સભ્ય:Jubu Shaikh

માનસી જોશી

માનસી જોશી (જન્મ 11 જૂન, 1989) ભારતીય પૅરા-બૅડમિન્ટન ખેલાડી છે જેઓ હાલમાં વર્લ્ડ ચૅમ્પિયન છે. (11) તેમણે 2015માં પોતાની કારકિર્દી શરૂ કરી હતી અને હાલમાં તેઓ મહિલાઓની એકલ (SL3 કૅટેગરી)માં વિશ્વમાં દ્વિતીય રૅન્કિંગ ધરાવે છે. (1) (2) (3)

વિકલાંગ લોકોના અધિકારોનાં હિમાયતી માનસીને ઑક્ટોબર 2020માં ટાઇમ મૅગેઝીન દ્વારા ‘નૅક્સ્ટ જનરેશન લીડર 2020’ની યાદીમાં સ્થાન અપાયું હતું અને તેમને મૅગેઝીનના એશિયા અંકના કવર પર સ્થાન મળ્યું હતું. તેઓ આવું સન્માન મેળવનારાં વિશ્વનાં પ્રથમ પૅરા-ઍથ્લીટ અને પ્રથમ ભારતીય ઍથ્લીટ બન્યાં હતાં. (2)

ઇન્ટરનેશનલ ડે ઑફ ગર્લ ચાઇલ્ડ (11 ઑક્ટોબર 2020)ના પ્રસંગે બાર્બીએ નાની છોકરીઓને પ્રોત્સાહિત કરવા માટે માનસી અને તેમની સિદ્ધિઓને બિરદાવી હતી અને માનસી જેવી દેખાતી વન-ઑફ-અ-કાઇન્ડ (OOAK) બાર્બી ડૉલનું મૉડેલ રજૂ કર્યું હતું. (4) બીબીસીએ પણ 2020માં તેમને સમગ્ર વિશ્વમાં 100 સૌથી વધુ પ્રેરણાદાયક અને શક્તિશાળી મહિલાઓમાં સ્થાન આપ્યું હતું તથા પી વી સિંધુ, મેરી કોમ, વિનેશ ફોગટ અને દુતી ચંદની સાથે માનસીને પણ બીબીસી ઇન્ડિયન સ્પૉર્ટ્સવુમેન ઑફ ધ યર ઍવૉર્ડ માટે નામાંકિત કર્યાં હતાં. (1)

પ્રારંભિક જીવન અને પૃષ્ઠભૂમિ

માનસીનો જન્મ ગુજરાતમાં રાજકોટ ખાતે થયો હતો જે તેમનું વતન છે. તેમનો ઉછેર મુંબઈમાં અણુશક્તિનગરમાં થયો હતો. તેમણે અણુશક્તિનગરની ઍટોમિક ઍનર્જી સેન્ટ્રલ સ્કૂલ્સમાં શાળાકીય અભ્યાસ કર્યો હતો અને મુંબઈની કે.જે. સોમૈયા કૉલેજ ઑફ એન્જિનિયરિંગમાંથી ઇલેક્ટ્રૉનિક્સમાં બૅચલર્સ ડિગ્રી મેળવી હતી. (5) રમતગમતમાં ઊંડો રસ ધરાવતાં માનસીએ શાળા અને કૉલેજમાં વૉલીબૉલ, ફૂટબૉલ અને બૅડમિન્ટન જેવી અનેક રમતોમાં ભાગ લીધો હતો. તેમણે બૅડમિન્ટનમાં ઉચ્ચ મહારત પ્રાપ્ત કરી છે. જ્યારે માનસી 6 વર્ષનાં હતાં ત્યારે તેમને આ રમતનો પરિચય તેમના પિતાએ કરાવ્યો હતો જેઓ ભાભા ઍટોમિક રિસર્સ સેન્ટરના નિવૃત્ત અણુવિજ્ઞાની છે. ત્યાર પછી તેમણે વિવિધ ટુર્નામેન્ટમાં પોતાની શાળા, કૉલેજ અને કૉર્પોરેટનું પ્રતિનિધિત્વ કર્યું છે. 2010માં ગ્રૅજ્યુએટ થયાં પછી માનસીએ ઍટૉસ ઇન્ડિયા ખાતે સૉફ્ટવેર એન્જિનિયર તરીકે કામ શરૂ કર્યું હતું. ડિસેમ્બર 2011માં 22 વર્ષીય માનસી એક રોડ અકસ્માતનો ભોગ બન્યાં જેમાં થયેલી ઈજાને કારણે તેઓ વિકલાંગ થઈ ગયાં હતાં. (19)

માનસીએ 45 દિવસ સુધી હૉસ્પિટલમાં રહેવું પડ્યું અને આ દરમિયાન 6 ઑપરેશન કરવામાં આવ્યાં ત્યાર બાદ વાશી, નવી મુંબઈ સ્થિત એમજીએમ હૉસ્પિટલમાંથી તેમને રજા આપવામાં આવી હતી. (6)

વિકલાંગ લોકો માટે અભિયાન ચલાવતા માનસી જોશી વિકલાંગતા અંગેના સમાજના દૃષ્ટિકોણને બદલવા માગે છે. તેમને ગાર્ડનિંગ, રસોઈ, વાંચન અને પ્રવાસ કરવાનું પસંદ છે. (12)

કારકિર્દી

એન્જિનિયરની ડિગ્રી ધરાવતાં માનસીએ ઍટોસ ઇન્ડિયા અને ગુજરાત સ્ટેટ કોઑપરેટિવ બૅન્ક માટે કામ કર્યું છે. ત્યાર પછી તેઓ એક ખેલાડી તરીકે ભારત પૅટ્રોલિયમ કૉર્પોરેશન લિમિટેડમાં જોડાયાં હતાં. (18)

માનસીએ અકસ્માત પછી 2012-13માં ફરીથી ફિટનેસ મેળવવા માટે યોગ, ધ્યાન અને બૅડમિન્ટન રમવાની શરૂઆત કરી. બૅડમિન્ટન રમવાના કારણે તેમને એશિયન પૅરા ગેમ્સ 2014માં સિલેક્શનના ટ્રાયલ્સમાં પ્રવેશ મેળવવામાં મદદ મળી. (6) તેઓ પસંદગી ન પામ્યાં પરંતુ પૅરા બૅડમિન્ટન સમુદાયે તેમની નોંધ લીધી અને આ સાથે એક ઍથ્લીટ તરીકે તેમની યાત્રા શરૂ થઈ. 2015માં માનસી અને તેમના XD પાર્ટનરે ઇંગ્લૅન્ડ ખાતે સ્ટોક મેન્ડવિલેમાં યોજાયેલી બીડબલ્યુએફ પૅરા બૅડમિન્ટન વર્લ્ડ ચૅમ્પિયનશિપમાં મિક્સ્ડ ડબલ્સમાં સિલ્વર મેડલ જીત્યો હતો. (7) (8) ત્યારબાદ તેઓ સમગ્ર વિશ્વમાં જુદી-જુદી ટુર્નામેન્ટમાં એક પછી એક ટાઇટલ જીતવા લાગ્યાં અને તેમનું રૅન્કિંગ આગળ વધતું ગયું. 2018માં માનસી પી. ગોપીચંદ બૅડમિન્ટન એકૅડેમીમાં તાલીમ લેવા માટે હૈદરાબાદ ગયાં. તેમણે ઇન્ડોનેશિયામાં જાકાર્તા ખાતે યોજાયેલી એશિયન પૅરા ગેમ્સમાં ભારત વતી કાંસ્યપદક જીત્યો. 2019માં તેમણે સ્વિટ્ઝર્લૅન્ડમાં બાઝલ ખાતે યોજાયેલી બીડબલ્યુએફ પૅરા બૅડમિન્ટન વર્લ્ડ ચૅમ્પિયનશિપમાં ગોલ્ડ મેડલ જીત્યો અને આ સાથે તેઓ વર્લ્ડ ચૅમ્પિયન બન્યાં. (9)

માનસી હાલમાં હૈદરાબાદમાં રહે છે. અત્યારે તેઓ સપ્ટેમ્બર 2021માં ટોક્યો ખાતે યોજાનારા પૅરાલિમ્પિક્સમાં પૅરા બૅડમિન્ટન માટે ક્વૉલિફાય થવાં તૈયારી કરી રહ્યાં છે.

એવોર્ડ અનેે સન્માન

2017 - મહારાષ્ટ્ર રાજ્ય એકલવ્ય ખેલ ક્રીડા પુરસ્કાર (રાજ્યનો સર્વોચ્ચ સન્માન) (17)

2019 - વિકલાંગતા ધરાવતા શ્રેષ્ઠ ખેલાડીનો રાષ્ટ્રીય ઍવૉર્ડ (મહિલા) (16)

2019 - ESPN ઇન્ડિયા ઍવૉર્ડ્સ ખાતે ડિફરન્ટલી એબલ્ડ ઍથ્લીટ ઑફ ધ યર ઍવૉર્ડ (15)

2019 - ટાઇમ્સ ઑફ ઇન્ડિયા સ્પૉર્ટ્સ ઍવૉર્ડમાં બૅસ્ટ પૅરા ઍથ્લીટ ઑફ ધ યર (12)

2019 - એસિસ 2020 સ્પૉર્ટ્સવુમન ઑફ ધ યર (પૅરા-સ્પૉર્ટ્સ) હિંદુ અખબાર (નોમિની) (14)

2019 – BBC ઇન્ડિયન સ્પૉર્ટ્સવુમન ઑફ ધ યર (10)

2020 –ટાઇમ નૅક્સ્ટ જનરેશન લીડર (2)

2020 - BBC 100 વિમેન (1)

2020 –ફોર્બ્સ ઇન્ડિયા, સૅલ્ફ-મેઇડ વિમેન ઑફ 2020 (13)

અંગત માહિતી

નામ: માનસી ગિરીશચંદ્ર જોશી

દેશ: ભારત

જન્મ: 11 જૂન 1989 (ઉંમર 31 વર્ષ)

પ્રતિનિધિત્વ: ભારત

મહિલા પૅરા-બૅડમિન્ટન ખેલાડી

મેડલ

મોટી ટુર્નામેન્ટ

2019- ગોલ્ડ મેડલિસ્ટ, BWF પૅરા-બૅડમિન્ટન (બાઝલ, સ્વિટ્ઝર્લૅન્ડ) વર્લ્ડ ચૅમ્પિયનશિપ્સ વિમેન્સ સિંગલ્સ

2018- બ્રૉન્ઝ મેડલિસ્ટ, એશિયા પૅરા ગેમ્સ 2018 (જકાર્તા, ઇન્ડોનેશિયા) વિમેન સિંગલ્સ SL3

2017- બ્રૉન્ઝ મેડલિસ્ટ, BWF પૅરા-બૅડમિન્ટન વર્લ્ડ ચૅમ્પિયનશિપ (ઉલ્સાન, દ. કોરિયા) વિમેન્સ સિંગલ્સ

2016- બ્રૉન્ઝ મેડલિસ્ટ, એશિયન પૅરા-બૅડમિન્ટન ચૅમ્પિયનશિપ (બેઇજિંગ, ચીન) વિમેન્સ સિંગલ્સ અને વિમેન્સ ડબલ્સ

2015- સિલ્વર મેડલિસ્ટ, BWF પૅરા-બૅડમિન્ટન વર્લ્ડ ચેમ્પિયનશિપ (સ્ટોક મેન્ડવિલે, ઇંગ્લૅન્ડ) મિક્સ્ડ ડબલ્સ

અન્ય લેવલ-1 ટુર્નામેન્ટ

પેરુ પૅરા-બૅડમિન્ટન ઇન્ટરનેશનલ 2020

ફેબ્રુઆરી-20

વિમેન સિંગલ્સ SL3

બ્રૉન્ઝ

યોનેક્સ કૅનેડા પૅરા-બૅડમિન્ટન ઇન્ટરનેશનલ 2019, ઓટાવા

મે-19

વિમેન સિંગલ્સ SL3

સિલ્વર

યોનેક્સ કૅનેડા પૅરા-બૅડમિન્ટન ઇન્ટરનેશનલ 2019, ઓટાવા

મે-19

વિમેન ડબલ્સ

બ્રૉન્ઝ

સેકન્ડ ફેઝા – દુબઈ પૅરા-બૅડમિન્ટન ઇન્ટરનેશનલ 2019, દુબઈ

એપ્રિલ-19

વિમેન સિંગલ્સ SL3

સિલ્વર

યુગાન્ડા પૅરા-બૅડમિન્ટન ઇન્ટરનેશનલ 2019, કંપાલા, યુગાન્ડા

એપ્રિલ -19

વિમેન સિંગલ્સ SL3

સિલ્વર

યુગાન્ડા પૅરા-બૅડમિન્ટન ઇન્ટરનેશનલ 2019, કંપાલા, યુગાન્ડા

એપ્રિલ -19

વિમેન ડબલ્સ

સિલ્વર

યુગાન્ડા પૅરા-બૅડમિન્ટન ઇન્ટરનેશનલ 2019, કંપાલા, યુગાન્ડા

એપ્રિલ -19

મિક્સ્ડ ડબલ્સ

બ્રૉન્ઝ

5મી ટર્કિશ પૅરા-બૅડમિન્ટન ઇન્ટરનેશનલ - ENESCUP 2019, અંતાલ્યા, તુર્કી

માર્ચ-19

વિમેન સિંગલ્સ SL3

સિલ્વર

ઑસ્ટ્રેલિયા પૅરા-બૅડમિન્ટન ઇન્ટરનેશનલ 2018, ગિલોંગ, ઑસ્ટ્રેલિયા

નવેમ્બર-18

વિમેન સિંગલ્સ SL3

ગોલ્ડ

જાપાન પૅરા-બૅડમિન્ટન ઇન્ટરનેશનલ 2018, ટોક્યો જાપાન

સપ્ટે-18

વિમેન સિંગલ્સ SL3

ગોલ્ડ

થાઇલેન્ડ પૅરા-બૅડમિન્ટન ઇન્ટરનેશનલ 2018, બૅંગકોક થાઈલેન્ડ

જુલાઈ-18

વિમેન સિંગલ્સ SL3

બ્રૉન્ઝ

પ્રથમ ફેઝા – દુબઈ પૅરા-બૅડમિન્ટન ઇન્ટરનેશનલ 2018, દુબઈ UAE

એપ્રિલ -18

વિમેન ડબલ્સ

સિલ્વર

પ્રથમ ફેઝા – દુબઈ પૅરા-બૅડમિન્ટન ઇન્ટરનેશનલ 2018, દુબઈ UAE

એપ્રિલ -18

મિક્સ્ડ ડબલ્સ

બ્રૉન્ઝ

સ્પેનિશ પૅરા-બૅડમિન્ટન ઇન્ટરનેશનલ 2018, એલ્ક્યુડિયા, સ્પેન

માર્ચ-18

વિમેન સિંગલ્સ SL3

ગોલ્ડ

સ્પેનિશ પૅરા-બૅડમિન્ટન ઇન્ટરનેશનલ 2018, એલ્ક્યુડિયા, સ્પેન

માર્ચ-18

વિમેન ડબલ્સ

સિલ્વર

સ્પેનિશ પૅરા-બૅડમિન્ટન ઇન્ટરનેશનલ 2018, એલ્ક્યુડિયા, સ્પેન

માર્ચ-18

મિક્સ્ડ ડબલ્સ

બ્રૉન્ઝ

USA પૅરા-બૅડમિન્ટન ઇન્ટરનેશનલ 2017, કોલોરાડો સ્પ્રિંગ USA

ઑક્ટો-17

વિમેન સિંગલ્સ SL3 (પ્લેઑફ)

સિલ્વર

જાપાન પૅરા-બૅડમિન્ટન ઇન્ટરનેશનલ 2017, ટોક્યો, જાપાન

સપ્ટે-17

વિમેન ડબલ્સ

ગોલ્ડ

સ્પેનિશ પૅરા-બૅડમિન્ટન ઇન્ટરનેશનલ 2017, એલ્ક્યુડિયા, સ્પેન

માર્ચ-17

વિમેન સિંગલ્સ SL3 (એક્ઝિબિશન મેચ)

ગોલ્ડ

સ્પેનિશ પૅરા-બૅડમિન્ટન ઇન્ટરનેશનલ 2017, એલ્ક્યુડિયા, સ્પેન

માર્ચ-17

વિમેન ડબલ્સ

બ્રૉન્ઝ

આયરિશ પૅરા-બૅડમિન્ટન ઇન્ટરનેશનલ 2016, બેલ્ફાસ્ટ, ઉ. આયરલૅન્ડ

જૂન-16

વિમેન સિંગલ્સ SL3

સિલ્વર

આયરિશ પૅરા-બૅડમિન્ટન ઇન્ટરનેશનલ 2016, બેલ્ફાસ્ટ, ઉ. આયરલૅન્ડ

જૂન-16

વિમેન ડબલ્સ

બ્રૉન્ઝ

સંદર્ભસૂચિ

https://www.bbc.com/news/world-55042935 (1)

https://time.com/collection-post/5896369/manasi-joshi-next-generation-leaders/ (2)

https://en.wikipedia.org/wiki/2019_BWF_Para-Badminton_World_Championships (3)

https://timesofindia.indiatimes.com/city/ahmedabad/barbie-doll-modelled-after-para-badminton-champ-manasi-joshi/articleshow/78609033.cms (4)

https://www.news18.com/news/sports/the-inspiring-story-of-manasi-joshi-time-magazines-next-generation-leaders-2948741.html (5)

https://www.bbc.com/news/world-asia-india-51147071 (6)

https://www.theweek.in/news/sports/2019/08/28/Who-is-Manasi-Joshi-who-won-gold-at-BWF-Para-Badminton-World-Championships.html (7)

https://en.wikipedia.org/wiki/2015_BWF_Para-Badminton_World_Championships (8)

https://www.bbc.com/hindi/sport-51307130 (9)

https://www.bbc.com/sport/51107182 (10)

https://www.hindustantimes.com/other-sports/90-differently-abled-can-t-afford-prostheses-para-athlete-manasi-joshi/story-fy5CIXdaZFFi95yHIOfG5M.html (11)

https://timesofindia.indiatimes.com/toisa-2019-happy-that-my-efforts-are-helping-me-get-recognition-says-para-athlete-of-the-year-manasi-joshi/articleshow/74540149.cms (12)

https://www.forbesindia.com/lists/self-made-women-2020/1835/1 (13)

https://sportstar.thehindu.com/aces-awards/sportstar-aces-awards-2020-live-rohit-sharma-kohli-kapil-dev-sindhu-india-cricket-ganguly-leander-steve-smith-mumbai/article30557688.ece (14)

https://www.outlookindia.com/newsscroll/sindhu-saurabh-win-espn-indias-player-of-year-award/1739395 (15)

https://ourcivilsociety.com/2019/11/18/winners-of-national-disability-awards-2019/ (16)

https://twitter.com/joshimanasi11/status/1103548792488386560?lang=en (17)

https://twitter.com/bpclimited/status/1165571072260919296?lang=en (18)

https://www.bbc.com/gujarati/media-51534100 (19)