સભ્ય:Nishat Ansari/ એકતા ભ્યાન

એકતા ભયાન

એકતા ભયાન (જન્મ 1985, હિસ્સાર, હરિયાણા) પૅરા-ઍથ્લીટ છે. એકતા ભયાને વિમેન્સ ક્લબ અને ડિસ્ક થ્રોમાં ભારતનું પ્રતિનિધિત્વ કર્યું છે.[1][2] 2018 ઇન્ડોનેશિયાના જાકાર્તા ખાતે યોજાયેલી એશિયન પૅરાગેમ્સમાં ભારત તરફથી ભાગ લઈને એકતાએ ક્લબ થ્રોમાં ગોલ્ડ મેડલ જીત્યો હતો. તેઓ ટોક્યો 2020 પૅરા ઑલિમ્પિક્સમાં પૅરાલિમ્પિક કોટામાં  ક્વૉલિફાય થયાં હતાં. આમ તેઓ સળંગ બીજી વખત વર્લ્ડ પૅરા-ઍથ્લેટિક્સ ચૅમ્પિયનશિપ માટે ક્વૉલિફાય થયાં હતાં. અગાઉ તેઓ લંડન 2017 ને દુબઈ 2019માં પણ ક્વૉલિફાય થયાં હતાં. તેમણે 2016માં બર્લિન, 2017માં દુબઈ અને 2017માં ટ્યુનિશિયા ખાતે યોજાયેલી કેટલીક IPC ગ્રાં પ્રિમાં પણ ભાગ લઈને મેડલ જીત્યાં હતાં.

એકતા ભયાન એવાં ઉભરતાં ખેલાડી છે જેઓ 2016, 2017 અને 2018માં નેશનલ પૅરા-ઍથ્લેટિક્સ ચૅમ્પિયનશિપમાં ગોલ્ડ મેડલ જીત્યાં હતાં. 2018માં તેમને દિવ્યાંગો માટેનો નેશનલ ઍવૉર્ડ અને 2019માં મહિલા દિવસ નિમિત્તે હરિયાણા રાજ્યપાલના હસ્તે સ્ટેટ ઍવૉર્ડ પણ મળ્યો હતો.

ગૉસ્પૉર્ટ્સ ફાઉન્ડેશનના પૅરા-ચૅમ્પિયન્સ પ્રોગ્રામ હેઠળ તેમને આર્થિક સહાય પ્રદાન કરવામાં આવે છે. [4]

વ્યક્તિગત જીવન અને પૃષ્ઠભૂમિ

ભયાનનો જન્મ 1985માં હરિયાણાના હિસ્સાર જિલ્લામાં નિવૃત્ત જિલ્લા હૉર્ટિક્લચર ઑફિસર બલજીત ભયાનને ત્યાં થયો હતો. તેઓ ત્રણ ભાઈ બહેન છે. [3]

2003માં એક માર્ગ અકસ્માતમાં ભયાનને કરોડરજ્જુમાં ઇજા પહોંચી હતી. લગભગ નવ મહિના સુધી તેમને હૉસ્પિટલમાં  સારવાર આપવામાં આવી હતી જ્યાં તેમના  બે ઑપેરશન કરવામાં આવ્યાં. 2011માં ભયાને હિસ્સારથી સ્નાતકની પદવી હાંસલ કરી અને ત્યાર બાદ સિવિલ સર્વિસીસની પરીક્ષા પાસ કરીને આસિસ્ટન્ટ ઍમ્પ્લૉયમેન્ટ ઑફિસરનો હોદ્દો પ્રાપ્ત કર્યો હતો. [3]

2015માં તેઓ ઍથ્લીટ અમિત સરોહાને મળ્યાં જેમણે તેમને પૅરા-ઍથ્લીટ બનવા માટે પ્રેરિત કર્યાં. [4]

વ્યાવસાયિક સફળતા

2016ના જુલાઈ મહિનામાં બર્લિન શહેરમાં યોજાયેલી IPC ગ્રાં પ્રિથી ભયાનની સ્પર્ધાત્મક કારકિર્દીનો પ્રારંભ થયો હતો. તેમણે ક્લબ ઇવેન્ટમાં સિલ્વર મેડલ જીત્યો હતો. ત્યાર બાદ 2016માં પંચકુલા ખાતે તેમણે નેશનલ પૅરા-ઍથ્લેટિક્સ ચૅમ્પિયનશિપમાં ભાગ લઈને ગોલ્ડ મેડલ જીત્યો હતો. આ ઉપરાંત ભયાને ચક્ર ફેંકમાં બ્રૉન્ઝ મેડલ હાંસલ કર્યો હતો.

આ બંને સ્પર્ધામાં ભયાને સતત બીજા વર્ષે ભાગ લઈને 2017માં પણ નેશનલ ચૅમ્પિયનશિપમાં ગોલ્ડ મેડલ જીત્યાં હતાં. 2017માં દુબઈ ખાતે યોજાયેલી IPC  ગ્રાં પ્રિમાં પણ ભયાને બંને સ્પર્ધામાં ભાગ લઈને ચોથો ક્રમ મેળવ્યો હતો. જે નવો એશિયન રેકર્ડ હતો. ભયાને લંડન ખાતે પ્રથમ વર્લ્ડ પૅરા-ઍથ્લેટિક્સ ચૅમ્પિયનશિપમાં ક્લબ થ્રોમાં ભાગ લઈને વિશ્વમાં છઠ્ઠો અને એશિયામાં પ્રથમ ક્રમ હાંસલ કર્યો હતો. [4]

2018માં ભયાને ત્રીજી વખત પંચકુલા ખાતે યોજાયેલી નેશનલ ચૅમ્પિયનશિપમાં બંને ઇવૅન્ટમાં ગોલ્ડ મેડલ જીત્યો હતો. ઑક્ટોબર 2018માં ઇન્ડોનેશિયાના જાકાર્તા ખાતે આયોજીત એશિયન પૅરાગેમ્સમાં પણ ભાગ લીધો હતો. 2018માં જ ટ્યુનિશિયામાં IPC ગ્રાં પ્રિમાં ક્લબ થ્રોમાં ગોલ્ડ અને ડિસ્ક થ્રોમાં સિલ્વર મેડલ જીત્યો હતો.

ઑક્ટોબર 2018માં ભયાનને કુઆલાલંપુરમાં યોજાયેલી એશિયન પૅરાગેમ્સમાં વિમેન્સ ક્લબ થ્રો સ્પર્ધામાં પ્રથમ સ્થાન હાંસલ કર્યું હતું. જ્યાં તેમણે ચોથા પ્રયાસે 16.02 મીટરના શ્રેષ્ઠ થ્રો સાથે નવો રેકૉર્ડ સર્જ્યો હતો. જ્યાં તેમણે યુનાઇટેડ આરબ અમિરાતના અલકાબી ઠેકરાના 15.75 મિટરનો રેકૉર્ડને પાછળ રાખીને F 32/51થી વિજય હાંસલ કર્યો હતો. ભયાનને હરિયાણાની પ્રથમ અને ભારતનાં બીજાં મહિલા પૅરાઍથ્લીટ તરીકેનું બહુમાન પ્રાપ્ત થયેલું છે.

દુબઈમાં 2019માં વર્લ્ડ પૅરા-ઍથ્લેટિક્સ ચૅમ્પિયનશિપમાં વિમેન્સ પૅરા-ઍથ્લેટિક્સ શ્રેણીમાં પણ તેમણે સફળતા હાંસલ કરી અને ટોક્યો 2020 પૅરાલિમ્પિક ક્વોટામાં સ્થાન મેળવ્યું હતું.

એકતા ભયાન હરિયાણા રાજ્યમાં ઍમ્પ્લૉયમેન્ટ ઑફિસર તરીકે ફરજ બજાવે છે. [1] તેમણે વાર્ષિક સ્પર્ધા 2020માં સ્પોર્ટ્સ સ્ટાર ઍસ ઍવૉર્ડમાં પૅરા-સ્પૉર્ટ્સ વુમનનો ઍવૉર્ડ હાંસલ કર્યો હતો. [6] આ ઉપરાંત 2018માં તેમણે ESPN નાં ઍથ્લીટ ઑફ ધ યર માટે નામાંકન હાંસલ કર્યું હતું. [5]

સંદર્ભ

https://www.thehindu.com/sport/gold-winning-para-athlete-ekta-bhyan-on-life-and-sports/article24431726.ece (1)

https://www.indiatimes.com/sports/from-being-paralysed-waist-down-to-winning-medals-at-world-para-athletics-gp-ekta-bhyan-is-full-of-heart-determination-349354.html [2]

https://timesofindia.indiatimes.com/city/chandigarh/Before-Deepa-Ekta-Bhyan-had-made-state-proud/articleshow/54339502.cms [3]

https://oldweb.indusind.com/content/forsports/programmes/para-champions/ekta-bhyan.html [4]

https://www.espn.in/espn/story/_/id/26386123/espn-india-awards-2018-differently-abled-athlete-year-ekta-bhyan [5]

https://sportstar.thehindu.com/aces-awards/ekta-bhyan-wins-sportstar-aces-2020-para-sportswoman-of-the-year-para-club-throw/article30556060.ece [6]

જમણી બાજુના બૉક્સની માહિતી

અંગત માહિતી:

જન્મ નામ   : એકતા ભયાન

જન્મ          : 7  જૂન 1985 (ઉંમર 35)

            હિસ્સાર, હરિયાણા

રમત:

દેશ: ભારત

સ્પોર્ટ: ટ્રૅક ઍન્ડ ફીલ્ડ F-51

વિકલાંગતા: કરોડરજ્જુની ઇજા

વિકલાંગ વર્ગ: ફ-51

સ્પર્ધા: ક્લબ અને ડિસ્ક થ્રો

મેડલ

એશિયન પૅરાગેમ્સ

ગોલ્ડ મેડલ - પ્રથમ   2018 જાકાર્તા, ઇન્ડોનેશિયા    ક્લબ થ્રો

IPC ગ્રાં પ્રિ

ગોલ્ડ મેડલ  - પ્રથમ – 2018    ટ્યુનિશિયા   ક્લબ થ્રો

બ્રૉન્ઝ મેડલ - તૃતિય    2018 ટ્યુનિશિયા  ડિસ્ક થ્રો

સિલ્વર મેડલ – દ્વિતીય   2016 બર્લિન   ક્લબ થ્રો

નેશનલ પૅરા ઍથ્લેટિક્સ ચૅમ્પિયનશિપ

ગોલ્ડ મેડલ - પ્રથમ     2018 પંચકુલા   ક્લબ થ્રો

ગોલ્ડ મેડલ - પ્રથમ   2018 પંચકુલા     ડિસ્ક થ્રો

ગોલ્ડ મેડલ - પ્રથમ    2017 જયપુર      ક્લબ થ્રો

ગોલ્ડ મેડલ - પ્રથમ    2017 જયપુર       ડિસ્ક થ્રો

ગોલ્ડ મેડલ - પ્રથમ   2016 પંચકુલા       ક્લબ થ્રો

બ્રૉન્ઝ મેડલ - તૃતિય    2016 પંચકુલા     ડિસ્ક થ્રો