સૌરાષ્ટ્ર ભાષા

સૌરાષ્ટ્ર
ꢱꣃꢬꢵꢰ꣄ꢜ꣄ꢬ ಸೌರಾಷ್ಟ್ರ ಭಾಷೆ સૌરાષ્ટ્ર ભાષા சௌராட்டிர மொழி సౌరాష్ట్ర భాష सौराष्ट्र भाषा
સૌરાષ્ટ્ર લિપિમાં "સૌરાષ્ટ્ર" શબ્દ
મૂળ ભાષા	ભારત
વિસ્તાર	તમિલનાડુ, આંધ્ર પ્રદેશ, કર્ણાટક
વંશ	સૌરાષ્ટ્ર
સ્થાનિક વક્તાઓ	247,702
ભાષા કુળ	ઇન્ડો-યુરોપીયન ઇન્ડો-ઇરાનીયન ઇન્ડો-આર્યન પશ્ચિમી ઇન્ડો-આર્યન ગુજરાતી સૌરાષ્ટ્ર
પ્રારંભિક સ્વરૂપ	સૌરસેની પ્રાકૃત
બોલીઓ	ઉત્તરી સૌરાષ્ટ્ર દક્ષિણી સૌરાષ્ટ્ર
લિપિ	સૌરાષ્ટ્ર લિપિ તમિલ લિપિ તેલુગુ લિપિ દેવનાગરી લિપિ લેટિન લિપિ
ભાષા સંજ્ઞાઓ
ISO 639-3	saz
ગ્લોટ્ટોલોગ	saur1248

સૌરાષ્ટ્ર ભાષા (ꢱꣃꢬꢵꢰ꣄ꢜ꣄ꢬ) એક ઇન્ડો-આર્યન ભાષા છે. આ ભાષા મુખ્યત્વે દક્ષિણ ભારતમાં સૌરાષ્ટ્રી લોકો દ્વારા બોલાય છે, જેઓ લગભગ એક હજાર વર્ષ પહેલાં વર્તમાન ગુજરાતના લાટ ક્ષેત્રમાંથી સ્થળાંતર કરી આવ્યા છે.

સૌરાષ્ટ્ર, સૌરસેની પ્રાકૃતની એક શાખા ભાષા છે, જે કોઇ સમયે ગુજરાતના સૌરાષ્ટ્ર પ્રદેશમાં બોલાતી હતી, હવે આ ભાષા માત્ર તમિલનાડુના કેટલાક વિસ્તારોમાં જ બોલવામાં આવે છે.

સૌરાષ્ટ્ર ભાષાને એ જ નામની પોતાની લિપિ છે, ઉપરાંત તે તમિલ, તેલુગુ અને દેવનાગરી લિપિઓમાં પણ લખાય છે. સૌરાષ્ટ્ર લિપિ, બ્રાહ્મી લિપિના મૂળની છે. દક્ષિણની દ્રવિડ ભાષાઓથી વિપરીત, સૌરાષ્ટ્ર એક ઇન્ડો-યુરોપીયન ભાષા છે. ભારતની જનગણનામાં આ ભાષાને ગુજરાતી ભાષા હેઠળ મૂકવામાં આવે છે. ૨૦૧૧ની જનગણનાના સત્તાવાર આંકડાઓ આ ભાષાના વક્તાઓની સંખ્યા ૨,૪૭,૭૦૨ દર્શાવે છે.

વર્ગીકરણ

સૌરાષ્ટ્ર, ઇન્ડો-આર્યન ભાષાઓની પશ્ચિમી શાખાથી સંબંધિત છે, જે ભારતીય ઉપખંડનો એક પ્રભાવશાળી ભાષા પરિવાર છે. સૌરાષ્ટ્રને ગુજરાતી ભાષાના ભાગ રૂપે વર્ગીકૃત કરવામાં આવે છે.