાડામાં થયો હતો. તેમના સમયની ભારતમાં છોકરીઓ દ્વારા સામનો કરવામાં આવતી વિવિધ અવરોધો હોવા છતાં, તેમણે પોતાનું ઉચ્ચ શિક્ષણ પૂર્ણ કર્યું અને તબીબી વ્યવસાયમાં પ્રવેશ મેળવ્યો. ૧૯૦૭માં તેઓ મદ્રાસ મેડિકલ કોલેજમાં જોડાયાં જ્યાં તેમણે એક તેજસ્વી શૈક્ષણિક વિક્રમ હાંસલ કર્યો. ઘણા સુવર્ણ ચંદ્રકો અને પુરસ્કારો મેળવ્યા બાદ ૧૯૧૨માં સ્નાતક થયા. તેઓ ભારતનાં પ્રથમ મહિલા ડોકટરોમાંના એક બન્યાં. તે પછી તરત જ તેઓ એની બેસન્ટ અને પછી મહાત્મા ગાંધીના પ્રભાવ હેઠળ આવી ગયાં.

૧૯૪૭માં લાલ કિલ્લા પર લહેરાવવામાં આવેલા પ્રથમ રાષ્ટ્રધ્વજમાં તેમનું નામ સામેલ કરવામાં આવ્યું હતું.