મુસલમાન

વિકિપીડિયાથી
આના પર જાવ: ભ્રમણ, શોધો
ચીનનાં દોનઝિયાંગમાં મુસ્લિમ વિધાર્થી

મુસ્લિમ કે મુસલમાન (અરબી: مسلم) લોકો કે જેને અંગ્રેજીમાં ક્યારેક મોસ્લેમ[૧] તરીકે પણ બોલાય છે, તેઓ ઇસ્લામ અનુયાયી, એકેશ્વરવાદમાં માનતા, કુરાન પર આધારીત ઇબ્રાહિમ સ્થાપિત ધર્મને અનુસરે છે અને હઝરત મુહમ્મદ મુસ્તફા (સ.અ.વ.) ને અલ્લાહના પયગંબર માને છે. "મુસ્લિમ" નો અરબીમાં અર્થ "એક કે જે અલ્લાહમાં શ્રધ્ધા રાખે છે" એવો થાય છે. સર્વવ્યાપી રીતે ઇસ્લામ ધર્મ પાળતા લોકોને મુસ્લિમ કહે છે.

મુસ્લિમ શબ્દનો ઉદ્ભવ[ફેરફાર કરો]

મુસ્લિમ શબ્દ એ કૃદંતનું કામ કરનારું ઇસ્લામ ક્રિયાપદનું મૂળ રૂપ છે.[૨] મહિલા અનુયાયીને મુસ્લિમા કહેવામાં આવે છે. અરબી માં બહુવચનમાં મુસ્લિમુન (مسلمون) કહેવાય છે જ્યારે સ્ત્રીલિંગમાં મુસ્લિમાત(مسلمات) કહે છે. એનો એક અર્થ "સમગ્ર, યોગ્ય" એવો પણ થાય છે.

મુસ્લિમ માટે અન્ય શબ્દો[ફેરફાર કરો]

અંગ્રેજીમાં મુળ શબ્દ "મુસ્લિમ" છે, ક્યારેક તે અપભ્રંશ થઇને "મોસ્લેમ" તરીકે બોલાય છે, જે ખરેખરમાં જુનો શબ્દ છે. અરબી શબ્દ "મુસ્લિમ" નો સમાનાર્થી શબ્દ અંગ્રેજીમાં "Submitter" થાય છે જે ગુજરાતીમાં "સમર્પિત" એવો થાય છે.

મધ્ય-૧૯૬૦ ના અરસા સુધી, ઘણાં અંગ્રેજીભાષી લેખકો "મહોંમદનસ્" અથવા "મહોમ્મતન્સ્" શબ્દનો ઉપયોગ કરતાં હતા.[૩]

અર્થ[ફેરફાર કરો]

ઇબ્ન અરબીએ મુસ્લિમ ની વ્યાખ્યા કરતાં જણાવ્યું કે:

"મુસ્લિમ એ એવી વ્યક્તિ છે જે માત્ર અને માત્ર અલ્લાહની ઇબાદત કરે છે. "ઇસ્લામ' નો અર્થ થાય છે માત્ર અલ્લાહ ને માનતો એક ધર્મ"[૪]

પહેલાના પેગંબરોનું કુરાનમાં વર્ણન કરવા માટે વપરાય છે[ફેરફાર કરો]

કુરાનમાં ઇસ્લામ ઘણા પયગંબરો, સંદેશવાહકોને અને તેમના અનુયાયીઓને મુસ્લિમ તરીકે વર્ણવે છે. જેમાં આદમ, નુહ, ઇબ્રાહીમ, યાકુબ, મુસા, ઇસુ વિગેરેને કુરાન દ્વારા મુસ્લિમ તરીકે સમર્થન મળ્યું છે. કુરાન જણાવે છે કે આ પુરુષો મુસ્લિમો હતા કારણ કે તેઓ અલ્લાહને સમર્પિત, તેમનો સંદેશો પહોંચાડનાર અને મહત્વ સમજાવનાર હતા. આમાં ઇબાદત, દાન, ઉપવાસ કે રોજા અને પવિત્ર ધર્મયાત્રા કે હજનો સમાવેશ પણ થાય છે. કુરાનની સુરત ૩:૫૨ મુજબ ઇસુના અનુયાયીઓએ ઇસુને કહ્યું "અમે અલ્લાહમાં માનીએ છીએ અને આપ એ વાતના સાક્ષી થાઓ કે અમે મુસ્લિમ છીએ (wa-shahad be anna muslimūn)." મુસ્લિમ માન્યતા અનુસાર, કુરાન પહેલાં અલ્લાહે મુસાને તોરાત (ધર્મ પુસ્તક) આપી, દાઉદને ઝબુર(ધર્મ પુસ્તક) આપ્યું અને ઇસાને ઇન્જિલ(ધર્મ પુસ્તક બાઇબલ) આપ્યું, આ મહાભુતિઓ અગત્યના મુસ્લિમો કે પયગંબર કહેવાય છે.

વસ્તીની માહિતી[ફેરફાર કરો]

વિશ્વની મુસ્લિમ વસ્તી ટકાવારી પ્રમાણે

૨૦૦૯નાં આંકડાઓ પ્રમાણે વિશ્વમાં મુસલમાનોની કુલ વસ્તિ એક અબજ સત્તાવન કરોડ છે (૧.૫૭ બિલિયન). જેમાં ૭૫-૯૦% સુન્ની અને ૧૦-૨૦% શિયા છે.[૫][૬] તેમાંથી 13 લગભગ% ઇન્ડોનેશિયા રહે છે, જે સૌથી મોટો મુસ્લિમ દેશ છે, આ ઉપરાંત દક્ષિણ એશિયામાં 25%, મધ્ય પૂર્વમાં 20%, મધ્ય એશિયા માં 2%, 4% બાકી રહેતા દક્ષિણ પૂર્વ એશિયાના દેશોમાં, અને ઉપ-સહારાના આફ્રિકામાં 15% મુસ્લિમો રહે છે. મુસ્લિમ વિસ્તૃત સમુદાયો ચાઇના અને રશિયામાં પણ તેમજ કેરેબિયન ના ભાગોમાં પણ જોવા મળે છે. રૂપાંતરીત અને સ્થળાંતરિત સમુદાયો લગભગ વિશ્વના દરેક ભાગ જોવા મળે છે.[૭][૮][૭]

સંદર્ભ[ફેરફાર કરો]

  1. thefreedictionary.com: muslim
  2. Burns & Ralph, World Civilizations, 5th ed., p. 371
  3. See for instance the second edition of A Dictionary of Modern English Usage by H. W. Fowler, revised by Ernest Gowers (Oxford, 1965)).
  4. Commentary on the Qur'an, Razi, I, p. 432, Cairo, 1318/1900
  5. "Islām". Encyclopædia Britannica Online. http://www.britannica.com/EBchecked/topic/295507/Islam. પુનર્પ્રાપ્ત 2010-08-25.
  6. CIA retrieved 21 Dec 2011
  7. ૭.૦ ૭.૧ Miller, Tracy, ed. (October 2009) (PDF). Mapping the Global Muslim Population: A Report on the Size and Distribution of the World's Muslim Population. Pew Research Center. pp. 8–9, 17–19. http://pewforum.org/Muslim/Mapping-the-Global-Muslim-Population.aspx. પુનર્પ્રાપ્ત 2009-10-08.
  8. Esposito, John L. (2002-10-15). What everyone needs to know about Islam. Oxford University Press. p. 21. ISBN 978-0-19-515713-0 . and Esposito, John (2005). Islam : the straight path (Rev. 3rd ed., updated with new epilogue. ed.). New York: Oxford University Press. pp. 2, 43. ISBN 978-0-19-518266-8 .