આર્ય કન્યા ગુરુકુળ

આર્ય કન્યા ગુરુકુલ ભારતના ગુજરાત રાજ્યના પોરબંદર શહેરમાં આવેલી એક કન્યા છાત્રાલય છે. આ શાળા K -12 (બાળમંદિરથી ૧૨ ધોરણ સુધી સિક્ષણ આપતી સંસ્થા) બોર્ડિંગ સ્કૂલ છે.

ઇતિહાસ

ગુજરાતી ઉદ્યોગપતિ, મહેતા ગ્રુપના સ્થાપક અને દાનવીર, નાનજી કાલિદાસ મહેતા દ્વારા આ શાળાની સ્થાપના ઈ. સ. ૧૯૩૬માં કરવામાં આવી હતી. ગાંધીજી સાથેનો તેમનો સહવાસ અને આર્ય સમાજનાં નેતાઓ તરફથી મળેલ પ્રેરણા આ શાળાની સ્થાપનામાં પરિણમી. નાનજી કાલિદાસ મહાત્મા ગાંધી અને આર્ય સમાજના સિદ્ધાંતોથી ખૂબ પ્રભાવિત હતા અને તેથી તેઓએ ગુરુકુળનો શિલાન્યાસ એક દલિત બાળકી દ્વારા કરાવડાવ્યો હતો, તે સમયમાં આ એક ક્રાંતિકારી પગલું હતું.

ડૉ. રાજેન્દ્ર પ્રસાદ, ડૉ. સર્વપલ્લી રાધાકૃષ્ણન, ઝૈલસિંઘ, જવાહરલાલ નેહરુ, ઈન્દિરા ગાંધી, મોરારજી દેસાઈ, રાજીવ ગાંધી, સોનિયા ગાંધી, પ્રતિભા પાટીલ જેવા મહાનુભાવો દ્વારા શાળાની મુલાકાત લેવામાં આવી છે.

વિચારધારા

ગુરૂકુળમાં શિક્ષણ પદ્ધતિ એ વેદિક પરંપરા અને આધુનિક શિક્ષણ પરંપરાને અનુસરે છે. આ સાથે આર્ય સમાજ સિદ્ધાંતો અને વિજ્ઞાન અને ટેક્નોલોજી તરફી અભિગમનું મિશ્રણ પણ ધરાવે છે.

પરિસર

શાળા પરિસર ૯૦ એકર હરિયાળા વનીય વિસ્તારમાં ફેલાયેલું છે.