રૂપલ પટેલ

રૂપલ પટેલ
સ્ટાર પ્લસની માલિકા "સાથ નિભાના સાથિયા"માં રૂપલ પટે (૨૦૧૨)
જન્મની વિગત	૧૯૬૮ મુંબઈ, મહારાષ્ટ્ર, ભારત
રાષ્ટ્રીયતા	ભારતીય
શિક્ષણ	મુંબઈ વિદ્યાપીઠ (બી. કોમ) એમ એફ એ - નેશનલ સ્કુલ ઑફ ડ્રામા
વ્યવસાય	અભિનેત્રી
સક્રિય વર્ષો	૧૯૯૧ - હાલ
પ્રખ્યાત કાર્ય	સાથ નિભાના સાથિયા યે રિશ્તે હૈ પ્યાર કે તેરા મેરા સાથ
જીવનસાથી	રાધાકૃષ્ણ દત્તા

રૂપલ પટેલ દત્તા એક ભારતીય અભિનેત્રી છે. તેઓ સૌથી લાંબા સમય સુધી ચાલતી ભારતીય ટીવી શ્રેણીઓમાંની એક-સાથ નિભાના સાથિયામાંની તેમની કોકિલા મોદીની અને યે રિશ્તે હૈ પ્યાર કેમાં મીનાક્ષી રાજવંશની ભૂમિકા માટે જાણીતા છે. ભારતીય ટેલિવિઝનની સૌથી લોકપ્રિય સાસુ તરીકેનો, ૨૦૧૫,૨૦૧૬,૨૦૧૭નો સ્ટાર પરિવાર એવોર્ડ્સ તેમણે જીત્યો હતો. ૨૦૨૦ માં, તેમણે આ શોના પ્રચાર માટે સાથ નિભાના સાથિયા ૨ માં કોકિલા મોદી તરીકેની તેમની ભૂમિકાને પુનરાવર્તિત કરી હતી.

પ્રારંભિક જીવન

૧૯૬૭ અથવા ૧૯૬૮માં મુંબઈમાં જન્મેલા રૂપલ પટેલ ગુજરાતી છે અને તેમણે વાણિજ્યની પદવી ઉપરાંત નવી દિલ્હીની નેશનલ સ્કૂલ ઓફ ડ્રામામાં અભિનયની તાલીમ લીધી છે. તેઓ પેનોરમા આર્ટ થિયેટર્સ નામના નાટ્ય જૂથના માલિક છે, જે બાળકોના નાટકો ભજવે છે. તેમણે અભિનેતા રાધાકૃષ્ણ દત્તા સાથે લગ્ન કર્યા છે.

અભિનય કારકિર્દી

કારકિર્દી સંઘર્ષો (૧૯૯૧-૨૦૦૯)

રૂપલ પટેલે સૌ પ્રથમ બોલિવૂડ પોતાના ભાગ્યની પરીક્ષા લેવાનું નક્કી કર્યું અને ૧૯૯૧ની ફિલ્મ અંતરનાદમાં નાની ભૂમિકા દ્વારા ત્યાં પ્રવેશ કર્યો. ત્યારબાદ તેમણે સૂરજ કા સાતવાં ઘોડા (૧૯૯૨) પપીહા (૧૯૯૩) મમ્મો (૧૯૯૪) અને સમર (૧૯૯૯) જેવી અન્ય બોલિવૂડ ફિલ્મોમાં ભૂમિકાઓ ભજવી હતી. આમાંથી કેટલીક ફિલ્મોનું નિર્દેશન શ્યામ બેનેગલ કર્યું હતું.

બોલિવૂડમાં તેમના કાર્યકાળ પછી, તેમણે ૨૦૦૧માં સ્ટાર પ્લસ પર ઝરીના મહેતાની શગુનમાં લાખીની ભૂમિકા ભજવીને હિન્દી ટેલિવિઝન ઉદ્યોગ પ્રવેશ કર્યો. તેમને ૨૦૦૨માં સો દાડા સાસુના નામની માલિકામાં આશાલતા તરીકે ભૂમિકા આપવામાં આવી હતી, અને બાદમાં સોની એન્ટરટેઇનમેન્ટ ટેલિવિઝન પર પ્રસિદ્ધ ક્રાઇમ થ્રિલર શો ક્રાઈમ પેટ્રોલના કેટલાક એપિસોડમાં પણ તેમણે અભ્બિનય કર્યો. તેણીની અભિનય કારકિર્દીમાં તેમના સંઘર્ષો ચાલુ રહ્યા અને મોટા અંતર પછી, તેમણે ૨૦૦૯ માં કલર્સ ટીવી પર સિનેવિસ્ટા લિમિટેડ પ્રોડક્શનની જાને ક્યા બાત હુઈમાં વૃંદાનની ભૂમિકા ભજવી.

મોટી સફળતા (૨૦૧૦-વર્તમાન)

૨૦૧૦ થી ૨૦૧૭ સુધી, તેમણે રશ્મિ શર્માની બ્લોકબસ્ટર સોપ સાથ સાથિયા ની કડક સાસુ એવી કોકિલા મોદીની ભૂમિકા ભજવી જબરદસ્ત લોકપ્રિયતા અને પ્રશંસા મેળવી હતી.

જાન્યુઆરી ૨૦૧૯માં, તેમણે ઝી ટીવી પર પ્રતીક શર્માની 'મનમોહિની' માં ઉષા/કુબર્રા તરીકે નાનકડી ભૂમિકા માટે હસ્તાક્ષર કર્યા. માર્ચ ૨૦૧૯ થી ઓક્ટોબર ૨૦૨૦ સુધી, તેમણે સ્ટાર પ્લસ પર પ્રસારિત ડાયરેક્ટર્સ કટ પ્રોડક્શન્સના ટેલિવિઝન શો યે રિશ્તે હૈ પ્યાર કે માં મીનાક્ષી રાજવંશ કાપડિયાનું ગ્રે પાત્ર ભજવ્યું હતું.

ઓક્ટોબર ૨૦૨૦માં તેમણે 'સાથ નિભાના સાથિયા ૨' બીજી સીઝનમાં કોકિલા મોદી તરીકેનું પોતાનું પાત્ર ભજવ્યું હતું, જેણે' યે રિશ્તે હૈં પ્યાર કે" નું સ્થાન લીધું હતું. તે શોના ૩૧ એપિસોડમાં જોવા મળી હતી, કારણ કે તે માલિકાનો પ્રારંભિક ભાગ હતો. તે ગેંગ્સ ઓફ ફિલ્મિસ્તાનના મહેમાન તરીકે જોવા મળ્યા હતા.

અન્ય કાર્યો

રૂપલ પટેલ સ્વચ્છ ભારત ભારત પ્રોજેક્ટના એમ્બેસેડર છે અને તેના માટે કામ કરે છે-તેમને તેમના કાર્યો માટે ભારતીય વડા પ્રધાન નરેન્દ્ર મોદી તરફથી બે વાર સન્માન મળ્યું હતું. તેમાંથી એક, પત્રના રૂપમાં છે.

ફિલ્મોગ્રાફી

ફિલ્મો

• મહેક (૧૯૮૫)
• અંતરનાદ (૧૯૯૧)
• સૂરજ કા સાતવાં ઘોડા (૧૯૯૨)
• પાપીહા (૧૯૯૩)
• મમ્મો (૧૯૯૪)
• સમર (૧૯૯૯)
• જાગો (૨૦૦૪) -કેમિયો
• પેહચાન: સત્યનો ચહેરો (૨૦૦૫)
• સાંબર સાલસા (૨૦૦૭) -કલા નિર્દેશક

ટેલિવિઝન

વર્ષ	શીર્ષક	ભૂમિકા	નોંધો
1999-2000	ગુબ્બારે	'મસાલા મામી "એપિસોડમાં સિંધી લેડી
2001	શગુન	લાખી
2002	સૌ દાદા સસુના	આશાલતા શેઠ
2009	જાને ક્યા બાત હુઈ	વૃંદા
2010–17	સાથ નિભાના સાથિયા	કોકિલા પરાગ મોદી
2019	મનમોહિની	કુબરજરા/ઉષા	કેમિયો
2019–20	યે રિશ્તે હૈં પ્યાર કે	મીનાક્ષી રાજવંશ/મીનાક્ષી મેહુલ કાપડિયા
2020	સાથ નિભાના સાથિયા ૨	કોકિલા પરાગ મોદી	એપિસોડ ૧-૩૧
	ગેંગ્સ ઓફ ફિલ્મિસ્તાન		મહેમાન
2021–2022	તેરા મેરા સાથ રહે	મિથિલા મોદી
2024	નાથ-રિશ્તા કી અગ્નિપરીક્ષા	કૈલાશી દેવી પ્રતાપસિંહ

બાહ્ય કડીઓ

• રૂપલ પટેલ, ઇન્ટરનેટ મૂવી ડેટાબેઝ પર
• Rupal Patelપરબોલિવૂડ હંગામા