અતુલ
અતુલ ભારત દેશના પશ્ચિમ ભાગમાં આવેલા ગુજરાત રાજ્યના દક્ષિણ ભાગમાં સૌથી છેલ્લા આવતા વલસાડ જિલ્લામાં આવેલા કુલ ૫ (પાંચ) તાલુકાઓ પૈકીના એક એવા વલસાડ તાલુકાનું મહત્વનું ગામ છે. અતુલ ગામમાં આંગણવાડી, પ્રાથમિક શાળા, માધ્યમિક શાળા, જીમખાના સંકુલ, દુધની ડેરી, પંચાયતઘર, સિનેમા ઘર જેવી સગવડો ઉપલબ્ધ થયેલ છે. અંહી રંગ અને રસાયણો બનાવવાનાં કારખાનાંઓનાં વિશાળ સંકુલો આવેલાં છે. ગામની નજીકમાં પાર નદી તેમ જ પારનેરાનો ડુંગર આવેલો છે. ગામમાંથી મુંબઇથી દિલ્હી જતો રાષ્ટ્રીય ધોરી માર્ગ નં. ૮ પસાર થાય છે. મુંબઈ-વડોદરા રેલ્વે માર્ગ પર આ એક રેલ્વે સ્થાનક પણ છે.
આ ગામના લોકો અહીંના કારખાનાઓમાં નોકરી અથવા અન્ય રીતે સંકળાઇને પોતાનો વ્યવસાય કરે છે. આ સિવાય ગામના લોકોનો મુખ્ય વ્યવસાય ખેતી, ખેતમજુરી તેમ જ પશુપાલન છે.
આ ગામથી નજીકનું હવાઇમથક દક્ષિણ દિશામાં મુંબઇ તેમ જ ઉત્તર દિશામાં સુરત ખાતે આવેલું છે.
[ફેરફાર કરો] બાહ્ય કડીઓ
