વિકિપીડિયા ચર્ચા:એશિયાઈ માસ ૨૦૨૫

પોતાના દેશ સિવાયના લેખો?

@Snehrashmi મેટા પર ચેક કરતાં મને લાગ્યું કે એશિયાને કેન્દ્રિત કોઈ પણ લેખો બનાવવા માન્ય છે. પોતાના દેશ સિવાયના જ લેખો બનાવવા- આ જરૂરિયાત કાઢી દેવામાં આવી છે. બૃહસ્પતિ ^{મારી સાથે વાત કરો} ૦૮:૧૩, ૧ નવેમ્બર ૨૦૨૫ (IST)

@Brihaspati ધ્યાન દોરવા બદલ આભાર. હા, મેં ઉપરછલ્લું વાંચેલું કે હવે દર વર્ષે થીમ પ્રમાણે લેખ સંપાદન કરવા બાબતે ત્યાં સ્પષ્ટતા કરેલી છે. વધુ અભ્યાસ કરીને પ્રત્યુતર પાઠવું. સ્નેહરશ્મિ (ચર્ચા) ૨૦:૧૫, ૧ નવેમ્બર ૨૦૨૫ (IST)

@Snehrashmi આ બાબતે મેં સુયશભાઈ તથા સંતોષભાઈ સાથે વાત કરી છે. બંનેના મતાનુસાર એશિયા વિશેના કોઈ પણ લેખ બનાવી શકાશે. આપ પણ ચેક કરીને સત્વરે અપડેટ કરશો. બૃહસ્પતિ ^{મારી સાથે વાત કરો} ૧૦:૦૨, ૫ નવેમ્બર ૨૦૨૫ (IST)

આ વર્ષના વિષયને ધ્યાનમાં લેતાં આપનું મંતવ્ય યોગ્ય છે, તથા આ સંબંધમાં આંતરરાષ્ટ્રીય આયોજકોની પણ મંજૂરી પ્રાપ્ત છે. તેમ છતાં, મારા વ્યક્તિગત અભિપ્રાય મુજબ, જો એશિયા કેન્દ્રિત લેખોમાંથી "પોતાના દેશ સિવાયના વિષયો"નો નિર્દેશ દૂર કરવામાં આવે, તો આ સ્પર્ધા પૂર્ણ રીતે ભારત-કેન્દ્રિત લેખસંપાદન તરફ વળી જશે. ગુજરાતી વિકિપીડિયા પર લેખસંખ્યા વૃદ્ધિ માટે આ સકારાત્મક બની શકે, પરંતુ તેનાથી સ્પર્ધાનું મૂળ ધ્યેય અને સત્વ બદલાઈ જવાની શક્યતા છે.

આમ છતાં, આ બાબતનો આખરી નિર્ણય નિર્ણાયકશ્રી પર છોડું છું. સ્નેહરશ્મિ (ચર્ચા) ૧૦:૧૩, ૫ નવેમ્બર ૨૦૨૫ (IST)

હું અંગતપણે અશિયાઈ માસની સ્પર્ધા હોવાથી ભારત સીવાયના દેશો વિષયક લેખો બનાવવાની હિમાયત કરું. કેમ કે, ભારત સંલગ્ન લેખો તો આપણે ફોકલોર એન્ડ ફેમિનિઝમ જેવી વિવિધ અન્ય પરિયોજનાઓ/સ્પર્ધાઓ દરમ્યાન બનાવતા જ હોઈએ છીએ. ધવલ^{ચર્ચા/યોગદાન} ૧૫:૨૦, ૫ નવેમ્બર ૨૦૨૫ (IST)

@Dsvyas ધવલભાઈ, આપણી પાસે છેલ્લા ૧૨ મહિનામાં સૌથી વધુ સર્ચ થતા તથા જોઈતા લેખો પણ પૂરતા નથી. જેમ કે કોઈ ભારતની મહિલા ક્રિકેટર, આઇપીએલની નવી સિઝન, નવોદિત કલાકારો, ફરવા જવાના સ્થળો જેવા રાજસ્થાનના મહેલો અને મહારાષ્ટ્રના કિલ્લા જેને યુનેસ્કોએ ધરોહર જાહેર કર્યા છે વગેરે. તેના લીધે (તથા અન્ય કારણોસર) ગુજરાતી વિકિ પર કદાચ ટ્રાફિક પણ ઘટ્યો છે.

આ સિવાય ઘણા બધા ગુજરાત/ભારતને લગતા કાયદાકીય, નાણાંકીય, રમતગમતના, અર્થશાસ્ત્રીય, રાજકીય, ભૂગોળીય, ઐતિહાસિક વગેરે પાયાના લેખો જ આપણી પાસે નથી. “ફોકલોર એન્ડ ફેમિનિઝમ”માં પણ મેં ઉપર બતાવ્યા તેમાંથી ઘણા બધા વિષયો સ્પર્શી શકતા નથી. અલગ એડિટાથોન માટે ફંડ પણ હવે સરળતાથી મળતું નથી.

તેથી ટૂંકમાં કહું તો જાપાન કે ચીનના વિષયો પર લેખ બનાવવાની વાતનો વિરોધ નથી પરંતુ આપણી પાસે પાયાના જ લેખો ન હોય ત્યારે આવી એડિટાથોનમાં ગુજરાત/ભારતને સંલગ્ન લેખો બનતા રોકવા ન જોઈએ તે મારૂં મંતવ્ય છે.

ઉપાય છે કે આપણે શ્રેષ્ઠ લેખનું એક પ્રતિકાત્મક ઇનામ રાખીએ. તે ઇનામ ગેર-ભારતીય લેખને આપવાનું રાખીએ તથા ભારતને લગતા લેખોને મુખ્ય સ્પર્ધામાં માન્ય રાખીએ—તો એક કાંકરે બે પક્ષી મરાય એમ છે. બૃહસ્પતિ ^{મારી સાથે વાત કરો} ૧૫:૪૧, ૫ નવેમ્બર ૨૦૨૫ (IST)

પણ મારો સવાલ એ છે @Brihaspatiભાઈ, કે આપણે શું કામ આ લેખો બનાવવા માટે કોઈ પ્રતિયોગિતાની રાહ જોવી પડે? પ્રતિયોગિતા કોઈ એક વિશિષ્ટ ઉદ્દેશ માટે અને હંગામી હોય છે, જ્યારે વિકિપીડીયા કાયમી છે. તમે જણાવેલા વિષયોની ખોટ આપણે ત્યાં રાતોરાત તો ઊભી થઈ નથી, તો આજ સુધી કેમ આપણે એ વિષયક લેખો નથી બનાવી શક્યા? શું આપણે દરેક લેખ બનાવવા માટે કોઈ પ્રતિયોગિતા, ઇનામ, મહેનતાણું જાહેર કરવું પડે? તો જ એ કામ થઈ શકે? મારો કોઈ વિષય માટે વિરોધ કે લગાવ નથી, પણ હું એમ માનું કે પ્રતિયોગિતા વિશિષ્ટ લેખો બનાવવા માટે હોવી જોઈએ અને એ સિવાય પણ લેખો બનતા રહેવા જોઈએ. ધવલ^{ચર્ચા/યોગદાન} ૧૫:૫૮, ૫ નવેમ્બર ૨૦૨૫ (IST)

@Dsvyas@Snehrashmi પરંતુ ભારતીય તહેવારો અને મેળા- જેને એશિયાઇ મહિના માટે મેટા પેજ પર વ્યાખ્યાયિત કર્યા જ છે- તેના માટે શું તકલીફ છે? બૃહસ્પતિ ^{મારી સાથે વાત કરો} ૧૮:૨૭, ૫ નવેમ્બર ૨૦૨૫ (IST)

તકલીફ કશી નથી ભાઈ. પ્રતિયોગિતાનો મૂળ આશય જળવાઈ રહે એ બાબતે મેં મારો મત સ્પષ્ટ કર્યો છે. મારી અસહમતીના કારણો પણ રજૂ કર્યા છે. વિકિપીડિયા પર સામગ્રીનો વ્યાપ વધે એ બાબતે મને વાંધો થોડો હોય! મેં મારી અસહમતી દર્શાવી છે, આપ સહમતી દર્શાવો છો તો નીચે તેના સમર્થનમાં સહી કરો. બસ. અને ચર્ચાને આગળ ન વધારતાં વચગાળા નિયમ તરીકે હું "પોતાના દેશ સિવાયના વિષયો" પર મારું ધ્યાન આપીશ, આપ મેટા પર વ્યાખ્યાયિત વિષયો પર ધ્યાન આપો. સ્નેહરશ્મિ (ચર્ચા) ૨૦:૧૧, ૫ નવેમ્બર ૨૦૨૫ (IST)

તીર બરાબર નાભિ પર! --કાર્તિક ^{ચર્ચા} ૧૯:૩૯, ૫ નવેમ્બર ૨૦૨૫ (IST)

ખૂબ ખૂબ આભાર આ નિર્ણય બદલ. ભારતને લગતા હજુ ઘણા પેજ બનાવી ગુજરાતી વિકિપીડિયાને સમૃદ્ધ બનાવી શકાશે. MovieLoverFan (ચર્ચા) ૦૧:૦૭, ૧૮ નવેમ્બર ૨૦૨૫ (IST)

સમર્થન

• તરફેણ--બૃહસ્પતિ ^{મારી સાથે વાત કરો} ૧૦:૩૦, ૬ નવેમ્બર ૨૦૨૫ (IST)

વિરોધ

• વિરુદ્ધ પોતાના દેશના લેખોને સમાવિષ્ટ કરવા બાબતે મારી અસહમતી. સ્નેહરશ્મિ (ચર્ચા) ૧૬:૪૭, ૫ નવેમ્બર ૨૦૨૫ (IST)

ટિપ્પણી

* સ્પર્ધકોના ઉત્સાહને ધ્યાને રાખીને હું મારી અસહમતી પાછી ખેંચું છું. સ્નેહરશ્મિ (ચર્ચા) ૨૨:૧૩, ૧૭ નવેમ્બર ૨૦૨૫ (IST)