પેંડા

પેંડા

ધારવાડના પેંડા
ઉત્પતિ
અન્ય નામ	પૅડા, પેરા, પેઢા
મૂળ ઉત્પતિ સ્થાન	ભારત
ક્ષેત્ર કે રાજ્ય	ભારત, પાકિસ્તાન
વાનગીની માહિતી
પીરસવાનો સમય	મિષ્ટાન, પ્રસાદ
મુખ્ય સામગ્રી	માવો

પેંડા (ઉર્દુ: پیڑا, હિંદી: पेड़ा, મરાઠી: पेढा) એ એક ભારતીય મિષ્ટાન છે જે મોટભાગે જાડા, અર્ધ નરમ ટુકડા સ્વરોપે હોય છે. આના મુખ્ય ઘટક માવો, ખાંડ અને પારંપરિક સુગંધી પદાર્થો જેવાકે એલચી દાણા, પિસ્તા અને કેસર હોય છે. ગુજરાતમાં મળતા પેંડા નિયમિત ગોળ આકારના અને સફેદ કે પીળા/કેસરી રંગનાં હોય છે, પરંતુ ભારતનાં અન્ય ભાગમાં મળતાં પેંડા રોટલિનાં લુંઆ આકારનાં અને આછા બદામીથી ઘેરા બદામી રંગના હોય છે. આજ કાલ વ્યાવસાયિક ધોરણે બનતા પેંડામાં ફૂડ કલર ઉમેરીને તેને રંબગેરંગી કરીને વેચાય છે.

આ વનગીની ઉત્પતિ ભારતના ઉત્તર પ્રદેશ રાજ્યમાં થઈ, અને મથુરામાં મળતા પેંડા તેની ગુણવત્તા અને સ્વાદ માટે પ્રસિદ્ધ છે. ઉત્તર પ્રદેશમાંથી પેંડા ભારતમાં અન્ય સ્થળે ફેલાયા. તેને લખનૌના રામ રતન સિંહ દ્વારા કર્ણાટકના ધારવાડ જિલ્લા સુધી પણ પહોંવાડાયા જેઓ ત્યાં ૧૮૫૦માં ગયાં હતાં. લાડવાની જેમ પેંડા પણ પ્રસાદ તરીકે વેચાય છે.

વિવિધરૂપો

• મલાઈ પેંડા
• કચ્છી પેંડા
• કેસર પેંડા
• કાજુ મોદક પેંડા