વિકિપીડિયા:સમાચાર

વિકિપીડિયામાંથી

વિકિપીડિયા - અમદાવાદ વિશ્વવિદ્યાલય - આઉટરીચ પ્રોગ્રામ - અહેવાલ | Wikipedia - Ahmedabad University - Outreach Program - A Report[ફેરફાર કરો]

ગુજરાતી[ફેરફાર કરો]

વિકિપીડિયા ગુજરાતી વિકિપીડિયા અને અમદાવાદ વિશ્વવિદ્યાલયના સહયોગથી અમદાવાદ વિશ્વવિદ્યાલયના વિદ્યાર્થીઓ માટે એક ટ્રેનીંગ સેશનનું આયોજન તારીખ ૭ એપ્રિલ ૨૦૧૮ના રોજ કરવામાં આવ્યું હતું. અમદાવાદ વિશ્વવિદ્યાલયના અમુક શિક્ષકોએ સ્થાનિક વિકિપીડિયનનો સંપર્ક સાધ્યો હતો અને વિદ્યાર્થીઓ માટે સેશન લેવા વિનંતી કરી હતી. કાર્તિક મિસ્ત્રીએ તેનો પ્રત્યુત્તર વાળી સ્થાનીય વિકિપીડિયન અનિકેત ભટ્ટનું નામ સૂચવ્યું હતુ. તેમણે આગળ જઈ સંસ્થા સાથે ઈમેલ વાર્તાલાપ આદિ દ્વારા કાર્યક્રમનું માળખું ગોઠવ્યું હતું અને ત્યાંના શિક્ષકો માટે એક પ્રાથમિક શિક્ષણ સેશન લીધું હતું.

જેમાં લગભગ ૫૭૭ જેટલા વિદ્યાર્થીઓને વિકિપીડિયા, તેના ઉદ્દેશ્યો, તેમાં યોગદાન કેમ કરવું, લેખ કેમ બનાવવા વગેરે વિષયો પર માહિતી આપવામાં આવી હતી. વિદ્યાર્થીઓના જૂથને પાંચ વિભાગમાં વહેંચી દેવામાં આવ્યા હતા. બે જૂથને સવારમાં અને ત્રણ જૂથને સાંજે થિયરી તથા પ્રેક્ટિકલ કરાવવામાં આવ્યા હતા. વિવિધ ૧૦ કોમ્યુટર લેબમાં પ્રેક્ટિકલ લેવાયા હતા. પ્રેક્ટિકલમાં વિશ્વવિદ્યાલયના શિક્ષકોએ મદદ કરી હતી. સેશન સવારના ૯ વાગ્યે શરૂ થયા હતા અને પ્રેક્ટિકલ સહિત તે સાંજે ૫.૩૦ વાગ્યે પૂરા થયા હતા.

વિદ્યાર્થીઓને થિયરી સમજાવ્યા બાદ પ્રેક્ટિકલ સેશનમાં દરેક વિદ્યાર્થીને એક સેમ્પલ લેખ બનાવતા શીખવાડમાં આવ્યો હતો. તેમાં લેખનું માળખું કેમ બનાવવું, સંદર્ભો કેમ ઉમેરવા, ચિત્રો કેમ ઉમેરવા, ઈન્ફો બોક્સ કેમ ઉમેરવા, શ્રેણી કેમ ઉમેરવી, પેટા વિભાગ કેમ ઉમેરવા જેવી ક્રિયાઓનો વિદ્યાર્થીઓએ જાતે અનુભવ લીધો હતો.

વિકિપીડિયા ગુજરાતી કોમ્યુનીટી તરફથી સુશાંત સાવલા, કાર્તિક મિસ્ત્રી, અનંત રાઠોડએ ટ્રેનિંગ આપી હતી.

વિશ્વવિદ્યાપીઠે તેમના વિદ્યાર્થીઓને વાર્ષિક કાર્યના એક ભાગરૂપે વિકિપીડિયા પર એક લેખ લખવાનો અસાઈનમેન્ટ નક્કી કર્યો છે.

વિકિપીડિયા - અમદાવાદ વિશ્વવિદ્યાલય - આઉટરીચ પ્રોગ્રામ, એપ્રિલ ૨૦૧૮
GICT બિલ્ડિંગ અમદાવાદ વિશ્વવિદ્યાલય
GICT બિલ્ડિંગ અમદાવાદ વિશ્વવિદ્યાલય 
થિયરી સેશન
થિયરી સેશન 
થિયરી સેશનમાં વિદ્યાર્થીઓ
થિયરી સેશનમાં વિદ્યાર્થીઓ 
પ્રેક્ટિકલ સેશનમાં વિદ્યાર્થીઓ
પ્રેક્ટિકલ સેશનમાં વિદ્યાર્થીઓ 
થિયરી સેશનમાં વિદ્યાર્થીઓ
થિયરી સેશનમાં વિદ્યાર્થીઓ 
પ્રેક્ટિકલ સેશનમાં વિદ્યાર્થીઓ
પ્રેક્ટિકલ સેશનમાં વિદ્યાર્થીઓ 
વિકિ અને વિદ્યાપીઠના અમુક માર્ગદર્શકો
વિકિ અને વિદ્યાપીઠના અમુક માર્ગદર્શકો 
થિયરી સેશન
થિયરી સેશન 
થિયરી સેશનમાં વિદ્યાર્થીઓ
થિયરી સેશનમાં વિદ્યાર્થીઓ 

પ્રતિભાવો[ફેરફાર કરો]

અંગ્રેજી[ફેરફાર કરો]

Gujarati Wiki Community in association with Ahmedabad University has carried out an outreach program at University Campus, GICT building, Ahmedabad University, Ahmedabad, India on 07-04-2018.

The Ahmedabad University approached Gujarati Wikipedians to Carry out session for their students. Kartik Mistry, responded to their request and Suggested name of Mr. Aniket Bhatt being local wikipedian in Ahmedabad. He than co-ordinated with University faculty and structured the training sessions. He also conducted a training session for the faculty members of the institution on 31 March 2018.

On 07-04-2018, through the program around 577 student was trained about the Wikipedia, its objectives etc. The Students were divided in 5 groups and Introduction cum Theory session was conducted in 5 sessions two in morning and 3 in afternoon. The theory session included topics such as What is Wikipedia, Its history, Why one should contribute to Wikipedia, what are the benefits, How to contribute, etc.

The Theory session was followed by a practical session in their computer labs. The Practical session included topics How to open an account, How to use sandbox, How to create article, How to add picture, How to cite references, How to add category, How to add infobox. Students had created dummy articles in their sandboxes.

From Gujarati Community the Sushant Savla, Kartik Mistry, Anant Rathod had taken up the sessions.

The University has plans to make "creation of one wikipedia article by the student" as a part of annual submission / assignment.

Ahmedabad University Outreach program April 2018
The Venue , GICT building Ahmedabad University, Ahmedabad, India
The Venue , GICT building Ahmedabad University, Ahmedabad, India 
Theory Session
Theory Session 
Students in Theory Session
Students in Theory Session 
Students having hands on training at practical session
Students having hands on training at practical session 
Students in Theory Session
Students in Theory Session 
Students having hands on training at practical session
Students having hands on training at practical session 
Some members of Wikipedia Community and University Faculty
Some members of Wikipedia Community and University Faculty 
Theory Session
Theory Session 
Students in Theory Session
Students in Theory Session 

Response[ફેરફાર કરો]

વિકિપીડીયા મીટ અપ ગોરજ[ફેરફાર કરો]

આ કાર્યક્રમ તારીખ 27 જૂન,2015ના રોજ ગોરજ ખાતે આવેલા મુની સેવા આશ્રમમાં યોજવામાં આવ્યો હતો. આ કાર્યક્રમમાં ગુજરાતી વિકીપીડિયન કાર્તિક મિસ્ત્રી દ્વારા ગુજરાતી વિકિપીડિયા તેમજ વિકિસ્ત્રોતનો લાભ કઈ રીતે મેળવી શકાય, હાલમાં કઈ કઈ માહિતી/પુસ્તકો/રચનાઓ ઉપલબ્ધ છે, અહીં યોગદાન કઈ રીતે કરી શકાય, ગુજરાતી ભાષામાં કેવી રીતે લખી શકાય, વિકિ નીતિઓ શું છે, વગેરે બાબતોની સમજ મુની સેવા આશ્રમ અંતર્ગતની એકલવ્ય મોડેલ સ્કૂલના વિદ્યાર્થીઓ, શિક્ષકો તથા સ્થાનીય કોલેજમાંથી આવેલા વિદ્યાર્થીઓને આપવામાં આવી હતી. આ ઉપરાંત વિક્શનરીનો ઉપયોગ અને વિકીડેટા વિષે પણ માહિતી આપવામાં આવી હતી. આ કાર્યક્રમમાં સમ્યકભાઈ, લખન સમાની, એલીશ વાઘડીયા તથા અન્ય પ્રોગ્રામર અને ડેવેલોપર મિત્રો પણ હાજર રહ્યા હતા.

કાર્તિક ભાઈ પોતાની વ્યસ્તતામાંથી સમય કાઢી મુંબઈથી છેક અહી આવ્યા તે બદલ તેમનો ખૂબ ખૂબ આભાર; તથા આ કાર્યક્રમમાં સહભાગી બનેલ દરેક સભ્યનો, મુની સેવા આશ્રમ અને ટ્રસ્ટીશ્રી હેમંત પટેલ સાહેબનો દિલથી આભાર. કાર્યક્રમના અંતે શાળાના બાળકોએ તેમના શિક્ષકોની મદદથી પોતાની શાળા, મુની સેવા આશ્રમ અને તેના સ્થાપક શ્રી અનુબેન ઠક્કર વિષેના વિકિપીડિયા લેખ લખવાનો સંકલ્પ લીધો જે ખૂબ ખુશીની વાત છે. હું તેમની મદદ કરવા સદાય તત્પર છું. --મિહિર પાઠક (talk) 15:49 27 June 2015 (IST)

પ્રતિભાવો[ફેરફાર કરો]

  • કાર્યક્રમની આયોજક ટીમ, મુની સેવા આશ્રમ, ભાગ લેનાર શાળા-મહાશાળાના શિક્ષક અને વિદ્યાર્થીગણ, તકનિકી નિષ્ણાંતગણ અને કાર્તિકભાઈને ખુબ ખુબ અભિનંદન. આ કાર્યક્રમના અનુસંધાને કેટલાંક વિદ્યાર્થીમિત્રો વિકિ પર સક્રિય થયા હોવાનું પણ જણાય છે. આગળ ઉપર પણ આવા ઉમદા કાર્યક્રમો થતા રહે તેવી શુભકામનાઓ. સૌને હાર્દિક ધન્યવાદ. --અશોક મોઢવાડીયાચર્ચા/યોગદાન ૨૦:૩૬, ૨૮ જૂન ૨૦૧૫ (IST)[ઉત્તર]

જૂનાગઢ - ગાંધીનિર્વાણ દિને વિકિપીડિયા દ્વારા ગાંધીચિત્રોનું પ્રદર્શન[ફેરફાર કરો]

તા:૩૦-૧-૨૦૧૫ અને ૩૧-૧-૨૦૧૫ એમ બે દિવસ માટે જૂનાગઢ ખાતે સરકારી જિલ્લા ગ્રંથાલયમાં, ગ્રંથાલય અને અભિવ્યક્તિ ફોરમના સહકારથી ગાંધીજીના સમગ્ર જીવનને દર્શાવતું, ગાંધીજીના વાસ્તવિક ફોટોગ્રાફ્સનું, પ્રદર્શન યોજાયું હતું. બે દિવસ ચાલેલા આ પ્રદર્શનમાં તા:૩૦-૧-૨૦૧૫ના રોજ બપોરે ૨-૩૦થી ૪-૦૦ સુધી વિકિસ્રોત પર ઉપલબ્ધ ગાંધી સાહિત્ય વિશે ગુજ.વિકિપીડિયાના પ્રબંધક અશોક મોઢવાડીયાએ માહિતી આપી હતી. તેમણે વિકિપીડિયા અને વિકિસ્રોતની કામગીરી, તકનિકી જાણકારીઓ અને ઉપલબ્ધ કૃતિઓ વિશે જીવંત નિદર્શન આપ્યું હતું. આ પ્રદર્શન બન્ને દિવસ સવારે ૯-૦૦થી રાત્રે ૧૨-૦૦ સુધી જાહેર જનતા માટે ખુલ્લું રખાયું હતું. વિકિપીડિયા અને અભિવ્યક્તિ ફોરમ દ્વારા આયોજીત આ પ્રદર્શન અને વિકિસ્રોત પર ઉપલબ્ધ સાહિત્ય વિશે મુલાકાતીઓએ ભારે રસપૂર્વક જાણકારી મેળવી હતી. પ્રદર્શનનું ઉદ્‌ઘાટન શિક્ષણવિદ્‌ અને બહાઉદિન કોલેજના નિવૃત પ્રિન્સિપાલ ધોળકિયા સાહેબે કર્યું હતું. તેમણે તથા સરકારી જિલ્લા ગ્રંથાલયના ગ્રંથપાલ રાવલ સાહેબે આ પ્રસંગે ઉપસ્થિત રહી ગાંધીજીના જીવનકવન વિશે માર્ગદર્શન આપ્યું હતું. શહેરનાંં મેયર, ડે.મેયર સમેત અગ્રગણ્ય નગરજનો અને શાળા-મહાશાળાના વિદ્યાર્થીઓ તથા ગ્રંથાલયનાં નિયમિત વાચકોએ આ પ્રદર્શન અને વિકિપીડિયાના નિદર્શનને રસપૂર્વક નિહાળ્યું હતું. અગ્રગણ્ય અખબારો (દિવ્યભાસ્કર, પાના-૭ પર જાઓ) અને સ્થાનિક ટી.વી. ચેનલોએ આ પ્રસંગની યોગ્ય નોંધ લીધી હતી. (જો કે, અખબારીનોંધમાં પ્રબંધકના પ્રવચનના અંશોની થોડી સેળભેળ થયેલી છે, ટૂંકાવેલી વિગતોને કારણે કેટલીક બાબતો અસ્પષ્ટ રહી છે, પણ વિકિસ્રોતની વેબકડી સાથે આપણાં કાર્યક્રમની નોંધ લેવાઈ એ બાબતે આપણે આભારી છીએ.) નીચે આ પ્રસંગનાં થોડાં ચિત્રો આપેલાં છે.

અહેવાલ---અશોક મોઢવાડીયાચર્ચા/યોગદાન ૧૬:૧૩, ૬ ફેબ્રુઆરી ૨૦૧૫ (IST)[ઉત્તર]

ચિત્ર ગેલેરી[ફેરફાર કરો]

પ્રતિભાવો[ફેરફાર કરો]

  1. ખૂબ સુંદર કાર્ય અશોકભાઈ! આપના કાર્યની સરાહના કરું એટલી ઓછી છે. ફક્ત વિકિપીડિયા અને વિકિસ્રોત પર જ નહિ, પરંતુ તમે વિકિની બહાર પણ સામાન્ય જનતા વચ્ચે જઈને આપણો સંદેશો પહોંચાડતા રહો છે તે ઉમદા કાર્ય છે. વળી પાછું આ બધું અન્ય પાસેથી કોઈ જાતનું મહેનતાણું કે ખર્ચ લીધા વગર, ગાંઠનું ગોપીચંદન ઘસીને... તમને મારી સો સો સલામ!--ધવલચર્ચા/યોગદાન ૧૭:૦૯, ૬ ફેબ્રુઆરી ૨૦૧૫ (IST)[ઉત્તર]

બગસરા ખાતે વિકિપીડિયા પ્રચાર-પ્રસાર કાર્યક્રમ (અહેવાલ)[ફેરફાર કરો]

તા:૧૭ જાન્યુઆરી, ૨૦૧૫ના રોજ, અમરેલી જિલ્લાના બગસરા ગામે, બાળ કેળવણી મંડળ સંકુલમાં વિકિપીડિયાના પ્રચાર-પ્રસાર ઉપક્રમે અન્ય બે સંસ્થાઓ, સાયન્સ મ્યુઝિયમ, જૂનાગઢ અને સૂરજબા મેમોરિયલ, પેટલાદના સહયોગથી વિશ્વના દેશોના રાષ્ટ્રધ્વજનું પ્રદર્શન અને વિજ્ઞાન પ્રદર્શનનું આયોજન કરેલું. તેનો બગસરાની સઘળી શાળાઓના બાળકો અને શિક્ષકગણે લાભ લીધો હતો. વિકિપીડિયા ગુજરાતીના પ્રબંધક સભ્ય અશોક મોઢવાડીયા અને સભ્ય વ્યોમજી તથા સાયન્સ મ્યુઝિયમના ભાવેશભાઈ, વિદ્યાર્થી ગૃપના રાજુભાઈ ઓડેદરા તથા હિરેનભાઈએ આ કાર્યક્રમને સફળ બનાવવા સેવાઓ આપી હતી. ઉપરોક્ત સ્થળે બપોર પછી ૩ વાગ્યાથી ૫-૩૦ સુધી પ્રદર્શન અને સંલગ્ન વિકિપીડિયા અને સ્રોત વિશે માહિતી આપવાનું આયોજન થયેલું.
બગસરા એટલે ઝવેરચંદ મેઘાણીની કર્મભૂમિ, વિકિસ્રોત પર આપણા મિત્રોએ બહુમહેનતે ચઢાવેલા મેઘાણી સાહિત્ય વિશે જાણી ઉપસ્થિત સૌ મહાનુભાવો અને બાળકોએ આનંદ અનુભવ્યો હતો અને સ્રોત પર કાર્યરત સૌ સભ્યોને અભિનંદન પાઠવ્યા હતા. અહીં આ કાર્યક્રમની ચિત્રઝલક આપી છે.--અશોક મોઢવાડીયાચર્ચા/યોગદાન ૦૧:૫૦, ૧૮ જાન્યુઆરી ૨૦૧૫ (IST)[ઉત્તર]

ચિત્ર ગેલેરી[ફેરફાર કરો]

પ્રતિભાવો[ફેરફાર કરો]

જૂનાગઢ ગાંધીકથામાં વિકિ દ્વારા ચિત્ર પ્રદર્શનીનું આયોજન (અહેવાલ)[ફેરફાર કરો]

  • તા:૨૯-૧૧-૨૦૧૩ થી ૩-૧૨-૨૦૧૩ સુધી, સાંજે ૪ થી ૭ કલાકનાં સમયે, એન.બી.કાંબલીયા વિદ્યાલય, મોતીબાગ રોડ, જૂનાગઢ ખાતે, રૂપાયતન સંસ્થા (જ્યાં આપણે વિકિસ્રોતની પ્રથમ વર્ષગાંઠની ઉજવણી કરી હતી) દ્વારા, શ્રી.નારાયણ દેસાઈનાં વ્યાસાસને ગાંધીકથાનું આયોજન કરાયું છે. સૌ મિત્રોને સહર્ષ જણાવવાનું કે, આ કથાસ્થળે આપણે વિકિપીડિયા, વિકિસ્રોત અને ગાંધીસ્મૃતિ સંસ્થા, ભાવનગરનાં સહયોગથી ગાંધીજીનાં જીવન કવનને દર્શાવતા ૧૦૦ ઉપરાંત વાસ્તવિક ફોટોગ્રાફ્સનું પ્રદર્શન યોજેલું છે. આ સાથે ત્યાં વિકિસ્રોત પર આપણાં વિકિમિત્રોએ અક્ષરાંકન કરી ઉપલબ્ધ બનાવેલાં ગાંધીજીનાં પુસ્તકો અને વિકિપીડિયા પર ઉપલબ્ધ ગાંધીજી વિષયક પાનાંઓ પણ કમ્પ્યુટર દ્વારા દર્શકોને દર્શાવવામાં અને એ વિષયે માહિતી આપવામાં આવે છે. પાંચ દિવસીય કથા સાથે આ પ્રદર્શન પણ જાહેર જનતા માટે ઉપલબ્ધ રહેશે. આ કાર્યમાં જૂનાગઢ ખાતેનાં સૌ વિકિમિત્રો અને અન્ય શુભેચ્છક મિત્રોનો સહયોગ મળેલો છે. સચિત્ર અહેવાલ ટૂંક સમયમાં રજુ કરાશે. અનૂકુળ પડતાં સૌ વિકિમિત્રોને આ કાર્યક્રમ અને પ્રદર્શનનાં આપણાં સ્ટોલની મુલાકાત લેવા આમંત્રણ છે. --અશોક મોઢવાડીયાચર્ચા/યોગદાન

ચિત્ર ગેલેરી[ફેરફાર કરો]

જૂનાગઢ-ગુજરાત-ભારત ખાતે તા:૨૮-૧૧-૨૦૧૩ થી યોજાયેલી ગાંધીકથામાં વિકિપીડિયા અને વિકિસ્રોત ગુજરાતી પરનાં ગાંધીજીનાં પુસ્તકો અને ગાંધીજી વિષયક લેખો તથા ગાંધીજીનાં જીવન-કવનનાં ચિત્રોનું પ્રદર્શન. વિકિમિત્રો દ્વારા.

ખૂબ ખૂબ અભિનંદન.--sushant (talk) ૧૬:૨૮, ૩૦ નવેમ્બર ૨૦૧૩ (IST)[ઉત્તર]

જૂનાગઢ ખાતે મલ્ટીમિડિયા મેલામાં વિકિ[ફેરફાર કરો]

જૂનાગઢ (ગુજરાત-ભારત) ખાતે યોજાયેલા મલ્ટીમિડિયા મેલા ખાતે વિકિપીડિયા અને વિકિસ્રોતના સદસ્યો અને મિત્રો. -ડાબેથી, અશોક મોઢવાડીયા, ભાવેશ જાદવ (આયોજક), વ્યોમ મજમુદાર, હિરેન મોઢવાડીયા.

જુનાગઢના પ્રસિદ્ધ ગાર્ડન કાફે અને સાયન્સ મ્યુઝિયમ ખાતે તા: ૨૫-૪-૨૦૧૩ થી ૨૮-૪-૨૦૧૩ સુધી યોજાયેલા ’મલ્ટીમિડિયા મેલા’માં, મેલાના આયોજક ભાવેશ જાદવ દ્વારા વિકિ પ્રત્યે આદરની લાગણીસહ વિકિના પ્રચાર-પ્રસાર અર્થે નિઃશુલ્ક સ્ટોલ આપવામાં આવ્યો હતો. આ મેલાનું આયોજન સાયન્સ મ્યુઝિયમ અને પ્રસિદ્ધ શિક્ષણ સંસ્થા ડૉ.સુભાષ અકાદમી (ઇજનેરી શાખા) દ્વારા કરાયું હતું.

ઉપરોક્ત ચાર દિવસ સુધી, સાંજે ૫-૦૦થી ૧૧-૦૦ કલાક સુધી ચાલતા આ મેળામાં ક્મ્પ્યુટર હાર્ડવૅર, સોફ્ટવૅર, મલ્ટીમિડિયા સંલગ્ન અત્યાધુનિક સાધન સામગ્રીઓ, વિજ્ઞાન, તકનિકી અને નૉલેજ વિષયક સાહિત્ય, સી.ડી. ડી.વી.ડી. વગેરેનું ભવ્ય પ્રદર્શન ગોઠવવામાં આવ્યું હતું. શહેરનાં મલ્ટીમિડિયા તથા કમ્પ્યુટર જગત ઉપરાંત શિક્ષણ સાથે સંકળાયેલી સંસ્થાઓએ પોતપોતાના સ્ટૉલ ઊભા કર્યા હતા.

આ મેળામાં દરરોજ દૃશ્ય-શ્રાવ્ય માધ્યમ દ્વારા વિવિધ માહિતીઓ આપતા ત્રણ શૉ પણ યોજાયેલા. આ દરેક શૉ દરમિયાન આપણે ગુજરાતી વિકિપીડિયા અને વિકિસ્રોત વિષયક પ્રાથમિક માહિતીઓ આપતા સ્લાઈડ શૉ દર્શાવવાનું આયોજન કર્યું હતું. સ્લાઈડ શૉનું સંચાલન વ્યોમ મજમુદાર અને હિરેન મોઢવાડીયા દ્વારા કરાયું હતું. આ ઉપરાંત મેળા ખાતે અત્યાધુનિક 3D થિએટરમાં 3D ચલચિત્રોની ઝલક પણ બતાવવામાં આવતી હતી.

આ મુખ્ય શૉ ઉપરાંતના સમયે આપણે સ્ટૉલ પર, કમ્પ્યુટર દ્વારા સ્લાઈડ શૉ બતાવી અને મુલાકાતીઓને વ્યક્તિગત માહિતી આપવાનું પણ રાખેલું. વિકિપીડિયાનાં પ્રબંધક લેખે અશોક મોઢવાડીયા તથા વ્યોમ મજમુદાર દ્વારા આ આખા કાર્યક્રમનું સંચાલન કરાયું હતું. અન્ય સ્થાનિક મિત્રોએ પણ જરૂર પ્રમાણેની સેવાઓ આપી હતી. લોકોએ ભારે ઉત્સાહભેર આ મેળાનો આનંદ ઉઠાવ્યો હતો. --અશોક મોઢવાડીયાચર્ચા/યોગદાન ૨૩:૩૩, ૩ મે ૨૦૧૩ (IST)[ઉત્તર]

પ્રતિભાવો[ફેરફાર કરો]

વાહ ભાઈ વાહ, શુંં વાત છે ગરવા ગુજરાતીઓ..!! --સભ્ય:Pradipsinh hada

આવો આપણે જાણીએ કાર્યક્રમ, ભરુચ[ફેરફાર કરો]

કાર્યક્રમ દરમ્યાન જયમ પટેલ

આવો આપણે જાણીએ આ કાર્યક્રમ ભરુચ ખાતે આવેલા નર્મદાનગર કોમ્યુનિટી સાયન્સ સેન્ટરના ઉપક્રમે યોજાયેલા ભરુચ જિલ્લાઓની શાળાઓ માટેના વિજ્ઞાનમેળા દરમ્યાન કરવામાં આવ્યો હતો. એમાં ગુજરાતી વિકિપીડિયા તેમજ વિકિસ્ત્રોતનો લાભ કઈ રીતે મેળવી શકાય, હાલમાં કઈ કઈ માહિતીઓ/ પુસ્તકો/ રચનાઓ ઉપલબ્ધ છે, અહીં યોગદાન કઈ રીતે કરી શકાય, ગુજરાતી ભાષામાં કેવી રીતે લખી શકાય, વિકિ નીતિઓ શું છે, વગેરે બાબતોની સમજ લોકોને આપવામાં આવી હતી. આ ઉપરાંત જુદા જુદા લેખો લોકોને કોમ્પ્યુટર પર બતાવ્યા હતા. આ મેળો બે દિવસ ચાલ્યો હતો. ભરુચ રહેતા દેવેન્દ્રસિંહ ગોહિલ, સતિષ પટેલ તથા જયમપટેલ વિકિપીડિઅન તરીકે હાજર રહ્યા હતા.--સતિષચંદ્ર (talk) ૨૧:૨૪, ૧૦ ફેબ્રુઆરી ૨૦૧૩ (IST)[ઉત્તર]

પ્રતિભાવો[ફેરફાર કરો]

અદ્‌ભુત, અતિ અદ્‌ભુત સતિષભાઈ! મને એકલા હાથે કોઈ પણ બાહ્ય મદદ વગર આવા dedication સાથે નિઃસ્વાર્થ ભાવે કામ કરવાનું સૌ વિકિપીડિયનો શીખે તો ગુજરાતી પ્રજા ધન્ય થઈ જાય. આપની સરાહના કરું એટલી ઓછી છે. અને હા, સાથે સાથે દેવેન્દ્રસિંહજી અને આપણા જયમભાઈએ પણ ખભેખભા મીલાવીને આ વિજ્ઞાનમેળામાં સૌને વિકિપીડિયા વિષે જ્ઞાન વહેંચ્યું તે બદલ વિકિપીડિયા વતી હું પ્રબંધકને નાતે અને આપના અંગત ચાહકને નાતે પણ આપનો આભારી છું.--ધવલચર્ચા/યોગદાન ૦૪:૧૨, ૧૧ ફેબ્રુઆરી ૨૦૧૩ (IST)[ઉત્તર]
આપની ત્રિપુટીને ખોબલે ખોબલે અભિનંદન. --sushant (talk) ૧૧:૦૪, ૧૧ ફેબ્રુઆરી ૨૦૧૩ (IST)[ઉત્તર]
શ્રી સતિષભાઈ, દેવેન્દ્રભાઈ અને જયમ. આપનો હાર્દિક ધન્યવાદ અને વિકિપીડિયા વતી હાર્દિક આભાર. આમ જ, આપના કાર્યોથી પ્રેરણા પામી, અમ જેવા અન્ય સભ્યશ્રીઓ પણ ઉત્સાહ પામશે. વાહ ! --અશોક મોઢવાડીયાચર્ચા/યોગદાન ૧૬:૨૬, ૧૧ ફેબ્રુઆરી ૨૦૧૩ (IST)[ઉત્તર]
ખૂબ જ સરસ. ધન્યવાદ. આ જ રીતે આપણે પણ વિકિસ્રોતની વર્ષગાંઠ નિમિત્તે રૂપાયતન ખાતે આયોજન કરીશુ. - નિલેશ બંધીયા (talk) ૧૮:૨૩, ૧૧ ફેબ્રુઆરી ૨૦૧૩ (IST)[ઉત્તર]