ક્રાઇસ્ટ ધ રિડીમર

વિકિપીડિયાથી
આના પર જાવ: ભ્રમણ, શોધો
ક્રાઇસ્ટ ધ રિડીમર
Cristo Redentor Rio de Janeiro 4.jpg
સ્થળ કોર્કોવાડો
નજીકનું શહેર રીઓ ડી જાનેરો, બ્રાઝિલ
અક્ષાંશ-રેખાંશ ૨૨° 57 ૬° S
સ્થાપના સમર્પિતઃ ૧૨ ઓક્ટોબર ૧૯૩૧
પ્રાણપ્રતિષ્ઠા: ૧૨ ઓક્ટોબર ૨૦૦૬
વિશ્વની સાત નવી અજાયબીઓ: ૭ જુલાઇ, ૨૦૦૭

ક્રાઇસ્ટ ધ રિડીમર (પોર્ટુગિઝઃO Cristo Redentor, પૂર્વે: Christo redemptor) એ બ્રાઝિલનાં શહેર રીઓ ડી જાનેરોમાં આવેલી ઇસુ ખ્રિસ્તની એક વિશાળ પ્રતિમા છે જેની ગણના વિશ્વની વિશાળતમ કલાત્મક પ્રતિમા તરિકે થાય છે.[૧] પ્રતિમાની ઉંચાઈ ૩૯.૬ મી. (૧૩૦ ફુટ) છે, જેમાં તેની ૯.૫ મી. (૩૧ ફુટ) ઉંચી પિઠિકાનો પણ સમાવેશ થઈ જાય છે જ્યારે તેની પહોળાઇ ૩૦ મી. (૯૮ ફુટ) છે. તેનું વજન ૬૩૫ ટન (૬,૩૫,૦૦૦ કિલો) છે અને તે શહેરની સરહદ પર આવેલા તિજુકા વન રાષ્ટ્રિય ઉદ્યાનના કોર્કોવાડો પર્વતનાં ૭૦૦ મી. (૨,૩૦૦ ફુટ) ઉંચા શિખર પર બિરાજમાન છે. તે વિશ્વની આ પ્રકારની બહુ જૂજ ઉંચામાં ઉંચી પ્રતિમાઓ પૈકીની એક છે. બોલિવિયાનાં શહેર કોચાબામ્બા સ્થિત ક્રિસ્ટો ડે લા કોન્કોર્ડિયાની પ્રતિમા આના કરતાં થોડીક જ ઉંચી છે, ૬.૨૪ મી. (૨૦.૫ ફુટ)ની પિઠિકા સહિત તેની ઉંચાઇ ૪૦.૪૪ મી. છે અને પહોળાઇ ૩૪.૨૦ મી. (૧૧૨.૨ ફુટ) છે. ખ્રિસ્તી ધર્મનાં પ્રતિક રૂપ આ ક્રાઇસ્ટ ધ રિડીમરની પ્રતિમા રીઓ ડી જાનેરો અને બ્રાઝિલની ઓળખ સમાન બની ગઈ છે.[૨] આ પ્રતિમા બ્રાઝિલનાં ખ્રિસ્તી સમાજમાટે એક અગત્યનું પ્રતિક છે. [૩] તે પ્રબલિત કાંકરેટ અને શંખજીરાના પથ્થરની બનેલી છે.[૧][૪][૫]

સંદર્ભ[ફેરફાર કરો]