વિકિપીડિયા:નારીવાદ અને લોકસંસ્કૃતિ ૨૦૨૬/અહેવાલ

ગુજરાતી વિકિપીડિયા પર ૧ ફેબ્રુઆરી ૨૦૨૬, (૦૦.૦૧ રાત્રે) – ૩૧ માર્ચ ૨૦૨૬ (૧૧.૫૯ રાત્રે) સુધી નારીવાદ અને લોકસંસ્કૃતિ ૨૦૨૬નું આયોજન થયું હતું.

સ્પર્ધા માટે લેખો રજૂ કરવા કેમ્પવીઝ ટૂલનો ઉપયોગ કરવામાં આવ્યો હતો.

આ સ્પર્ધામાં કુલ ૬ સભ્યોએ નામ નોંધાવ્યા હતા તે પૈકી કુલ ૪ સ્પર્ધકોએ કુલ ૨૨ (૨૧ નવા અને ૧ વિસ્તૃત કરેલા) લેખો સ્પર્ધા માટે રજૂ કર્યા હતા. આ ઉપરાંત એક લેખ અન્ય એવા સભ્યએ પણ રજૂ કર્યો હતો જેમણે અહિં સ્પર્ધાના પાના પર પોતાનું નામાંકન કર્યું ન હતું. આમ રજૂ થયેલા કુલ ૨૩ લેખો પૈકી નિર્ણાયકે ૧૭ લેખોને સ્પર્ધા માટે મંજૂર કર્યા અને તેને ગુણ આપ્યા (જેમાં વિસ્તૃત કરેલા ૦૧ લેખનો પણ સમાવેશ થતો હતો). ગુજરાતી વિકિપીડિયાના બે સભ્યો નામાંકન કરવા છતાં વ્યસ્તતાને કારણે સ્પર્ધામાં ભાગ લઈ શક્યા ન હતા, જ્યારે ત્રણ બિનગુજરાતી સભ્યોએ કુલ પાંચ લેખો રજૂ કરી ને આ સ્પર્ધામાં ભાગ લીધો હતો.

પરિણામ

સ્નેહરશ્મિએ સૌથી વધુ ગુણ (૧૦) મેળવ્યા છે, તેથી તેમને વિજેતા જાહેર કરવામાં આવે છે. દ્વિતીય ક્રમે ૭ ગુણાંક સાથે બૃહસ્પતિ વિજેતા રહ્યા છે. આ વર્ષની પ્રતિયોગિતામાં ફક્ત બે જ સભ્યોના લેખો સ્વીકારવામાં આવ્યા હોવાથી તૃતિય સ્થાન રિક્ત રહે છે. ભાગ લેનાર સૌ સભ્યોને અભિનંદન અને આભાર!

ભાગ લેનારા સભ્યો અને તેમનું યોગદાન

સભ્ય	વિજેતા ક્રમ	લેખો (નવા બનાવેલ + વિસ્તૃત)	પ્રાપ્ત ગુણ
સ્નેહરશ્મિ	૧	૧૧ (૧૦ નવા +૧ વિસ્તૃત)	૧૦
બૃહસ્પતિ	૨	૭ (૭ નવા + ૦ વિસ્તૃત)	૭
રિક્ત	૩	૦	૦

સ્પર્ધા અંતર્ગત લેખોની સંખ્યા એટલે કે ગુણાંક આધારે ઈનામની સાથેસાથે એક શ્રેષ્ઠ લેખને પણ ઈનામ આપવાનું પ્રયોજન હતું. આ માટે સભ્ય સ્નેહરશ્મિએ બનાવેલો લેખ ભારતમાં મહિલા મતાધિકાર પસંદ કરવામાં આવ્યો છે. 'ભારતમાં મહિલા મતાધિકાર' લેખ આ સ્પર્ધાની વિષયવસ્તુ નારીવાદ અને લોકસંસ્કૃતિને બંધબેસતો અને ભારતને સંલગ્ન લેખ છે, કારણ કે તે એક વાસ્તવિક નારીવાદી ચળવળ અને અધિકારનો ઇતિહાસ વર્ણવે છે. આમ તે લેખ નારીવાદ વિષયને પૂરતો ન્યાય આપે છે.

વિહંગાવલોકન

વિહંગાવલોકન	સંખ્યા
નામ નોંધાવનાર સભ્યો	૬+૧
લેખ રજૂ કરનાર સભ્યો	૫
રજૂ થયેલા કુલ લેખો	૨૩
નવા બનેલા કુલ લેખો	૨૨
વિસ્તૃત કરેલા કુલ લેખો	૧
કુલ મંજૂર લેખો	૧૭

ટીપ્પણી

આ વર્ષની સ્પર્ધામાં નોંધવામાં આવ્યું કે જે સભ્યો ગુજરાતી વિકિપીડિયામાં સક્રિય નથી કે પહેલા કદી ગુજરાતીમાં કોઈ યોગદાન કર્યું નથી એવા ત્રણ સભ્યોએ પોતાના કુલ મળી ને ૫ (પાંચ) લેખો રજૂ કર્યાં. પરંતુ દુખની વાત એ છે કે એ બધા જ લેખો સંપૂર્ણ પણે સ્વચાલિત ભાષાંતર કરી ને બનાવવામાં આવ્યા હોય તેવા ભાસતા હતા, લેખની ભાષા અસ્પષ્ટ હતી, વ્યાકરણની ભૂલો, વગેરે એ લેખોને લોકભોગ્ય બનાવવામાં નિષ્ફળ નિવડતા હતા. આ પાંચેય લેખોને સ્પર્ધા માટે અસ્વીકૃત કરવામાં આવ્યા હતા અને વિકિપીડિયામાંથી પણ રદ્દ કરવા માટે અંકિત કરવામાં આવ્યા હતા. આશા રાખીએ કે ભવિષ્યમાં ઓટો ટ્રાન્સ્લેશન ટૂલ અને AIનો વ્યાપ વધતા ફક્ત સ્પર્ધાઓ જીતવાના ઉદ્દેશથી સભ્યો અણઘડ રીતે થતા સવચાલિત ભાષાંતર કરેલા લેખોનો ઉમેરો ન કરે.