સભ્ય:Sachin gurnani

વી કે વિસ્મયા વી.કે. વિસ્મયા (જન્મ 14 મે 1997 કન્નુર, કેરળ) એક ભારતીય દોડવીર છે. જેઓ 400 મીટરના સ્પ્રિન્ટમાં નિષ્ણાત છે. 2018ની એશિયન ગેમ્સમાં ગોલ્ડ મેડલ જીતનારી ભારતીય 4×400 મીટર રિલે ટીમમાં તેઓ પણ સામેલ હતાં. 2019ની એશિયન ઍથ્લેટિક્સ ચૅમ્પિયનશિપમાં તેમણે વિમેન્સ 4x400 મીટર રિલેમાં સિલ્વર અને મિક્સ્ડ 4x400 મીટર રિલેમાં સિલ્વર મેડલ જીત્યો હતો.

o

[5] વી.કે. વિસ્મયાએ દોહામાં 2019 વર્લ્ડ ઍથ્લેટિક્સ ચૅમ્પિયનશિપમાં ભારતીય મિક્સ રિલે ટીમ તરફથી ભાગ લીધો હતો. આ ટીમ ફાઇનલ માટે ક્વૉલિફાય થઈ હતી અને 2021ના સમર ઑલિમ્પિક્સમાં સ્થાન નિશ્ચિત કર્યુ હતું. [1] ઑક્ટોબર 2019માં યોજાયેલી 59મી નેશનલ ઓપન ઍથ્લેટિક્સ ચૅમ્પિયનશિપમાં તેમણે 400 મીટરમાં ગોલ્ડ મેડલ જીત્યો હતો. [2] વ્યક્તિગત જીવન અને પૃષ્ઠભૂમિ

વી.કે. વિસ્મયાનો જન્મ 1997માં કેરળના કન્નુર જિલ્લામાં થયો હતો. જ્યારે હાઇસ્કૂલમાં હતાં ત્યારે તેમણે એન્જિનિયર બનવાનું લક્ષ્ય રાખ્યું હતું પરંતુ તેઓ તેમનાં બહેન વિજિશાનાં પગલેપગલે ઍથ્લેટિક્સમાં ગયાં. વિજિશા રમતવીર બનવાની તાલીમ લઈ રહ્યાં હતાં. તેઓ સેન્ટ જ્યોર્જ હાયર સેકન્ડરી સ્કૂલ કોથામંગલમમાં ધોરણ-11 માં અભ્યાસ કરતાં હતાં ત્યારે તેમણે સાઉથ ઝોન સ્કૂલ ટુર્નામેન્ટમાં ગોલ્ડ મેડલ જીત્યો હતો. [1]

વિસ્મયાને એઝમ્પશન કૉલેજમાં પ્રવેશ મળ્યો હતો. જે એઝમ્પશન કૉલેજ મોખરાના ઍથ્લીટ્સ પેદા કરવા માટે ખ્યાતનામ છે. વિસ્મયાએ 2014માં તેમના રાજ્ય કેરળ માટે બે સિલ્વર મેડલ જીત્યા હતા. [1] [3] વી.કે. વિસ્મયાના પિતા ઇલેક્ટ્રિશિયન અને તેમનાં માતા હાઉસ મૅનેજર છે. પરિવાર પાસે આર્થિક સંસાધનો મર્યાદિત હતા. પોતાની કારકિર્દીની પસંદગી કરતી વખતે વિસ્મયાએ એન્જિનિયરિંગ કૉલેજની બેઠક જતી કરી હતી. [1]

વી.કે. વિસ્મયાએ હર્ડલ્સ દોડવીર તરીકે તેમની કારકિર્દીની શરૂઆત કરી હતી પરંતુ એક ઈજાએ તેમને ટ્રૅક બદલવાની ફરજ પડી અને તેમણે મધ્યમ-અંતરનાં દોડવીર તરીકે તાલીમ લેવાનું શરૂ કર્યું. શાળામાં કોઈ કૃત્રિમ ટ્રૅક અને આધુનિક જિમની સુવિધાઓ ન હતી. તેમણે કાદવના પાટા પર તાલીમ લીધી હતી. [1] [3]

વ્યાવસાયિક સિદ્ધિઓ

વી.કે. વિસ્મયાએ વર્ષ 2017માં 200 મીટરની દોડમાં ગોલ્ડ મેડલ જીત્યો હતો. તેમણે ઑલ ઈન્ડિયા ઇન્ટર યુનિવર્સિટી ચૅમ્પિયનશિપમાં 25 વર્ષ પુરાણો રેકૉર્ડ તોડ્યો હતો. ત્યાં તેમણે 400 મીટરમાં સિલ્વર મેડલ પણ જીત્યો અને તે જાણીતા બની ગયાં હતાં. જ્યારે તેઓ ઇન્ટર યુનિવર્સિટી ચૅમ્પિયનશિપમાં મેડલ જીત્યાં ત્યારે તેમને નેશનલ કૅમ્પમાં પસંદ કરવામાં આવ્યાં હતાં. તેમને જાકાર્તામાં 2018 એશિયન ગેમ્સમાં ગોલ્ડ મેડલ જીતેલી ભારતીય મહિલા 4×400 મીટર રિલે ટીમનો ભાગ હતાં. [2] દોહામાં 2019 વર્લ્ડ ઍથ્લેટિક્સ ચૅમ્પિયનશિપમાં વિસ્મયા, મોહમ્મદ અનાસ, નોઆહ નિર્મલ ટોમ અને જિસ્ના મેથ્યુની ટીમે 4×400 મીટરની મિક્સ ટીમ રિલેમાં ભાગ લીધો હતો, જ્યાં તેઓ ફાઇનલ માટે ક્વૉલિફાય થયાં હતાં અને 2020 સમર ઑલિમ્પિક્સમાં સ્થાન મેળવ્યું હતું. એક વર્ષ પછી 2019 માં વિસ્મયાએ ચેક રિપબ્લિકના બ્રાનો ખાતે ઍથ્લેટિક્સમાં 400 મીટરમાં ગોલ્ડ મેડલ જીત્યો હતો. અહીં તેમણે 52.12 સેકન્ડમાં અંતર પૂર્ણ કર્યું હતું. [4]

સંદર્ભ

https://www.indiatimes.com/sports/what-a-run-indian-sprinter-vk-vismaya-wins-400m-gold-in-czech-republic-374614.html [2]

https://www.newindianexpress.com/sport/other/2018/sep/07/interview-vk-vismaya-accidental-runner-who-held-off-a-world-champ-to-seal-4x400-asian-games-relay-1868898.html [3]

https://indianexpress.com/article/sports/sport-others/vk-vismaya-wins-gold-new-personal-best-czech-republic-5945730/ [4] https://www.bbc.com/gujarati/india-55693628 (5)

માહિતી

નામ: વેલ્લુવા કોરોથ વિસ્મયા

જન્મ: 14 મે 1997 જન્મસ્થળ: કન્નુર, કેરળ નાગરિકત્વ: ભારત

મેડલ એશિયન ગેમ્સ 2018 જાકાર્તા ખાતે 4X400 મહિલા રિલેમાં ગોલ્ડ મેડલ એશિયન ચૅમ્પિયનશિપ 2019 દોહા ખાતે સિલ્વર મેડલ 4X400 વિમેન્સ રિલે એશિયન ચૅમ્પિયનશિપ 2019 દોહા ખાતે સિલ્વર મેડલ 4X400 મિક્સ રિલે 400 મીટર વિમેન્સ રેસમાં ગોલ્ડ મેડલ, ઍથ્લેટિક્સ મીટ, 2019, બ્રાનો, ચેક રિપબ્લિક