સભ્ય:Kintu Nevaniya/ પી યુ ચિત્રા

પીયુ ચિત્રા પલક્કીઝિલ ઉન્નીકૃષ્ણન ચિત્રા (જન્મ 9 જૂન 1995 પલક્કડ, કેરળ) ભારતીય મધ્યમ-અંતરનાં દોડવીર છે જેમણે 1500 મીટર ઇવૅન્ટમાં અનેક આંતરરાષ્ટ્રીય ચંદ્રકો જીત્યા છે.[1] એક અંડરગ્રેજ્યુએટ વિદ્યાર્થીની અને ભારતીય રેલવે સાથે કાર્યરત ચિત્રાએ 2017 અને 2019 એશિયન ઍથલેટિક્સ ચૅમ્પિયનશિપમાં ગોલ્ડ મેડલ જીત્યા હતા. તેમણે 2016ની સાઉથ એશિયન ગેમ્સમાં ગોલ્ડ જીત્યો અને 2018ની એશિયન ગેમ્સમાં બ્રૉન્ઝ મેડલ મેળવ્યો.[2]

અંગત જીવન અને પૃષ્ઠભૂમિ:

ભારતના દક્ષિણ રાજ્ય કેરળમાં અંજુ બોબી જ્યૉર્જ, પીટી ઊષા અને શાઇની વિલ્સન જેવા આંતરરાષ્ટ્રીય સ્તરે ભારતનું પ્રતિનિધિત્વ કરનારા ઍથ્લીટ્સની લાંબી યાદી છે. આંતરરાષ્ટ્રીય કક્ષાએ તેમની ઉપલબ્ધિઓ અંગે સાંભળીને ઉછરેલા ચિત્રાનો જન્મ 9 જૂન 1995ના રોજ કેરળના પલક્કડ જિલ્લાના મુંદુર ખાતે દૈનિક વેતન મજૂર તરીકે કામ કરતા એક દંપતીને ત્યાં થયો હતો. 600 રૂપિયાની નાની માસિક સહાય [આશરે 8.15 ડૉલર] અને કેરળ સ્પૉર્ટ્સ કાઉન્સિલ તરફથી પ્રતિ દિવસ મળતા 25 રૂપિયાએ [આશરે 0.34 ડૉલર] મુંદુર ઉચ્ચતર માધ્યમિક શાળામાં ભણતી વખતે તેમને તાલીમ ચાલુ રાખવામાં મદદ કરી.[3]ચિત્રાએ 2013માં ઇટાવા (ઉત્તર પ્રદેશ) માં નેશનલ સ્કૂલ ઍથ્લેટિક્સ મીટમાં અને કેરળ રાજ્ય શાળા મીટમાં શ્રેષ્ઠ ઍથ્લીટનો ઍવૉર્ડ મેળવી બે ટાટા નૅનો કાર પણ જીતી હતી.[4]

કારકિર્દી:

ચિત્રાએ રાજ્ય કક્ષાની અને રાષ્ટ્રીય કક્ષાની શાળા સ્પર્ધાઓમાં પ્રવેશ મેળવ્યો અને 2009ના કેરળ સ્ટેટ સ્કૂલ ઍથ્લેટિક્સ મીટમાં તેમણે 3,000 મીટર ઇવૅન્ટમાં ગોલ્ડ અને 1,500 મીટર રેસમાં સિલ્વર મેડલ જીતીને પોતાની તરફ લોકોનું ધ્યાન દોર્યું હતું.[5] 2011માં પૂણે મહારાષ્ટ્ર ખાતે યોજાયેલી નેશનલ સ્કૂલ ગેમ્સમાં કેરળની આ યુવતીએ 1,500 મીટર, 3,000 મીટર, 5,000 મીટર ઇવૅન્ટમાં ગોલ્ડ મેડલ અને 3 કિલોમિટર ક્રૉસ કન્ટ્રી રેસમાં બ્રૉન્ઝ મેડલ જીત્યો હતો. ચિત્રાએ 2012માં કેરળ રાજ્ય શાળા રમતો, તિરુવનંતપુરમમાં પૂણેના પ્રદર્શનને લગભગ પુનરાવર્તિત કર્યું હતું અને 1,500 મી , 3,000 મી અને 5,000 મી ઇવૅન્ટ્સમાં ટોચ પર રહ્યાં હતાં. 2013માં તેમણે રાજ્ય, રાષ્ટ્રીય અને કૉન્ટિનેન્ટલ સ્તરે ગોલ્ડ મેડલ જીત્યા હતા. ઍર્નાકુલમમાં કેરળ સ્ટેટ સ્કૂલ ગેમ્સમાં તેના પહેલાંના વર્ષે જીતેલા તેમનાં બધા ગોલ્ડ મેડલ્સનો બચાવ કર્યો હતો. ઉત્તર પ્રદેશના ઇટાવા ખાતે નેશનલ સ્કૂલ ગેમ્સમાં તેમણે ફરીથી 1,500 મીટર, 3,000 મી, 5,000 મી ઇવૅન્ટ્સમાં ગોલ્ડ મેડલ જીત્યા હતા. તેમણે 2011માં ત્રણ કિલોમિટરના ક્રૉસ-કન્ટ્રીમાં જીતેલા બ્રૉન્ઝ મેડલને ગોલ્ડમાં પણ રૂપાંતરિત કર્યો હતો. એજ વર્ષે પ્રથમ એશિયન સ્કૂલ ઍથલેટિક્સ મીટમાં પલક્કડનાં આ યુવતીએ 3,000 મીટરની દોડમાં ગોલ્ડ જીત્યો. ઝારખંડના રાંચીમાં 2016ના નેશનલ સ્કૂલ ગેમ્સમાં તેમનું પ્રદર્શન 2013નું પુનરાવર્તન હતું. જેમાં તેમણે 1,500 મી, 3,000 મી, 5,000 મી ઇવેન્ટ્સ અને 3 કિમી ક્રૉસ કન્ટ્રી રેસમાં ગોલ્ડ મેડલ જીત્યા હતા.[1] એજ વર્ષે ચિત્રાએ દક્ષિણ એશિયન ગેમ્સમાં 1500 મીટરમાં સિનિયર સ્તરે દેશનું પ્રતિનિધિત્વ કરતા પોતાનો પ્રથમ ગોલ્ડ મેડલ જીત્યો હતો.[6]

વિવાદ:

ભુવનેશ્વરમાં 2017 એશિયન ઍથ્લેટિક્સ ચૅમ્પિયનશિપમાં ચિત્રા 1500 મીટર દોડમાં ટોચ પર રહ્યાં હતાં. એક અઠવાડિયા પછી તેમને જાણવા મળ્યું કે તેમણે લંડનમાં વર્લ્ડ ઍથ્લેટિક્સ ચૅમ્પિયનશિપ માટે ભારતીય ટીમમાં સ્થાન પ્રાપ્ત કર્યું નથી. ઍથ્લેટિક્સ ફૅડરેશન ઑફ ઇન્ડિયા (એએફઆઈ) એ જણાવ્યું હતું કે તેમનું પ્રદર્શન ક્વૉલિફાઇંગ સમય [4:07:50] થી નીચે હતું. આ નિર્ણય પલટાવવા માટે ચિત્રાના કોચ કેરળ હાઇકોર્ટ ગયા. કોર્ટે ચિત્રાની તરફેણમાં ચુકાદો આપ્યો પરંતુ ઇન્ટરનેશનલ એસોસિએશન ઑફ ઍથ્લેટિક્સ ફેડરેશને (આઈએએએફ) એએફઆઈની ચિત્રાને ભારતીય ટીમમાં સામેલ કરવાની વિનંતી નકારી કાઢી હતી.[7] ચિત્રાએ આગળ વધવાનું નક્કી કર્યું અને આવતા મહિનામાં [સપ્ટેમ્બર 2017] 1500 મી. ઇવૅન્ટમાં એશિયન ઇન્ડોર અને માર્શલ આર્ટસ ગેમ્સમાં ગોલ્ડ જીતી લીધો.[8] તે પછી તેમણે 2018 એશિયન ગેમ્સમાં 1500 મીટર બ્રૉન્ઝ મેડલ સાથે અને ત્યારબાદ દોહામાં એશિયન ઍથ્લેટિક્સ ચૅમ્પિયનશિપમાં પોતાના ટાઇટલનો બચાવ કર્યો હતો. આ યુવા ઍથ્લીટે દોહા ખાતેની 2019 વર્લ્ડ ઍથ્લેટિક્સ ચૅમ્પિયનશિપમાં 1500 મીટર દોડમાં 4:11:10 નું અંગત શ્રેષ્ઠ પ્રદર્શન કર્યું હતું, જ્યારે તેમણે 2019માં લખનઉમાં યોજાયેલી ઇન્ટર સ્ટેટ નેશનલ્સની 800 મીટર ઇવેન્ટ માં 2:02:96 નો અંગત શ્રેષ્ઠ દેખાવ કર્યો હતો.[2]

References (સંદર્ભો):

https://www.thebetterindia.com/110036/pu-chitra-kerala-asian-athletics- championships/ [1]

https://thebridge.in/athletics/middle-distance-runner-pu-chitra-getting-better-each- competition/ [2]

https://indianexpress.com/article/sports/sport-others/parents-daily-wagers-daughter- asian-champion-p-u-chitra-passed-over-for-world-meet-if-only-they-knew-4768882/ [3]

https://timesofindia.indiatimes.com/sports/racing/top-stories/Chitra-the-rising-star-of- Kerala/articleshow/26833863.cms [4]

https://openthemagazine.com/sports/pu-chithra-the-girl-with-borrowed-shoes/ [5]

https://www.indiatimes.com/sports/meet-pu-chitra-labourer-s-daughter-who-is- sprinting-to-success-already-has-four-international-gold-medal-wins-501104.html [6]

https://timesofindia.indiatimes.com/sports/more-sports/athletics/iaaf-rejects-afis- request-to-include-chitra-for-world-championships/articleshow/59834891.cms [7]

https://english.mathrubhumi.com/sports/athletics/pu-chitra-lakshmanan-win-gold-at- asian-indoor-and-martial-arts-games- 1.2252097#:~:text=Ashgabat%20(Turkmenistan)%3A%20India%20enjoyed,a%20time% 20of%204%3A27.32. [8]

Right Hand Box:

વ્યક્તિગત માહિતી

નામ: પલક્કીઝિલ ઉન્નીકૃષ્ણન ચિત્રા

નાગરિકત્વ: ભારતીય

જન્મ: 9 જૂન, 1995

જન્મસ્થળ: મુંદુર, પલક્કડ જિલ્લો, કેરળ

રમત: ટ્રૅક એન્ડ ફિલ્ડ

ઇવેન્ટ: 1500 મી અને 800 મી

અંગત શ્રેષ્ઠ: 1500 મી: 4:11:10 અને 800 મી: 2:02:96

કોચ: સિજિન એન.એસ., જે.એસ. ભાટિયા

ચંદ્રકો (Medals):

પ્રતિનિધિત્વ: ભારત

ગોલ્ડ: 2019 એશિયન ઍથલેટિક્સ ચૅમ્પિયનશિપ દોહા

ગોલ્ડ: 2017 એશિયન ઍથલેટિક્સ ચૅમ્પિયનશિપ ભુવનેશ્વર

ગોલ્ડ: એશિયન ઇન્ડોર અને માર્શલ આર્ટસ ગેમ્સ અશ્ગાબેટ

ગોલ્ડ: 2016 દક્ષિણ એશિયન ગેમ્સ ગુવાહાટી/ શિલૉન્ગ

બ્રૉન્ઝ : 2018 એશિયન ગેમ્સ જકાર્તા