1
જયેશ પારકર ઈલેકટ્રોનિક મીડિયાનું જાણીતું નામ છે. તેઓ વર્ષ 2002થી પત્રકારત્વ ક્ષેત્ર સાથે સંકળાયેલા છે. હાલ તેઓ ટીવી9 ગુજરાતી ન્યૂઝ ચેનલમાં એસોસિયેટ એડિટર અને સિનિયર ન્યૂઝ રીડર તરીકે કાર્યરત છે. તેમના દ્વારા પ્રસ્તુત થતો 'ભક્તિ' કાર્યક્રમ ઘણો જ લોકપ્રિય છે. ગુજરાત અને દેશના મહત્વના તીર્થ સ્થાનોના દર્શન, તહેવારો અને વ્રતોનું વિવરણ અને શાસ્ત્રોક્ત માર્ગદર્શનની આ શ્રેણી ઘણા લોકોના જીવનનો એક ભાગ બની ગઈ છે. આ ઉપરાંત, સમચાર વાચક તરીકે લોકો તેમને ઘણા વર્ષોથી નિહાળતા આવ્યા છે. રાજકીય ચર્ચાઓ અને રાજકીય યાત્રાઓ, સાંપ્રત ઘટનાઓ અને સમસ્યાઓ, માહિત અને મનોરંજનના અનેક કાર્યક્રમો પણ તેઓ રજૂ કરી રહ્યાં છે.
