કીથ રુન્કૉર્ન

કીથ રુન્કૉર્ન
જન્મ	૧૯ નવેમ્બર ૧૯૨૨  સાઉથપોર્ટ
મૃત્યુ	૫ ડિસેમ્બર ૧૯૯૫  સેન ડિયાગો
અભ્યાસ સંસ્થા	Gonville and Caius College
વ્યવસાય	વિશ્વવિદ્યાલયના શિક્ષક
સંસ્થા	Lunar and Planetary Institute
પુરસ્કારો	Chree Medal and Prize (૧૯૬૯) John Adam Fleming Medal (૧૯૮૩)

સ્ટેનલી કીથ રુન્કૉર્ન (૧૯ નવેમ્બર ૧૯૨૨ – ૫ ડિસેમ્બર ૧૯૯૫) એક બ્રિટિશ ભૂભૌતિક વિજ્ઞાની હતા જેમણે પૃથ્વીના ચુંબકીય ક્ષેત્રના આવર્તક ઉત્ક્રમણોનો પ્રથમ પુરાવો આપ્યો હતો. આ ઉત્ક્રમણોને ધ્રુવીય ઉત્ક્રમણો તરીકે પણ ઓળખવામાં આવે છે.

રુન્કૉર્નનો જન્મ સાઉથ પૉર્ટ, લેંકશાયર, ઇંગ્લૅન્ડમાં થયો હતો. ૧૯૫૬થી ૧૯૬૩ સુધી ડર્હાહામ યુનિવર્સિટીમાં ભૌતિકવિજ્ઞાન વિભાગના નિયામક હતા. ૧૯૬૩માં તેઓ ન્યૂકૅસલ યુનિવર્સિટીના નિયામક બન્યા. સાન ડિયેગોમાં તેમની ચોરીના ઇરાદે હત્યા થઈ હતી.

રુન્કૉર્નનું સંશોધન ભૂભૌતિક ચિરંતન ફેરફારો, ધ્રુવીય અભિગમન, તેના કારણે થતાં હવામાનના ફેરફારો, ખંડવિસ્થાપનના પુરાચુંબકીય પુરાવા, ભૂચુંબકીય ક્ષેત્રના ઉદ્ગમના સિદ્ધાંત અને ગ્રહોની આંતરિક રચના પર કેન્દ્રિત હતું.

બાહ્ય કડીઓ

• ગુજરાતી વિશ્વકોશમાં કીથ રુન્કૉર્ન.