આરે મિલ્ક કોલોની

આરે મિલ્ક કોલોની आरे मिल्क कॉलोनी
શહેર નજીકનો વિસ્તાર
આરે કોલોનીમાં ચરતી ભેંસો
આરે મિલ્ક કોલોની
અક્ષાંશ-રેખાંશ: 19.148493°N 72.881756°E / 19.148493; 72.881756
દેશ	ભારત
રાજ્ય	મહારાષ્ટ્ર
જિલ્લો	મુંબઈ શહેર
મેટ્રો	મુંબઈ
ભાષાઓ
• અધિકૃત	મરાઠી
સમય વિસ્તાર	UTC+૫:૩૦ (ભારતીય માનક સમય)
પિનકોડ	૪૦૦૦૬૫
વાહન નોંધણી	MH 01

આરે મિલ્ક કોલોની (સ્થાપના: ૧૯૪૯) એ મુંબઈના પરાં ગોરેગાંવ પૂર્વમાં આવેલ છે. તેમાં બગીચાઓ, તળાવો, નિરક્ષણ સ્થળ, પર્યટન સુવિધાઓ અને દૂધની ડેરીઓ આવેલી છે. ૧,૨૮૭ હેક્ટર જેટલી જગ્યામાં અહીં ૧૬,૦૦૦ પશુઓ અને ૩૨ તબેલાંઓ રહેલાં છે.

આ કોલોની ૧૬ ચોરસ કિમી (૪,૦૦૦ એકર્સ) જેટલો વિસ્તાર ધરાવે છે અને પશ્ચિમ દ્રુતગતિ માર્ગની બાજુમાં ફેલાયેલી છે. તેનાં આર્કષણોમાં તળાવ સાથેનાં પર્યટન સ્થળ છોટા કાશ્મીરનો સમાવેશ થાય છે. કોલોનીમાં ભોજનાલયો અને બગીચાઓ આવેલા છે. આ જગ્યાનો ચલચિત્ર શૂટિંગ દરમિયાન પણ ઉપયોગ થાય છે. દર બે વર્ષે આ બધાનું સંચાલન અંગત કંપનીઓ પર સોંપી દેવાય છે. બિમલ રોયનાં ચલચિત્ર મધુમતી (૧૯૫૮)નું મોટાભાગનું શૂટિંગ આ વિસ્તારમાં થયું હતું, જે અગાઉ થયેલ નૈનિતાલના શૂટિંગ સાથે બરાબર ગોઠવવા કરવામાં આવ્યું હતું.

કોલોનીમાં મહારાષ્ટ્ર પબ્લિક વર્કસ વિભાગ દ્વારા માર્ગ બાંધવામાં આવ્યો છે જે પશ્ચિમ દ્રુતગતિ માર્ગને પવઈ સાથે જોડે છે. અગાઉ આરે કોલોની સંચાલન દ્વારા આ રસ્તા પર માર્ગ જકાત ઉઘરાવવામાં આવતી હતી. ૨૦૧૪માં, MCGM એ માર્ગની સાર-સંભાળ તેના હાથમાં લઇ લીધી અને જકાતની ઉઘરાણી બંધ કરવામાં આવી.

૨૦૧૦માં આરે કોલોની અને સંજય ગાંધી નેશનલ પાર્કમાંથી જમીન લઈને ભાયખલ્લા પ્રાણી સંગ્રહાલયનું વિસ્તરણ કરવાની યોજના બનાવવામાં આવી હતી.

કોલોનીમાં ૩૦ તબેલાંઓ બાંધવામાં આવ્યા છે, જે દરેક ૫૦૦થી ૫૫૦ પશુઓનો સમાવેશ કરે છે.

આરે કોલોની કુલ મળીને ૬૪૦ કર્મચારીઓ ધરાવે છે, જેનું સંચાલન ચીફ એક્ઝ્યુકેટિવ ઓફિસર, આરે કોલોની દ્વારા કરવામાં આવે છે.

મુંબઈ મેટ્રો લાઇન ૩ના બાંધકામ માટે મેટ્રો કાર શેડ આરે કોલોનીમાં બાંધવાના પ્રસ્તાવ પર પર્યાવરણ હિતરક્ષકોએ ચિંતા પ્રગટ કરી છે.

• 
  અતિથિગૃહ રોડ, આરે મિલ્ક કોલોની
• 
  આરે કોલોનીનો એક માર્ગ

બાહ્ય કડીઓ

• ગુજરાતી વિશ્વકોશમાં આરે મિલ્ક કોલોની.
• ડેરી ડેવલોપમેન્ટ બોર્ડ, મહારાષ્ટ્ર સંગ્રહિત ૨૦૧૮-૦૯-૧૪ ના રોજ વેબેક મશિન