પતંગ હોટલ

પતંગ હોટલ

પતંગ હોટલ, સત્તાવાર રીતે નીલકંઠ પતંગ - ધ રિવોલ્વિંગ રેસ્ટોરન્ટ એ અમદાવાદ, ગુજરાત, ભારતમાં સ્થિત એક ફરતી રેસ્ટોરન્ટ છે. ૧૯૮૦-૧૯૮૪ દરમિયાન બાંધવામાં આવેલી જમીનથી ૨૨૧ ફીટ (૬૭ મીટર) ઊંચી આ રેસ્ટોરન્ટ અમદાવાદનું એક સીમાચિહ્ન ગણવામાં આવે છે.

ઇતિહાસ

તેની રચના સ્થપતિ હસમુખ પટેલ દ્વારા કરાઇ હતી. રેસ્ટોરન્ટ અને તેની બાજુમાં આવેલ વ્યાપારી ઇમારત ચિનુભાઈ સેન્ટર ૧૯૮૦-૮૪માં આશરે ૧.૨૫ કરોડ રૂપિયાના ખર્ચે બાંધવામાં આવી હતી.

સ્થાપત્ય અને સેવાઓ

પતંગની રચના પક્ષીઓને દાણા ખવડાવવા માટે બાંધવામાં આવતા મિનારા - ચબુતરા દ્વારા પ્રેરિત હતી. ૨૦૧૮માં લિમ્કા બુક ઓફ રેકોર્ડ્સ અનુસાર, તે 221 feet (67 m)ની ઊંચાઇ ધરાવતી ભારતની પ્રથમ ફરતી હોટેલ હતી. તે ૯૦ મિનિટમાં ૩૬૦ ડિગ્રીનો ચકરાવો પૂર્ણ કરે છે. તે સાબરમતી નદીના કિનારે સાબરમતી રિવરફ્રન્ટ નજીક આવેલી છે, જેથી મુલાકાતીઓ જૂના અને નવા શહેરને જોઇ શકે છે.

તે એક બુફે રેસ્ટોરન્ટ છે, જે ભારતીય, કોંટિનેંટલ, થાઈ અને ચાઈનીઝ મૂળની ૪૦-૪૫ પ્રકારની શાકાહારી વાનગીઓ પીરસે છે. તે એક પ્રવાસી આકર્ષણ કેન્દ્ર માનવામાં આવે છે.

છબીઓ

• 
  સાબરમતી નદીમાંથી દેખાતી પતંગ હોટલ
• 
  સાબરમતી રિવરફ્રન્ટ પરથી દેખાતી પતંગ હોટેલ