સ્ટેચ્યુ ઓફ યુનિયન

સ્ટેચ્યુ ઓફ યુનિયન

29.6700°N 95.6182°W / 29.6700; -95.6182
Location	સુગર લેંડ, ટેક્સાસ, યુનાઇટેડ સ્ટેટ્સ ઓફ અમેરિકા
Type	પ્રતિમા
Material	પંચધાતુ
Height	90 feet (27 m)
Opening date	૧૮ ઓગસ્ટ ૨૦૨૪
Dedicated to	હનુમાન
Website	statueofunion.org

સ્ટેચ્યુ ઓફ યુનિયન હિંદુ ભગવાન હનુમાનની ૯૦ ફૂટ (૨૭ મીટર) ઊંચી પ્રતિમા છે જે, યુનાઇટેડ સ્ટેટ્સના ટેક્સાસના સુગર લેન્ડમાં શ્રી અષ્ટલક્ષ્મી મંદિરમાં સ્થિત છે. તે યુનાઇટેડ સ્ટેટ્સમાં બર્થ ઓફ ધ ન્યૂ વર્લ્ડ , સ્ટેચ્યુ ઑફ લિબર્ટી અને પેગાસસ અને ડ્રેગન પછી ચોથી સૌથી ઊંચી પ્રતિમા છે. હિંદુ મહાકાવ્ય રામાયણમાં ભગવાન હનુમાને શ્રી રામ અને માતા સીતાનું પુનઃમિલન કરાવ્યું હતું, તેથી આ પ્રતિમાને સ્ટેચ્યુ ઓફ યુનિયન નામ આપવામાં આવ્યું છે. આ પ્રતિમા "નિઃસ્વાર્થતા, ભક્તિ અને એકતા" નું પ્રતીક છે.

બાંધકામ

સ્ટેચ્યુ ઓફ યુનિયન પ્રતિમાની પ્રેરણા ભારતીય આધ્યાત્મિક નેતા ચિન્ના જીયર સ્વામીએ આપી હતી. તેમણે આ પ્રતિમાને ઉત્તર અમેરિકા માટે આધ્યાત્મિક કેન્દ્ર ગણાવ્યું હતું. તેમણે ભારત હૈદરાબાદ સ્ટેચ્યુ ઓફ ઇક્વાલિટીની પણ પ્રેરણા આપી હતી.

આ પ્રતિમા કાંસાની બનાવવામાં આવી છે. તેમાં ભગવાન હનુમાનને ઉભેલા દર્શાવવામાં આવ્યા છે અને તેમની બંને હથેળીઓ આગળ તરફ છે. તેમના મુખ્ય હથિયાર ગદાનો પ્રતિમામાં સમાવેશ થાય છે. પ્રતિમાના પાયામાં હાથી અને ફૂલોની વિગતવાર રચના છે.

આ પ્રતિમાનું અનાવરણ ૧૫ થી ૧૮ ઓગસ્ટ, ૨૦૨૪ ની વચ્ચે યોજાયેલા ૩ દિવસના સમારોહ પછી થયું હતું. તેની શરૂઆત ૧૫ ઓગસ્ટના રોજ થઈ હતી, જેમાં ભારતના સ્વતંત્રતા દિવસની ઉજવણીનો સમાવેશ થયો હતો. પ્રાણ પ્રતિષ્ઠા ૧૮ ઓગસ્ટ, ૨૦૨૪ ના રોજ સવારે ૯:૯ વાગ્યે થઈ હતી. આ સમારોહમાં હેલિકોપ્ટરથી ફૂલોનો વરસાદ, પવિત્ર પાણીનો છંટકાવ અને ભગવાનની ગરદનની આસપાસ ૭૨ ફૂટ લાંબી માળા પહેરાવવામાં આવી હતી. આ કાર્યક્રમની સાથે દેશભક્તિના ગીતો અને વંદે માતરમ, જન ગણ મન અને સ્ટાર-સ્પેંગલ્ડ બૅનર સહિત ભારત અને અમેરિકાના રાષ્ટ્રગીત પણ રજૂ કરવામાં આવ્યા હતા.

હિંદુફોબિયા

પ્રતિમાની સ્થાપના પછી, પત્રકાર માધ્યમોએ કેટલાક ખ્રિસ્તી રૂઢિચુસ્તો દ્વારા પ્રતિમાને રાક્ષસી ગણાવવાનો અહેવાલ આપ્યો હતો.

બાહ્ય કડીઓ

• અધિકૃત વેબસાઇટ