રામ વી. સુતાર

રામ સુતાર
નવી દિલ્હીમાં દયાવતી મોદી જન્મજયંતિ સમારોહમાં રામ વી. સુતાર
જન્મની વિગત	રામ વણજી સુતાર (1925-02-19)૧૯ ફેબ્રુઆરી ૧૯૨૫ ગોંદુર, ખાનદેશ જિલ્લો, બોમ્બે પ્રેસિડેન્સી, બ્રિટીશ ભારત
મૃત્યુ	૧૮ ડિસેમ્બર ૨૦૨૫(૨૦૨૫-૧૨-૧૮) (ઉંમર 100) નોઇડા, ઉત્તર પ્રદેશ, ભારત
રાષ્ટ્રીયતા	બ્રિટીશ ભારતીય (૧૯૨૫-૧૯૪૭) ભારતીય (૧૯૪૭-)
શિક્ષણ	સર જે. જે. સ્કૂલ ઓફ આર્ટ
નોંધપાત્ર કાર્ય	સ્ટેચ્યુ ઓફ યુનિટી સ્ટેચ્યુ ઓફ પ્રોસ્પેરિટી મહાત્મા ગાંધીની પ્રતિમા, ભારતીય સંસદ
જીવનસાથી	પ્રમિલા સુતાર
પુરસ્કારો	મહારાષ્ટ્ર ભુષણ (૨૦૨૪) પદ્મભૂષણ (૨૦૧૬) ટાગોર પુરસ્કાર (૨૦૧૬) પદ્મશ્રી (૧૯૯૯)

હેનોવરમાં રામ વી. સુતાર દ્વારા બનાવેલ મહાત્મા ગાંધીનું શિલ્પ

રામ વણજી સુતાર (૧૯ ફેબ્રુઆરી ૧૯૨૫ - ૧૮ ડિસેમ્બર ૨૦૨૫) એક ભારતીય શિલ્પકાર હતા. વિશ્વની સૌથી ઊંચી પ્રતિમા (૧૮૨ મીટર) તરીકે ખ્યાત સ્ટેચ્યુ ઓફ યુનિટીની ડિઝાઇન તેમણે તૈયાર કરી હતી.

પૃષ્ઠભૂમિ

સુતારનો જન્મ ૧૯ ફેબ્રુઆરી ૧૯૨૫ના રોજ બોમ્બે પ્રેસિડેન્સીના ખાનદેશ જિલ્લાના ગોંડુર ગામમાં વિશ્વકર્મા બ્રાહ્મણ પરિવારમાં થયો હતો. ૧૯૫૨માં તેમણે પ્રમિલા સાથે લગ્ન કર્યા. ૧૮ ડિસેમ્બર ૨૦૨૫ના રોજ ૧૦૦ વર્ષની વયે તેમનું અવસાન થયું હતું.

કારકિર્દી

રોમા સ્ટ્રીટ પાર્કલેન્ડ, બ્રિસ્બેન, ૨૦૨૪

ફંચાલ (પોર્ટુગલ)માં રામ વિ. સૂતાર દ્વારા મહાત્મા ગાંધીનું પ્રતિમૂર્તિ

સુતારે ગુજરાતમાં સ્થિત વિશ્વની સૌથી ઊંચી પ્રતિમા, સ્ટેચ્યુ ઓફ યુનિટીની રચના કરી હતી. તેમણે ૧૪ મીટર ઉંચા ચંબલ સ્મારક તેમજ મહાત્મા ગાંધીની પ્રતિમા પણ બનાવી હતી, જેની નકલ કરીને અન્ય દેશોમાં મોકલવામાં આવી છે. તેમણે ભારતીય સંસદમાં સ્થિત મહાત્મા ગાંધીની બેઠેલી સ્થિતિમાં પ્રતિમા ડિઝાઇન કરી હતી. તેની એક મોટી પ્રતિકૃતિ તેમણે વિધાન સૌધા ખાતે બનાવી હતી. તેઓ બેંગલુરુ આંતરરાષ્ટ્રીય વિમાનમથક પર 33 મીટર ઊંચી કેમ્પે ગૌડા પ્રતિમાના ડિઝાઇનર પણ હતા.

બ્રિસ્બેનના ભારતીય સમુદાયે રોમા સ્ટ્રીટ પાર્કલેન્ડ ખાતે રામ વી. સુતાર અને અનિલ સુતાર દ્વારા બનાવવામાં આવેલી ગાંધીજીની પ્રતિમાની સ્થાપના કરી હતી, તેનું અનાવરણ ૨૦૧૪માં ભારતના તત્કાલીન વડા પ્રધાન નરેન્દ્ર મોદી દ્વારા કરવામાં આવ્યું હતું.

પુરસ્કાર

૧૯૯૯માં, તેમને ભારત સરકાર તરફથી પદ્મશ્રી અને ૨૦૧૬માં, પદ્મભૂષણથી સન્માનિત કરવામાં આવ્યા હતા. ઓક્ટોબર ૨૦૧૮માં, સુતારને ૨૦૧૬ના સાંસ્કૃતિક સંવાદિતા માટે ટાગોર પુરસ્કાર મળ્યો હતો. તેમને રાજ્ય સરકારના સર્વોચ્ચ નાગરિક પુરસ્કાર, મહારાષ્ટ્ર ભૂષણ માટે પસંદ કરવામાં આવ્યા હતા, જેની જાણકારી મહારાષ્ટ્રના મુખ્યમંત્રી દેવેન્દ્ર ફડણવીસે ૨૦ માર્ચ ૨૦૨૫ ના રોજ વિધાનસભાને આપી હતી.

જાણીતા શિલ્પ

• 
  કૃષ્ણ અર્જુન રથ સ્મારક અને બ્રહ્મા સરોવર. કાંસ્ય પ્રતિમા, રામ વી. અને અનિલ આર. સુતાર, ૨૦૦૮.
• 
  સ્ટેચ્યુ ઓફ યુનિટી, નર્મદા જિલ્લો, ૨૦૧૮
• 
  મહાત્મા ગાંધીજીની કાંસ્ય પ્રતિમા, વિધાનસૌધા. ૨૦૧૪
• 
  સ્ટેચ્યુ ઓફ પ્રોસ્પેરિટી, કેમ્પેગૌડા આંતરરાષ્ટ્રીય હવાઈમથક, બેંગ્લોર. કાંસ્ય, ૨૦૨૨