સભ્યની ચર્ચા:MovieLoverFan

સ્વાગત!

પ્રિય MovieLoverFan, સુપ્રભાત, ગુજરાતી વિકિપીડિયા^{મુક્ત વિશ્વજ્ઞાનકોશ}માં જોડાવા બદલ આપનો આભાર અને અહીં આપનું હાર્દિક સ્વાગત છે!

• જગતભરના જ્ઞાની લોકોથી લખાયેલ વિકિપીડિયા એક ખરેખર મુક્ત વિશ્વજ્ઞાનકોશ છે જેને જ્યાં પણ યોગ્ય લાગે ત્યાં સુધારી શકાય છે.
• વિકિપીડિયા:ગુજરાતીમાં કેવી રીતે ટાઇપ કરવું એ જોઈને થોડો મહાવરો કરવાથી આ જ્ઞાનકોશમાં આપ ફેરફાર કરી શકશો.
• સૌથી પહેલાં આપનો પરિચય અહીં મારા વિષેમાં આપશો તો વધુ સારું રહેશે, કેમકે તે તમારૂં પોતાનું પાનું છે, તમે ત્યાં ગમે તેટલા પ્રયોગો કરી શકો છો અને તમારા વિષે તમને જે યોગ્ય લાગે તે અન્ય વિકિપીડિયનોને જણાવી શકો છો. આ માટે સભ્ય પાનાંની નીતિ જોઇ લેવા વિનંતી છે. તમારી માહિતી વાંચીને અન્યોને તમારો સંપર્ક કયા સંદર્ભે કરવો તેની પણ જાણકારી મળી રહેશે.
• લખવાની શરૂઆત કરતા પહેલા આ નીતિ વિષયક લેખો: નિષ્પક્ષ દૃષ્ટિકોણ, પ્રારંભિક સંશોધન નહીં અને ચકાસણીયોગ્યતા તથા વિકિપીડિયા:વાચકો દ્વારા વારંવાર પૂછાતા સવાલો વાંચી જુઓ જેથી આપે આગળ કેવી રીતે વધવું તેનો ખ્યાલ આવી શકે.
• આપને લાગે કે સારા લખાણને ફેરફાર કરવાથી નુકસાન થશે તો ચર્ચા વિભાગમાં જઈ ફેરફાર કરો. આપે ક્યાં અને શું ફેરફાર કરેલ છે એની નોંધ જોઇ આપને આત્મસંતોષ થશે.
• ફેરફાર કરવા માટે લોગ ઈન (પ્રવેશ) કરવું જરૂરી નથી, પણ લોગ ઈન કરીને કાર્ય કરવાથી એની બરોબર નોંધ થાય છે. એટલે વિકિપીડિયા ઉપર હમેશાં લોગ ઇન કરીને જુઓ અને આપના જ્ઞાનનો લાભ બીજાને પણ આપો.
• નવો લેખ શરૂ કરતાં પહેલા, મુખપૃષ્ઠ પર શોધોમાં શબ્દ ટાઇપ કરીને શોધી જુઓ, અને જો આપને ચોક્કસ જોડણીની માહિતી ના હોય તો જુદી જુદી જોડણી વડે શબ્દ શોધીને પાકી ખાત્રી કર્યા બાદ જ નવો લેખ શરૂ કરવા વિનંતી.
• ક્યાંય પણ અટવાઓ કે મૂંઝાઓ તો નિ:સંકોચ મારો (નીચે લખાણને અંતે સમય અને તારીખનાં પહેલાં લખેલા નામ પર ક્લિક કરીને) કે અન્ય પ્રબંધકોનો સંપર્ક કરશો અને જો ત્યાંથી પણ આપને જવાબ ન મળે તો ચોતરા પર જઈને અન્ય સભ્યોને પૂછવા માટે નવી ચર્ચા ચાલુ કરી શકો છો. ચર્ચાના પાને લખાણ કર્યા પછી અંતે (--~~~~) ટાઈપ કરી અથવા પર ક્લિક કરી અને આપની સહી કરવાનું ભૂલશો નહિ.
• આપને અનુરોધ છે કે સમયાંતરે વિશેષ સમાચાર આપ સુધી પહોંચી શકે તે માટે ગુજરાતી વિકિપીડિયાની ટપાલ યાદીમાં આપનું ઇમેલ સરનામું નોંધાવો.
• અહીં પણ જુઓ: તાજા ફેરફારો, કોઈ પણ એક લેખ.
• જાણીતા પ્રશ્નો માટે જુઓ: મદદ.

-- અશોક મોઢવાડીયા^{ચર્ચા/યોગદાન} ૨૩:૧૯, ૨૧ ઓક્ટોબર ૨૦૧૯ (IST)

ગુજરાતી ચલચિત્રોની સૂચિ

પ્રતિશ્રી ફિલ્મ પ્રેમી ચાહક,

આપના તાજેતરના ગુજરાતી ફિલ્મોની સૂચિ લેખો માટે આભાર. જે પ્રમાણે મેં આપના સભ્ય નામનું ભાષાંતર પ્રયોજ્યું છે, કંઈક એ પ્રમાણે આપ પણ આપે બનાવેલા લેખોમાં મશીન ભાષાંતર જેવા અનુવાદ પરત્વે ધ્યાન આપશો એવી તાકીદ છે. Source માટે 'સંદર્ભ' મથાળું ઉપયુક્ત રહેશે. એ જ પ્રમાણે Cast માટે 'કલાકાર'. આપ વીતેલા વર્ષોની ફિલ્મોની સૂચિ બનાવો છો એટલે ભૂતકાળમાં "થનાર" શબ્દપ્રયોગને બદલે "થયેલી" શબ્દ વધુ ઉપયુક્ત રહે. એજ પ્રમાણે ફિલ્મો "પ્રકાશિત" થવાના બદલે "પ્રદર્શિત" થાય તો ભાષાનું સન્માન જળવાઈ રહેશે. આ ઉપરાંત એક મહત્વનું સૂચન હતું કે, એકસામટા લેખો પ્રકાશિત કરવા કરતાં એક લેખ પૂર્ણ કર્યા પછી જ અન્ય લેખ પર કામ ચાલુ કરશો, કદાચ આવનાર દિવસોમાં આપની ફિલ્મ લેખ પ્રત્યેની ચાહત ઓછી થઈ જાય તો અન્ય સંપાદકો પર ના છૂટકે પણ આપના અધૂરાં લેખો પૂરા કરવાની જવાબદારી આવી પડે. મારા સૂચનો પ્રત્યે આપ અમલવારીનું વલણ અપનાવશો એવી આશા સહ આપના સકારાત્મક યોગદાનની ઉમેદ... સ્નેહરશ્મિ (ચર્ચા) ૦૯:૩૮, ૧૮ નવેમ્બર ૨૦૨૫ (IST)

પ્રતિશ્રી સ્નેહરશ્મિભાઈ

આપના સૂચનો બદલ ખૂબ ખૂબ આભાર. હું ચોક્કસપેણે આપના ભાષાકીય સૂચનોને ધ્યાનમાં રાખી કાર્ય કરીશ. મે હાલ બનાવેલ બધા ફિલ્મના લેખ પૂર્ણ કરીને જ નવા લેખ તરફ આગળ વધીશ. આપ માર્ગદર્શન કરશો એવી અપેક્ષા છે. MovieLoverFan (ચર્ચા) ૧૩:૪૦, ૧૮ નવેમ્બર ૨૦૨૫ (IST)

ભાઈ શ્રી. આ ફિલ્મોની સૂચિમાં લેખો એશિયાઈ માસ ૨૦૨૫ માટે બનાવેલ છે. તો એ દિશામાં કોઈ ધ્યાન રાખવા જેવી બાબત હો તો જણાવવા વિનંતી. આભાર. MovieLoverFan (ચર્ચા) ૧૩:૫૩, ૧૮ નવેમ્બર ૨૦૨૫ (IST)

@MovieLoverFan, એશિયાઈ માસ ૨૦૨૫ પ્રતિયોગિતામાં આપના રસ અને યોગદાન માટે આભાર. અલબત્ત આપને જણાવવાનું કે સૂચિ લેખો ફાઉન્ટન ટૂલ દ્વારા સ્વીકાર્ય થતા નથી. ફાઉન્ટેન ટૂલ ટેબલ ઢાંચામાં રહેલી સામગ્રીના બાઈટ્સ અને શબ્દ સંખ્યાને ધ્યાને લેતું નથી એથી આપના આ સૂચિ લેખો પ્રતિયોગિતામાં સ્વીકાર્ય થશે નહિ. આપને અનુરોધ હતો કે સૂચિ લેખો સિવાયના અન્ય વિષયો પર કામ કરશો તથા ઓછામાં ઓછા ચાર લેખો સ્પર્ધામાં રજૂ કરવા જરૂરી બને છે એ પણ ધ્યાને લેશો. આભાર. સ્નેહરશ્મિ (ચર્ચા) ૦૮:૦૬, ૧૯ નવેમ્બર ૨૦૨૫ (IST)

@Snehrashmi, આપનો ખૂબ ખૂબ આભાર આ બાબતે ધ્યાન દોરવા. તો આ પ્રતિયોગિતા માટે જાણીતી વ્યક્તિ વિશેષના તેમજ હાલમાં પ્રદર્શિત ગુજરાતી ફિલ્મોના લેખ માન્ય ગણાઈ શકે? સ્પર્ધા માટે માન્ય ન હોવા છતાં હું આ સૂચિ લેખો મારા રસના વિષે હોવાથી પૂર્ણ કરીશ. MovieLoverFan (ચર્ચા) ૧૧:૪૪, ૧૯ નવેમ્બર ૨૦૨૫ (IST)

અને એ માટે એક-એક કરી ને સૂચિ લેખો બનાવશો, તમે બનાવેલી છએ છ સૂચિઓ ફક્ત જાન્યુઆરીથી માર્ચ દરમ્યાન પ્રદર્શિત થયેલી ફિલ્મોની જ સૂચિ બનાવી છે, એના બદલે એક લેખમાં આખા વર્ષના ચલચિત્રોની સૂચિ બનાવી હોત તો વધુ સારું રહેત. પ્રતિયોગિતાઓમાં જીતવા માટે લેખો બનાવવાની પ્રેરણા મળે તે બરોબર છે, પણ ફક્ત સંખ્યા ને જ પ્રાધાન્ય ન આપવું, ગુણવત્તાને પણ આપવું. ધવલ^{ચર્ચા/યોગદાન} ૧૫:૫૭, ૧૯ નવેમ્બર ૨૦૨૫ (IST)

@Dsvyas આપના સૂચનો બદલ આભાર. હું પહેલા આ બધા સૂચિ લેખો પૂર્ણ કરીને પછી જ નવા સૂચિ લેખો તરફ વળીશ. હાલ બધા લેખો પર જાન્યુઆરીથી માર્ચ દરમિયાન પ્રદર્શિત ફિલ્મોની સૂચિ છે જે રોજ થોડી થોડી પૂર્ણ કરીશ. ભવિષ્યમાં નવા લેખ બનાવતી વખતે આ કાળજી રાખીશ. MovieLoverFan (ચર્ચા) ૧૬:૧૨, ૧૯ નવેમ્બર ૨૦૨૫ (IST)

આ મુદ્દાઓ ઉલ્લેખવા બદલ આભાર @સ્નેહરશ્મિ, મશિન ભાષાંતરિત લેખો ન બનાવવા અને જો બનાવો તો પણ એકસાથે એકથી વધુ તો નહીં જ એવો હું પણ આગ્રહ રાખીશ જ. વળી એ યાદિઓના લેખો જોતા બીજી એ વાત પરત્વે ધ્યાન દોરવાનું કે, અંગ્રેજી લેખોમાં ગુજરાતી નામો/શબ્દોને ત્રાંસા અક્ષરો (Italics)માં લખાય છે, પણ આપણે જ્યારે ગુજરાતીમાં ગુજરાતી નામો/શબ્દસમુહો લખતા હોઈએ ત્યારે એને ત્રાંસા લખવામાં નથી આવતા. અલબત્ત ગુજરાતી ભાષામાં કોઈ જ શબ્દો ત્રાંસા અક્ષરોમાં નથી લખાતા. ધવલ^{ચર્ચા/યોગદાન} ૧૫:૪૮, ૧૮ નવેમ્બર ૨૦૨૫ (IST)

ધન્યવાદ ધવલભાઈ. આ બધા લેખો મશિન ભાષાંતરિત નથી કરેલા. હું એક એક નામ ચકાસીને ઉમેરું છું. હાલ મે ફિલ્મોના નામ ત્રાંસા અક્ષરો (Italics) માં લખેલા છે, તેમાં જો ત્રાંસા લખવાનો નિયમના લાગુ પાડવાનો હો તો જણાવજો. MovieLoverFan (ચર્ચા) ૧૯:૦૩, ૧૮ નવેમ્બર ૨૦૨૫ (IST)

આ ત્રાંસા અક્ષરો અંગ્રેજી વિકિપીડિયામાં અન્ય ભાષાના શબ્દો દર્શાવવા વપરાય છે. એની અહીં જરુર નથી. -- કાર્તિક ^{ચર્ચા} ૧૯:૩૦, ૧૮ નવેમ્બર ૨૦૨૫ (IST)

આ વિષે પર વધુ માહિતી બદલ આપનો ખૂબ ખૂબ આભાર કાર્તિકભાઈ. MovieLoverFan (ચર્ચા) ૧૯:૪૩, ૧૮ નવેમ્બર ૨૦૨૫ (IST)

જી, મેં એ જ જણાવ્યું છે કે ગુજરાતી ભાષામાં કોઈ જ અક્ષરો ત્રાંસા લખાતા નથી, ગુજરાતી ભાષામાં ત્રાંસા અક્ષરોનો (ઇટાલિક્સનો) નિયમ લાગુ પડતો નથી. ધવલ^{ચર્ચા/યોગદાન} ૧૫:૫૩, ૧૯ નવેમ્બર ૨૦૨૫ (IST)

સૂચિ વાળા લેખો પ્રતિયોગિતામાં માન્ય છે? ના હોવા જોઇએ. -- કાર્તિક ^{ચર્ચા} ૧૯:૩૧, ૧૮ નવેમ્બર ૨૦૨૫ (IST)

હું પહેલી વખત આવી પ્રતિયોગિતામાં જોડાઈ રહ્યો છું. એથી આપ સૌ અનુભવી લોકો જે નક્કી કરશો એ રીતે આ સૂચિ સિવાય અન્ય લેખો ઉમેરી લઇશ. આભાર. MovieLoverFan (ચર્ચા) ૧૯:૪૭, ૧૮ નવેમ્બર ૨૦૨૫ (IST)